આકાશ ચોપરાનો દાવો, 2022ની IPLમાં ધોની નહિ હોય ચેન્નાઈ સુપરકિંગ્સનો ભાગ

  • Share this:
    નવી દિલ્લી: પૂર્વ ક્રિકેટર અને જોરદાર કોમેન્ટેટર આકાશ ચોપડા (Akash Chopea)ને તેના નિવેદનોને લઈને ઓળખવામાં આવે છે. આકાશ ચોપડાએ આઈપીએલ 2022 પહેલા એક મોટુ નિવેદન આપ્યું છે. આકાશ ચોપડાએ કહ્યું કે આવતા વર્ષે આઇપીએલના મેગા ઓક્શનમાં મહેન્દ્રસિંહ ધોની પોતે ચેન્નાઈની ટીમમાં રીટેન નહિ થાય. આકાશ ચોપડાએ કહ્યું કે ભલે ટીમ તેની સાથે રહેવા માંગતી હોય પરંતુ ધોની એવું કરતા ટીમનો રોકી શકે છે.

    આકાશ ચોપડાએ યુટ્યુબ પરના પોતાના વીડિયોમાં કહ્યું હતું કે 'ચેન્નાઈ સુપર કિંગ્સ એમએસ ધોનીને રિટેનર્સની યાદીમાં ટોચ પર રાખશે. પરંતુ જો તમે ધોનીને પૂછશો તો તે પોતે જ કહેશે કે તમે મને ટીમમાં કેમ જાળવી રહ્યા છો. તે આગામી ત્રણ વર્ષ સુધી ટીમ સાથે રહેશે નહીં. તેઓ તેમના પર આટલા પૈસા ખર્ચ કરીને તેમને કેમ ફસાવવા માગે છે. સીએસકે અને ધોની મોટાભાગે સમાન છે. આકાશ ચોપડાએ વધુમાં કહ્યું કે, "જો કોઈ પણ ખેલાડીને જાળવી ન રાખવાનો નિયમ આવે છે, તો સીએસકે ધોનીને જાળવી ન રાખવા માટે સંપૂર્ણ સંમત થશે."

    જણાવી દઈએ કે, એમએસ ધોનીની આગેવાની હેઠળ ચેન્નાઈ સુપર કિંગ્સે ત્રણ આઈપીએલ ટાઇટલ જીત્યું છે. વળી, ફક્ત એક જ વાર આ બન્યું છે જ્યારે ટીમ પ્લે ઓફમાં સ્થાન મેળવી શકી ન હોય. ધોની માટે ચેન્નાઈ જેવો કેપ્ટન મેળવવો અશક્ય છે, આવી સ્થિતિમાં આ ફ્રેન્ચાઇઝી ધોની પર ચોક્કસપણે દાવ રમશે.

    આકાશ ચોપરાએ કહ્યું કે, ચેન્નાઈ સુપર કિંગ્સ રવિન્દ્ર જાડેજા અને દીપક ચહરને પણ તેમની ટીમમાં જાળવી રાખવા માંગશે. ટીમ ધોનીની સાથે જાડેજાને જાળવી રાખશે. તે જ સમયે, તે આરટીએમ કાર્ડની મદદથી ઝડપી બોલર દીપક ચહરને ટીમ સાથે રાખી શકે છે.
    Published by:kuldipsinh barot
    First published: