વિરાટ કોહલીએ દીકરીના જન્મદિવસના બે દિવસ પહેલાં ઈમોશનલ પોસ્ટ કરી શેર, વાંચો શું લખ્યું

નવી દિલ્હી. ભારતીય ટીમનો સ્ટાર બેટ્સમેન વિરાટ કોહલી બાંગ્લાદેશ પ્રવાસ બાદ થોડા સમય માટે બ્રેક પર હતો. વિરાટ પરિવાર સાથે વધુમાં વધુ સમય પસાર કરવાનું પસંદ કરે છે. આ દરમિયાન કોહલીએ સોશિયલ મીડિયા પર તેના પરિવાર સાથે ઈમોશનલ પોસ્ટ શેર કરી છે. જેમાં વિરુષ્કા (વિરાટ કોહલી અને અનુષ્કા શર્મા) તેની પુત્રી વામિકા કોહલી સાથે જોવા મળે છે. કોહલી પોતાના પરિવારને સર્વસ્વ માને છે, તેણે આ પોસ્ટમાં સ્પષ્ટ કર્યું છે.

વિરાટ કોહલીએ ઈન્સ્ટા પર એક ફોટો શેર કર્યો છે જેમાં અનુષ્કા અને વિરાટ દરિયા કિનારે જોવા મળી રહ્યા છે. તે જ સમયે, નાની વામિકા તેમની વચ્ચે દોડતી જોવા મળે છે. વિરાટ કોહલીની પુત્રી 11 જાન્યુઆરીએ બે વર્ષની થશે. વામિકાનો જન્મ 11 જાન્યુઆરી 2021ના રોજ થયો હતો. કોહલીએ ફોટો સાથે પરિવાર વિશે એક સુંદર પંજાબી ગીત લખ્યું છે.

આ પણ વાંચોઃ રક્ષક બન્યા ભક્ષક! કસ્ટડીમાં યુવકને થર્ડ ડિગ્રી આપી તેના પ્રાઈવેટ પાર્ટ પર કરંટના ઝટકા આપ્યા

View this post on Instagram

A post shared by Virat Kohli (@virat.kohli)

વિરાટ કોહલીએ ભગવાનનો આભાર માન્યો

વિરાટે પોસ્ટમાં પંજાબીમાં લખ્યું,‘ભગવાન આપને ઈતની મેહરબાનિયાં કર દી હૈ ઔર આપસે કુછ નહીં ચાહિયે. બસ અબ મૈં આપકા શુક્રિયા અદા કરતા હૂં.’ વિરાટ કોહલીની પોસ્ટને ફેન્સ દ્વારા ખૂબ પસંદ કરવામાં આવી રહી છે. વિરાટની પુત્રી વામિકા કોહલીનો બે દિવસ બાદ જન્મદિવસ છે.

2022 કોહલી માટે ભાગ્યશાળી રહ્યું

વર્ષ 2022 વિરાટ માટે ખૂબ જ લકી સાબિત થયું. છેલ્લા ત્રણ વર્ષથી કોહલી સદી માટે સંઘર્ષ કરતો જોવા મળ્યો હતો. પરંતુ ગયા વર્ષે તેણે લાંબો બ્રેક લીધો હતો જેમાં તેણે બેટને હાથ પણ નહોતો લગાવ્યો. જે બાદ શાનદાર વાપસી કરીને એશિયા કપમાં સદી ફટકારી ફેન્સને ખુશ કરી દીધા હતા. વિરાટે ટીમ ઈન્ડિયાને T20 વર્લ્ડ કપ જીતવામાં મદદ કરવામાં કોઈ કસર છોડી ન હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Anushka Sharma, Captain virat kohli, Vamika