Home /News /south-gujarat /નવસારીમાં માતાજીના મંદિરમાં ચાંદીના શણગાર સહિત રોકડની ચોરી, CCTV

નવસારીમાં માતાજીના મંદિરમાં ચાંદીના શણગાર સહિત રોકડની ચોરી, CCTV

પોલીસ દ્વારા સીસીટીવી ફૂટેજના આધારે તપાસ શરૂ કરવામાં આવી છે.

Crime News: નવસારીમાં ચોરો મંદિરમાંથી બે ચાંદીના મુગટ, એક જોડી પાદુકા, માતાજીનું છત્ર અને શિવલિંગના ચાંદીના નાગ ચોરી ગયા, CCTV...

    નવસારી: નવસારીમાં માતાજીના મંદિરમાં ચોરીની ઘટના સામે આવી છે. કાબિલપોર પંચાયતની બાજુમાં અગાસી માતાના મંદિરમાં રાત્રી દરમિયાન ચોરીની ઘટના બની હતી. ચોરો બે ચાંદીના મુગટ, એક જોડી પાદુકા, માતાજીનું છત્ર અને શિવલિંગના ચાંદીના નાગની ચોરી કરી ફરાર થઇ ગયા હતા. ચોરીની સમગ્ર ઘટના CCTVમાં કેદ થઈ છે. પોલીસને જાણ થતાં CCTVના આધારે વધુ તપાસ શરુ કરવામાં આવી છે.

    ઠંડીના ચમકારા સાથે ચોરીની ઘટનાઓ વધી

    નવસારીમાં ઠંડીના ચમકારા સાથે ચોરીની ઘટનાઓ પણ સામે આવી રહી છે. કાબિલપોર પંચાયતની બાજુમાં અગાસી માતાના મંદિરમાં ચોરીની ઘટનાથી ચકચાર મચી જવા પામી છે. ચોરો આ મંદિરમાં રાત્રી દરમિયાન ત્રાટક્યા હતા. મંદિરમાંથી બે ચાંદીના મુગટ, એક જોડી પાદુકા, માતાજીનું છત્ર અને શિવલિંગના ચાંદીના નાગની ચોરી થઇ છે. આ ચોરી મોડીરાત્રે લગભગ 1 વાગ્યાની આસપાસ થઇ હતી. મોડીરાત્રે ચોર ટોળકીએ મંદિરમાં પ્રવેશ કરી ચોરીને અંજામ આપ્યો હતો.

    આ પણ વાંચો: 'મા તે મા બીજા બધા વગડાના વા', સિંહણની મમતાનો વીડિયો વાયરલ

    સમગ્ર ઘટના સીસીટીવીમાં કેદ

    ચોરોએ મંદિરમાંથી ચાંદીના શણગાર સહિત દાનપેટીમાંથી રોકડ રકમની પણ ચોરી કરી હતી. ચોરીની ઘટના અંગે પોલીસને જાણ કરવામાં આવતાં તપાસ શરૂ કરવમાં આવી છે, ત્યારે સમગ્ર ઘટના સીસીટીવીમાં કેદ થઇ છે. સીસીટીવીમાં જોઇ શકાય કે કેવી રીતે બે ચોર મંદિરમાં પ્રવેશે છે અને ચોરીને અંજામ આપે છે. હાલ પોલીસ દ્વારા સીસીટીવી ફૂટેજના આધારે બન્ને આરોપીઓની ઓળખ કરવા તેમજ તેમને ઝડપી પાડવા વધુ તપાસ હાથ ધરવામાં આવી રહી છે.
    Published by:Azhar Patangwala
    First published:

    Tags: CCTV footage, Gujarat News, Navsari News

    विज्ञापन
    विज्ञापन