Gujarat Bypoll : પેટાચૂંટણીના પરિણામની પૂર્વ સંધ્યાએ BJPનાં ડાંગના ઉમેદવારે પરિણામની આગાહી કરી

કેતન પટેલ, ડાંગ : રાજ્યમાં ગત સપ્તાહે યોજાયેલી વિધાનસભાની (Gujarat Bypoll Result) પેટાચૂંટણીના પરિણામ આવે તેની પૂર્વ સંધ્યાએ ડાંગના ભારતીય જનતા પાર્ટીના ઉમેદવાર વિજય (Vijay Patel) પટેલે પરિણા અંગે આગાહી કરી છે. વિજય પટેલે ડાંગમાં કેવું પરિણામ (Dang BJP Candidate) આવશે તેના વિશે પોતાનું મંતવ્ય જણાવ્યું છે. વિજય પટેલના મતે આ વખતે તેમની પાર્ટીનો અને તેમનો વિજય નિશ્ચિત છે. વિજય પટેલે ફક્ત જીતનો આશાવાદ વ્યક્ત નથી કર્યો પરંતુ કેટલા મતોથી તેઓ જીતશે તે પણ જણાવ્યું છે. ડાંગ વિધાનસભા ની પેટા ચૂંટણીમાં ભજપ નાં ઉમેદવારે જીત નો દાવો કર્યો છે. ભાજપ ઉમેદવાર વિજયભાઈ પટેલે 15 હજાર મતોની લીડ થી જીતવાનો દાવો કર્યો છે.8 વિધાનસભા બેઠક પેકી ડાંગમાં સૌથી વધુ મતદાન થયું છે. ડાંગની પેટાચૂંટણીમાં જોરદાર 75.01% મતદાન નોંધાયું છે.

આવતીકાલે 8 વાગ્યાથી મતગણતરીઓ શરૂ થશે. ડાંગ જિલ્લામાં કુલ 75.01 ટકા મતદાન થતાં ભાજપ અને કોંગ્રેસ વચ્ચે ખરાખરીનો જંગ છેડાયો છે. ભાજપ અને કોંગ્રેસ બંને પક્ષના નેતાઓ જીતના દાવાઓ કરી રહ્યા છે, ત્યારે વિજય પટેલે જીતનો દાવો કર્યો હતો, અને ડાંગ જિલ્લામાં ભાજપ નું કમળ નો વિજય બનવાની તૈયારી કરી રહ્યાં છે.



આ પણ વાંચો :  BJPએ રાજ્યમાં શહેર-જિલ્લાનાં 39 નવા પ્રમુખ જાહેર કર્યા, 90 ટકા ચહેરા બદલાયા, જાણો કોને મળ્યું સ્થાન

ભાજપ પક્ષનાં ઉમેદવાર વિજયભાઈ પટેલ સાથે વાતચીત કરતાં તેમણે જણાવ્યું હતું કે આ વખતે જેની સરકાર છે તેમની જ પાર્ટી નો ઉમેદવાર વિધાનસભા માં મોકલવા માટે જનતાએ નક્કી કરી લીધું છે ત્યારે તેઓની જીત થશે નો દાવો તેમણે કર્યો છે. 15 હજાર મતની લીડ સાથે તેઓનો વિજય થશે એમ તેમણે જણાવ્યું હતું.