ભિખારીના મોત બાદ ઘરેથી મળી 8.77 લાખની FD અને રોકડા દોઢ લાખ રૂપિયા

મુંબઈ : દેશની આર્થિક રાજધાની મુંબઈ માં ગોવંડી રેલવે સ્ટેશનની પાસે એક ભિખારીનું ટ્રેન નીચે કપાઈ જતાં મોત થયું. રેલવે પોલીસની તપાસમાં ભિખારીની ઓળખ બિરભીચંદ આઝાદ તરીકે થઈ, જેની ઉંમર 82 વર્ષ હતી. રેલવે પોલીસે જ્યારે ભિખારીના પરિજનોની શોધમાં તેના ઘરે પહોંચી તો તેમના હોશ ઊડી ગયા. પોલીસને ભિખારીના ઘરમાં 1.5 લાખ રૂપિયાના સિક્કા અને 8.77 લાખની ફિક્સ્ડ ડિપૉઝિટના પેપર મળ્યા.

પોલીસને તે સમયે આશ્ચર્ય થયું જ્યારે તેઓને જાણવા મળ્યું કે, ભિખારી પાસે PAN કાર્ડ, આધાર કાર્ડ અને સીનિયર સિટિઝન કાર્ડ પણ હતું. પોલીસને તેના ઘરમાં રાખવામાં આવેલા સિક્કાઓને ગણવામાં લગભગ 8 કલાકનો સમય લાગ્યો. આ સિક્કાઓ બોરીઓમાં ભરેલા હતા. પોલીસને બુરભીચંદના ઘરમાં રાખવામાં આવેલા પૈસા અને પેપર્સનો હિસાબ કરવામાં આખી રાત લાગી.

Mumbai: A fixed deposit of Rs 8.77 lakhs & around Rs 1.5 lakhs of cash (mostly coins) recovered by police from the residence of a beggar Burju Chandra Azad in Govandi, who died in an accident while trying to cross a railway track. pic.twitter.com/44ICDXnXTM

— ANI (@ANI) October 7, 2019

રાજસ્થાનનો રહેવાસી હતો આઝાદ

બુરભીચંદના વિશે પોલીસે જ્યારે આસપાસના લોકો પાસેથી જાણકારી મેળવી તો તેમને જાણવા મળ્યું કે, તે પોતાને રાજસ્થાની કહેતો હતો અને મુંબઈ લોકલમાં ભીખ માંગવાનું કામ કરતો હતો. પોલીસે જણાવ્યું કે, ઘણા સમય પહેલા બિરભીચંદની સાથે તેનો પરિવાર પણ રહેતો હતો. પરંતુ બાદમાં બધા પરત રાજસ્થાન ચાલ્યા ગયા. મુંબઈની પોલીસે આ વિશે રાજસ્થાન પોલીસને જાણકારી આપી છે. બિરભીચંદના સાથી ભિખારીઓને વિશ્વાસ નથી થઈ રહ્યો કે તે આટલો પૈસાવાળો હતો.

આ પણ વાંચો,

ઑસ્ટ્રેલિયાના Zooમાં દુર્લભ નારંગી લંગૂરનો જન્મ થયો
Dussehra 2019: અહીં થાય છે લંકેશની પૂજા, રાવણ દહન છે મહાપાપ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર