Bharuch: પગભર થવા મુશ્કેલીઓનો સામનો કરી આ મહિલાએ સ્ટાર્ટઅપ શરૂ કર્યું; આજે આટલી આવક મેળવે

Aarti Machhi, Bharuch: આજની મહિલાઓ પુરુષો સાથે ખભેથી ખભા મળાવીને દેશના હરણફાળ વિકાસમાં પોતાની ભાગીદારી નોંધાવી રહી છે. દેશના આર્થિક અને સામાજિક વિકાસમાં મહિલાઓની ભુમિકા મહત્વની રહેલી છે. નર્મદા જિલ્લાની મહિલાઓ પણ જિલ્લાના વિકાસમાં પોતાની સક્રિય ભાગીદારી નોંધાવીને પોતાના સ્ટાર્ટઅપ્સની શરૂઆત કરી આત્મનિર્ભર બની રહી છે.

નર્મદા જિલ્લાના નાંદોદ તાલુકાના ટેકરા ફળિયામાં રહેતા અલ્પાબેન હેમંતભાઈ પટેલે પણ પોતાની કરિયાણાની દુકાનનુ શરૂ કરીને પરિવારને આર્થિક ટેકો આપ્યો છે. આજે તેઓ આત્મનિર્ભર બન્યા છે અને સ્વાવલંબી અને ગૌરવપૂર્ણ જીવન જીવી રહી છે.



જિલ્લા ઉદ્યોગ કેન્દ્ર દ્વારા પોતાના સ્ટાર્ટઅપ અર્થે રૂ.2,82,700ની લોન સહાય મળી

અલ્પાબેન પટેલ આજે તમામ જવાબદારીઓ સાથે આગળ વધ્યા છે તેઓએ જણાવ્યુ હતુ કે તેઓ પોતાનુ સ્ટાર્ટઅપ શરૂ કરવાનુ વિચારી રહ્યા હતા. ત્યારે કરીયાણાની દુકાન શરૂ કરવા માટે નાણાકીય મુશ્કેલીના કારણે પોતાના આ સ્વપ્નને દબાવી રાખવો પડ્યો. પરંતુ જિલ્લા ઉદ્યોગ કેન્દ્ર દ્વારા પોતાના સ્ટાર્ટઅપ અર્થે રૂ.2,82,700ની લોન સહાય મળી હતી. જેથી કરીયાણાની દુકાન શરૂ કરવાનુ સ્વપ્ન પૂર્ણ થયું છે.



અલ્પાબેન આ સ્ટાર્ટઅપના માધ્યમથી અંદાજિત રૂ. 13 હજારથી 22 હજારની માસિક આવક મેળવી રહ્યા છે. જેથી પોતાની સાથે તેમના કૌટુંબિક જીવનસ્તરમાં સતત સુધારો થઈ રહ્યો છે. જિલ્લા ઉદ્યોગ કેન્દ્ર થકી સરકારના યોજનાનો લાભ લઈને પોતાના કુટુંબની આર્થિક પરિસ્થિતિને મજબુત કરતી અલ્પાબેન સરકારનો આભાર વ્યક્ત કર્યો હતો.



નાનું સ્ટાર્ટઅપ કરી આત્મનિર્ભર ભારતના સ્વપ્નને સાકાર કર્યું

વડાપ્રધાન નરેન્દ્રભાઈ મોદી અને મુખ્યમંત્રી ભૂપેન્દ્રભાઈ પટેલના નેતૃત્વ અને માર્ગદર્શન હેઠળ આત્મનિર્ભર ભારતના સ્વપ્નને ચરિતાર્થ કરવા માટે નાના-નાના સ્ટાર્ટઅપ્સને પ્રોત્સાહિત કરી મહિલાઓની આ ક્ષમતાને વધારવાની સરાહનીય કામગીરી કરાઈ છે.



જેમાં જિલ્લા વહિવટીતંત્રની પણ ભાગીદારી પણ ખુબ જ સરાહનીય રહી છે. આ અંગે અલ્પા પટેલે જણાવ્યુ હતુ કે મહિલાઓની આ ભાગીદારીને દેશના વિકાસ સાથે સાંકળીને આર્થિક વિકાસ અને રોજગારની નવી તકો ઉભી થઈ રહી છે. જેના કારણે મહિલાઓ સ્વનિર્ભર બની રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bharuch, Local 18, Startup, Women Empowerment