સુરત: તાપી નદીમાં ન્હાવા પડેલા બે યુવકોનાં ડૂબી જવાથી મોત

સુરત: કાળઝાળ ગરમીમાં ઠંડક મેળવવા નદીમાં ન્હાવા પડેલા યુવકોને કાળ ભરખી ગયો હતો. ન્હાવા પડેલ 2 યુવકના તાપી નદીમાં ડૂબી જતાં મોત નિપજ્યા છે.  મૃતક બંને યુવકો લિંબાયત નજીક મીઠી ખાડી વિસ્તારના તેમજ ઓમ નગરના હોવાનું બહાર આવ્યું છે.

પ્રાપ્ત વિગત અનુસાર બારડોલીના વાઘેચા ગામે 2 યુવકો ન્હાવા ગયા હતા. આ દરમિયાન તાપી નદીમાં ડૂબી જતા બન્નેના મોત થયા હતા. આ ઘટનાની જાણ થતા જ ફાયબ્રિગેડની ટીમ પહોંચી ગઇ હતી અને બંને યુવકોના મૃતદેહો બહાર કાઢ્યા હતા. હાલ આ બન્ને યુવાનના મૃતદેહને પીએમ કાર્યવાહી માટે મોકલવામાં આવ્યા છે.



બનાવની જાણ થતા ગામના લોકો પણ મદદ માટે દોડી આવ્યાં હતાં અને પોલીસને જાણ કરી હતી. આ અંગે પોલીસે ગૂનો દાખલ કરીને આગળની કાર્યવાહી હાથ ધરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Tapi river, મોત, સુરત