Home /News /south-gujarat /

ન્યુઝીલેન્ડની મસ્જિદોમાં થયેલા આતંકી હુમલામાં ગુજરાતીનુંં મોત, વડોદરાના પિતા-પુત્ર લાપતા

ન્યુઝીલેન્ડની મસ્જિદોમાં થયેલા આતંકી હુમલામાં ગુજરાતીનુંં મોત, વડોદરાના પિતા-પુત્ર લાપતા

ન્યુઝિલેન્ડમાં મોતને ભેટલા નવસારીના યુવક

ન્યુઝીલેન્ડમાં ક્રાઇસ્ટચર્ચ નજીકની બે મસ્જિદોમાં આતંરવાદી હુમલો થયો હતો. જેમાં બે ગુજરાતીના મોત થયાના સમાચાર મળી રહ્યા છે.

    ન્યૂઝ18 ગુજરાતીઃ ન્યુઝીલેન્ડમાં ક્રાઇસ્ટચર્ચ નજીકની બે મસ્જિદોમાં આતંરવાદી હુમલો થયો હતો. જેમાં એક ગુજરાતીનું મોત થયાના સમાચાર મળી રહ્યા છે. બે ગુજરાતીમાં એક સુરત જિલ્લાના રહેવાસી યુવકો છે. જ્યારે મૂળ વડોદરાના પિતા-પુત્ર પણ લાપતા થયા હોવાના પણ સમાચાર મળી રહ્યા છે. મળતી મહિતી પ્રમાણે  હુલાહાના રહેવાસી હાફીઝ મુસા પટેલ તો મસ્જિદમાં મૌલવી તરીકે સેવા આપતા હતા. ગોળીબારમાં તેમને કમરના ભાગે ગોળી વાગતા તેઓ ઇજાગ્રસ્ત થયા છે. જેમને સારવાર માટે હોસ્પિટલ ખસેડવામાં આવ્યા છે. ન્યુઝીલેન્ડના ક્રાઇસ્ટચર્ચમાં આવેલ બે મસ્જિદ પૈકી અલનુર મસ્જિદ તેમજ લોટાકા મસ્જિદમાં થયેલી આતંકી હુમલાએ આખા વિશ્વને હચમચાવી નાંખ્યું છે. ચાલુ નમાજ દરમિયાન આતંકીઓ દ્વારા ટ્વીટર એફ-બી ઉપર લાઇવ રેકોર્ડિંગ સાથે કરેલા અંધાધુંધ ફાયરિંગ કરવામાં આવ્યું હતું. બ્રશ ફાયરિંગમાં 50 થી વધુના મોત નિપજ્યા હતાં.

    આ ઘટનાએ આખા વિશ્વમાં હાહાકાર મચાવી દીધો હતો. મસ્જિદના ખૂણેખૂણામાં ફરી નમાજીઓને ગોળી મારવાના દ્રશ્યો સોશિયલ મીડિયામાં જીવંત પ્રસારિત કરવાની આ માનસિકતા વધુ વહેસી હતી.

    આ પણ વાંચોઃ-ન્યૂઝીલેન્ડ આતંકી હુમલામાં છ ભારતીયોનાં મોત, એક ગુજરાતીની આશંકા

    સુરત જિલ્લાના તડકેશ્વરના રહીશ તેમજ 10 વર્ષથી ન્યુઝીલેન્ડમાં સ્થાયી થયેલા 35 વર્ષીય જુનેદ યુસુફ કારા મસ્જિદમાં નમાજ પઢવા માટે ગયા હતા. તેઓ અલ્લાહની ઇબાદતમાં મગ્ન હતાં ત્યારે જ ગોળી વાગી અને મોતને ભેટયા હતા. આ ઉપરાંત માંગરોલ તાલુકાના લુહારાના હાફીઝ મુસા પટેલ પણ હુમલાનો ભોગ બન્યા હતા. ક્રાઇસ્ટચર્ચની લોટાકા મસ્જિદમાં મૌલવી તરીક સેવા આપતાં હાફીઝ મુસા પટેલ પણ ઉપરોક્ત ફાયરિંગમાં શરીરના વિવિધ ભાગે ગોળીઓ વાગી જેના પગલે તેઓ ગંભીર રીતે ઉજાગ્રસ્ત થયા હતા. જેમને સારવાર માટે હોસ્પિટલ ખસેડવામાં આવ્યા હતા.

    વધુ મળતી માહિતી પ્રમાણે આ હુમલામાં મૂળ વડોદરા આરીફ વોરા અને તેમના પુત્ર રમીઝ વોરા લાપતા થતા પરિવારના જીવ તાળવે ચોંટી ગયાં છે. શહેરના પાણીગેટ વિસ્તારમાં ધાનાની પાર્કમાં રહેતાં 58 વર્ષીય આસીફ મહંમદભાઇ વોરાના 28 વર્ષીય પુત્ર રમીઝ વોરાઅને તેમની પત્ની ખુશબુ થોડા વર્ષ અગાઉ ન્યૂઝીલેન્ડમાં સ્થાયી થયાં હતાં. રમીઝ વોરા ન્યૂઝીલેન્ડમાં ખાનગી કંપનીમાં નોકરી કરે છે. ખુશબુ ગર્ભવતી હોવાથી આસીફભાઇ અને તેમની પત્ની રૂકસાના થોડા સમય પહેલાં ન્યૂઝીલેન્ડ ગયાં હતા. લગભગ 6 દિવસ અગાઉ જ ખુશબુએ બાળકીને જન્મ આપ્યો હતો. રૂકશાનાબેન ખુશબુ સાથે હોસ્પિટલમાં જ છે. આજે આસીફભાઇ અને પુત્ર રમીઝ ન્યૂઝિલેન્ડના ક્રાઇસ્ટચર્ચની મસ્જીદમાં શુક્રવારની નમાજ અદા કરવા ગયાં હતાં. મસ્જિદમાં અચાનક આતંકવાદી હુમલો થયો જેમાં ૪૯ લોકોના મોત થયાં છે.

    આતંકી હુમલા બાદ આરીફભાઇ અને રમીઝ બંને લાપતા થયાં હોવાનું જાણવા મળ્યું છે. ઉલ્લેખનીય છે કે, આ ગમખ્વાર ઘટનાને પગલે વડોદરામાં રહેતા આરીફભાઇના પરિવાર સહિત સગા-સંબંધીઓના જીવ પડીકે બંધાઈ ગયાં છે.
    First published:

    આગામી સમાચાર