Home /News /sport /

T20 World Cup-2021 : ન્યૂઝીલેન્ડ-અફઘાનિસ્તાન મેચની પિચ બનાવનાર ભારતીય પિચ ક્યૂરેટર મોહન સિંહનું શંકાસ્પદ હાલતમાં મોત

T20 World Cup-2021 : ન્યૂઝીલેન્ડ-અફઘાનિસ્તાન મેચની પિચ બનાવનાર ભારતીય પિચ ક્યૂરેટર મોહન સિંહનું શંકાસ્પદ હાલતમાં મોત

ભારતીય પિચ ક્યૂરેટર મોહન સિંહનું શંકાસ્પદ હાલતમાં મોત

T20 World Cup-2021- મોહન સિંહ અબુધાબી ક્રિકેટ સ્ટેડિયમના મુખ્ય પિચ ક્યૂરેટર (Pitch Curator Mohan Singh)તરીકે કામ કરી રહ્યા હતા

    અબુધાબી : પિચ ક્યૂરેટર મોહન સિંહનું (Mohan Singh)રવિવાર અફઘાનિસ્તાન અને ન્યૂઝીલેન્ડ વચ્ચે ટી-20 વર્લ્ડ કપ (T20 World Cup-2021)મેચના કેટલાક કલાક પહેલા મોત થયું છે. તે અબુધાબી ક્રિકેટ સ્ટેડિયમના મુખ્ય પિચ ક્યૂરેટર (Pitch Curator Mohan Singh)તરીકે કામ કરી રહ્યા હતા. યૂએઈ ક્રિકેટે આ દુર્ભાગ્યપૂર્ણ સમાચારની પૃષ્ટી કરી છે. યૂએઈ ક્રિકેટે તેમને શ્રદ્ધાંજલિ આપી છે. જોકે તેમના મોતનું કારણ જાણી શકાયું નથી.

    પાકિસ્તાની ચેનલ ARY ન્યૂઝના જણાવ્યા અનુસાર પીચ બનાવનાર ક્યૂરેટર મોહન સિંહનો મૃતદેહ શંકાસ્પદ હાલતમાં મળી આવ્યો છે. મૃત્યુનું કારણ હજી બહાર આવ્યું નથી. પ્રશાસને મોતનું કારણ જાણવા માટે આ મામલે તપાસ શરૂ કરી છે. આ વિશે જલ્દી એક વિસ્તૃત નિવેદન જાહેર થવાની આશા છે.

    યૂએઈ ક્રિકેટે અમીરાત ક્રિકેટ બોર્ડના હવાલાથી ટ્વિટર પર લખ્યું કે અમીરાત ક્રિકેટ બોર્ડ આ મુશ્કેલીના સમયમાં મોહન સિંહના પરિવાર અને મિત્રો સાથે ઉભું છે. મોહન છેલ્લા 15 વર્ષથી અબુધાબી ક્રિકેટ સાથે જોડાયેલો હતો અને વર્તમાન ટી-20 વર્લ્ડ કપમાં પણ મેચો માટે પિચ તૈયાર કરી હતી.

    36 વર્ષીય મોહન સિંહ ભારતના રહેવાસી છે. ઓસ્ટ્રેલિયા, ઈંગ્લેન્ડ, ભારત, પાકિસ્તાન, ન્યૂઝીલેન્ડ, સાઉથ આફ્રિકા, શ્રીલંકા અને વેસ્ટ ઈન્ડિઝ આ વિકેટ પર રમ્યા છે અને તમામ વિકેટ મોહન સિંહે જ બનાવી છે.

    આ પણ વાંચો - વિશ્વમાં સૌથી વધુ સેલેરી લેનાર કેપ્ટન કોણ? જાણો વિરાટ કોહલીનો કેટલો છે પગાર, તેનાથી વધુ કમાય છે આ કેપ્ટન

    એક સૂત્રએ જણાવ્યું કે આ ઘટના રવિવારની છે અને જ્યારે બધુ સ્પષ્ટ થશે તો બધી માહિતી સામે આવશે. આ ઘણું દુર્ભાગ્યપૂર્ણ છે. મોહન સિંહે 2000ના દશકની શરૂઆતમાં યૂએઈ ગયા પહેલા મોહાલીમાં બીસીસીઆઈના પૂર્વ મુખ્ય પિચ ક્યૂરેટર દલજીત સિંહની દેખરેખમાં કામ કર્યું હતું. લગભગ 22 વર્ષ સુધી ભારતીય ક્રિકેટની સેવા કરનાર દલજીત મોહનના મોતના સમાચાર સાંભળી આઘાતમાં છે.

    મોહન સપ્ટેમ્બર 2004માં પંજાબ ક્રિકેટ સ્ટેડિયમ મોહાલીમાં ક્યૂરેટર બનવાની તાલીમ લીધા બાદ અબુ ધાબી આવ્યા હતા, જ્યાં તેઓ 1994થી ગ્રાઉન્ડ સુપરવાઇઝર તરીકે કામ કરતા હતા.

    ભારત ટી-20 વર્લ્ડ કપમાંથી આઉટ

    ટી-20 વર્લ્ડ કપમાં ભારતના અભિયાનનો અંત આવ્યો છે. અફઘાનિસ્તાન ન્યૂઝીલેન્ડને હરાવી ન શકતા ભારત હવે સેમિ ફાઇનલમાં પહોંચી શકશે નહીં. ટોસ જીતીને પ્રથમ બેટિંગ કરતા અફઘાનિસ્તાન માત્ર 124 રન કરી શક્યું હતું. જેના જવાબમાં ન્યૂઝીલેન્ડે આસાનીથી આ લક્ષ્યાંક મેળવી લીધો હતો.
    Published by:Ashish Goyal
    First published:

    Tags: Pitch Curator Mohan Singh, T20 world cup, T20 World Cup 2021

    विज्ञापन

    विज्ञापन

    આગામી સમાચાર

    विज्ञापन
    विज्ञापन