Gujarat monsoon: વાપીમાં બે કલાકમાં ખાબક્યો બે ઇંચ વરસાદ, સુરતમાં છવાયો હિલ સ્ટેશન જેવો માહોલ

સુરત: રાજ્યમાં (Gujarat rainfall data) હાલ મોટાભાગના વિસ્તારોમાં વરસાદી (Gujarat monsoon 2022) માહોલ છવાયો છે. ત્યારે હવામાન વિભાગની આગાહી (Gujarat weather forecast) પ્રમાણે દક્ષિણ ગુજરાતને મેઘરાજાએ ઘમરોળ્યું છે. વરસાદી આંકડા પ્રમાણે, વાપીમાં (Vapi rain) બે કલાકમાં બે ઇંચ વરસાદ વરસ્યો છે. જ્યારે સુરતમાં (Surat) પણ છૂટોછવાયો વરસાદ વરસતા લોકોએ રાહત અનુભવી છે. જાહેર થયેલા વરસાદી આંકડા પ્રમાણે, વાપીમાં બે કલાકમાં બે ઇંચ, વલસાડના પારડીમાં એક ઇંચ, કપરડામાં 23 એમએમ વરસાદ વરસ્યો છે. જ્યારે સુરતમાં સવારે 8 વાગ્યા સુધીમાં બે ઇંચ વરસાદ નોંધાયો છે.

 સુરતમાં વાતાવરણ હિલ સ્ટેશનમાં ફેરવાયું

સુરત શહેરમાં ગત મોડી રાતથી જ વરસાદી માહોલ જામ્યો છે. ધોધમાર વરસાદના પગલે શહેરનાં રસ્તાઓ પાણી-પાણી થઇ ગયા છે. વરસાદનાં પગલે સુરત શહેરનાં વાતાવરણમાં ઠંડક પ્રસરી ગઈ છે. છેલ્લા ઘણા દિવસથી કાળઝાળ ગરમી અને બફારાથી અકળાઈ ઉઠેલા સુરતીલાલાઓને વરસાદથી રાહત મળી છે. વરસાદના પગલે વહેલી સવારે કામ-ધંધા અર્થે જતા લોકો તેમજ શાળાએ જતા બાળકોને થોડી તકલીફનો સામનો કરવો પડતો હતો. જોકે, જે પ્રકારે સુરત શહેરમાં અવિરત મેઘ મહેર થઇ રહી છે તેના પગલે વાતાવરણ હિલ સ્ટેશનમાં ફેરવાઈ ગયું છે. આકાશમાં કાળા ડીબાંગ વાદળો છવાતા દિવસમાં સમયે પણ રાત્રી જેવું અંધારું છવાઈ ગયું છે. સુરત શહેરમાં સવારના 8 વાગ્યા સુધીમાં બે ઇંચ વરસાદ નોંધાયો છે.

વરસાદના પગલે શહેરના અનેક વિસ્તારોમાં પાણીના ખાડા- ખાબોચિયા ભરાઈ ગયા છે. જેના પગલે મચ્છરોનો ઉપદ્રવ વધી રહ્યો છે.

આ પણ વાંચો: ગુજરાતના નવા મુખ્યમંત્રી અંગે જીતુ વાઘાણીએ વાત વાતમાં કહી દીધી મોટી વાત

સુરત શહેરમાં સવારે 8 વાગ્યા સુધીમાં બે ઇંચ વરસાદ નોંધાયો છે. સૌથી વધુ શહેરના સાઉથ ઝોનમાં 36 મીમી વરસાદ નોંધાયો છે. સુરત શહેરમાં સવારનાં 8 વાગ્યા સુધીના વરસાદનાં આંકડા તપાસીએ તો,

સેન્ટ્રલ ઝોન - 14 mm
વેસ્ટ ઝોન - 3 mm
નોર્થ ઝોન - 11 mm
ઇસ્ટ ઝોન (એ) - 34 mm
ઇસ્ટ ઝોન (બી) - 18 mm
સાઉથ ઝોન - 36 mm
સાઉથ વેસ્ટ ઝોન - 15 mm
સાઉથ ઇસ્ટ ઝોન - 34 mm

વરસાદના પગલે તાપીમાં નવા નીર આવ્યા

સુરત શહેરમાં ચોમાસુ શરૂ થતાં જ તાપી નદીમાં નવા નીર આવ્યા છે. તેમજ કોઝવેની સપાટીમાં વધારો નોંધાયો છે. વહેલી સવારે કોઝવેની સપાટી 5.33 મીટર નોંધાઈ હતી. જ્યારે કોઝવે પર પાણી હાલ 5.49 મિટર પર વહી રહ્યું છે. વિયર કમ કોઝવેના અપસ્ટ્રીમ અને તાપી નદીના ઉપરવાસમાં વરસાદથી કોઝવેની સપાટીમાં વધારો નોંધાયો છે. છેલ્લા 1 દિવસમાં કોઝવેની સપાટી 5 મીટરથી વધીને 5.49 મીટર પહોંચી ગઇ છે. નોંધનીય છે કે, કોઝવેની ભયજનક સપાટી 6 મીટર છે. જો આગાહી પ્રમાણે વરસાદ વરસતો રહેશે તો કોઝવે ઓવરફ્લો થતા બંધ કરવાની ફરજ પડશે. વરસાદી માહોલ વચ્ચે કોઝવે પર અદભુત નજરો જોવા મળી રહ્યો છે. ઉનાળામાં ગરમીનાં કારણે સુકાઈ ગયેલી તાપી નદીમાં પણ નવા નીર આવતા ખળખળ વહેવા લાગી છે.

કોઝવેની સપાટી : 5.42 મીટર
ઉકાઈની સપાટી : 315 ફૂટ

વલસાડમાં બપોર બાદ ભારે વરસાદ

અંડરપાસમાં પાણી ભરાવાની સમસ્યા#Valsad #rain #monsoon2022 pic.twitter.com/JRUAUNr7Vq

— News18Gujarati (@News18Guj) June 20, 2022

વરસાદનાં પગલે મચ્છરોનો ઉપદ્રવ વધ્યો

સુરતમાં છુટોછવાયા વરસાદી ઝાપટાં બાદ લિંબાયત, કતારગામ, વેડરોડ, પાલનપોર, પુણા સહિતના વિસ્તારોમાં પાણીના ખાડા- ખાબોચિયા ભરાઈ ગયા છે.

વલસાડમાં પવન સાથે વરસાદથી નુકસાન

મોટું વૃક્ષ ધરાશાયી, બાઈક, વીજ પોલને નુકસાન#Valsad #rain #monsoon2022 pic.twitter.com/ERv75CzC28

— News18Gujarati (@News18Guj) June 20, 2022

જેના પગલે આ વિસ્તારોમાં મચ્છરના ઉપદ્રવની ફરિયાદો ઉઠી છે. મચ્છરોનાં ઉપદ્રવનાં કારણે સ્થાનીકોમાં ડેન્ગ્યૂ, તાવના પાણીજન્ય રોગો થવાનો ભય ફેલાઈ રહ્યો છે. જોકે, વરસાદનાં કારણે ભરાતાં પાણીને દૂર કરી મચ્છરોનાં ઉત્પત્તિ સ્થાનો શોધી નાબૂદ કરવા અને તાવના લક્ષણો જણાતાં આરોગ્ય કેન્દ્રમાં સારવાર લેવા કમિશનરે અપીલ કરી છે. પાલિકા કમિશનર બંછાનિધિ પાનીએ જણાવ્યું કે, ઘરમાં લાર્વા મોટા થઈ ને મચ્છર બને તે પહેલાં જ આવા ઉત્પત્તિ સ્થાનોને શોધી નાબૂદ કરો,પાલિકાના વીબીડીસી વિભાગ પણ મચ્છર ઉત્પત્તિ સ્થાન શોધી નાબૂદ કરે છે. મચ્છરોની ઉત્પત્તિને રોકવા પીપ, કેરબા, ડોલ અને ડ્રમને કાથાની દોરી વડે ઘસી સુકવીને પછી જ પાણી ભરો, તાવનાં લક્ષણ જણાતાં નજીકના આરોગ્ય કેન્દ્રમાં સારવાર લેવી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat monsoon 2022, Gujarat Weather Forecast, ગુજરાત, વલસાડ