Home /News /south-gujarat /

સુરત: યુવકે કિશોરીને એકાંતમાં મળવા બોલાવી ફોટો પાડી લીધા, ત્રણ વર્ષ સુધી બ્લેકમેઇલ કરી દુષ્કર્મ આચર્યું

સુરત: યુવકે કિશોરીને એકાંતમાં મળવા બોલાવી ફોટો પાડી લીધા, ત્રણ વર્ષ સુધી બ્લેકમેઇલ કરી દુષ્કર્મ આચર્યું

કિશોરીની ફરિયાદ બાદ યુવકની ધરપકડ.

છેલ્લા ત્રણ વર્ષથી સગીરાને બ્લેકમેઇલ કરી શરીર સંબંધ બાંધવા દબાણ કરાતું હોવાથી આ મામલે સગીરાએ વરાછા પોલીસ મથકે ફરિયાદ નોંધાવી છે.

સુરત: સુરતમાં બ્લેકમેઇલ (Blackmailing of teenage girl) કરી દુષ્કર્મ આચરવાનો વધુ એક બનાવ સામે આવ્યો છે. જેમાં અશ્વની કુમાર રોડ ખાતે રહેતા યુવકે સગીરાને મળવા માટે બોલાવી તેણી સાથેના ફોટા પાડી લીધા હતા. બાદમાં સગીરાના ફોટા વાયરલ કરવાની ધમકી આપી તેણીને બ્લેકમેઇલ કરીને બળાત્કાર (Rape) ગુજાર્યો હતો. છેલ્લા ત્રણ વર્ષથી સગીરાને બ્લેકમેઇલ કરી શરીર સંબંધ બાંધવા દબાણ કરાતું હોવાથી આ મામલે સગીરાએ વરાછા પોલીસ મથકે ફરિયાદ નોંધાવી છે. વરાછા પોલીસે આ મામલે ગુનો નોંધીને મોબાઈલ વેપારી (Mobile trader)ની ધરપકડ કરી છે. પોલીસે વેપારી સામે કાયદેસરની કાર્યવાહી શરૂ કરી છે.

મળતી માહિતી પ્રમાણે વરાછાની એક સોસાયટીમાં રહેતા યુવકે સોસાયટીમાં જ રહેતી સગીરાને મળવા માટે બોલાવીને તેણીના ફોટા પાડી લીધા હતા. આ ફોટા વાયરલ કરવાની ધમકી આપીને ત્રણ વર્ષ પહેલા બળાત્કાર ગુજાર્યો હતો. આ અંગે વરાછા પોલીસે ગુનો નોંધીને મોબાઇલના વેપારીની ધરપકડ પણ કરી છે.

આ પણ વાંચો: લગ્ન વિધિ ચાલી રહી હતી અને દુલ્હો ફરાર, બીજી છોકરી સાથે લગ્ન કરી લીધા

વરાછા એ.કે.રોડ ઉપર શિવાંજલી સોસાયટીમાં રહેતા દર્શક દિનેશ ભંડેરી નામનો યુવક મોબાઇલ દુકાન ચલાવે છે. દર્શકે તેની જ સોસાયટીમાં રહેતી 17 વર્ષીય સગીરા સાથે પરિચય કેળવી એકાંતમાં મળવા માટે બોલાવી યુવતીના ફોટા પાડી લીધા હતા. આ તસવીરો વાયરલ કરવાની ધમકી આપીને તેણે સગીરાને મળવા બોલાવી હતી. વર્ષ 2018થી અત્યારસુધીમાં સગીરા સાથે તેની મરજી વિરુદ્ધ બળજબરીથી બળાત્કાર ગુજાર્યો હતો.

આ પણ વાંચો: અમદાવાદ: પાણીની ટાંકીમાંથી લાશ મળી તે યુવતી કોણ? હાથ પર છૂંદણામાં ત્રણ સ્ટાર અને J અક્ષર

ઉપરાંત આ અંગે કોઇને જાણ કરશે તો તેણીને તથા તેના પરિવારજનોને જાનથી મારી નાંખવાની ધમકી આપી હતી. અવારનવાર મળવા માટે અને શરીર સંબંધ બાંધવા સગીરાને બ્લેકમેઇલ કરવામાં આવતી હતી. તેમજ આ મામલે કોઈને જાણ કરશે તો તેણીને તથા તેના પરિવારજનોને જાનથી મારી નાખવાની ધમકી આપી હતી.

આ પણ વાંચો: સુરત: મોપેડ પર થમ્સઅપ પી રહેલા યુવકનું પોલીસકર્મીએ કર્યું અપહરણ, 30 હજાર રૂપિયા પડાવી છોડી દીધો



આખરે કિશોરીએ આ મામલે પરિવારના સભ્યોને વાત કરતાં પરિવારે દીકરીને હિંમત આપી હતી. જે બાદમાં કિશોરીએ નરાધમ વિરુદ્ધ વરાછા પોલીસ મથકમાં ફરિયાદ નોંધાવી હતી. પોલીસે દર્શક દિનેશ ભંડારી સામે બળાત્કારનો ગુનો નોંધી તેની ધરપકડ કરી કાયદેસરની કાર્યવાહી હાથ ધરી છે.
Published by:Vinod Zankhaliya
First published:

Tags: Teenager, ગુનો, પોલીસ, બળાત્કાર, સુરત

विज्ञापन

विज्ञापन

આગામી સમાચાર

विज्ञापन
विज्ञापन