Bunty Aur Babli 2નું ટીઝર આઉટ, સૈફ અને રાનીથી ઠગાવા માટે થઇ જાઓ તૈયાર!

બોલિવૂડમાં હાલ રિમેક અને સીક્વલનો દોર ચાલુ છે. અને આ હેઠળ છે વર્ષ 2005માં આવેલી બ્લોકબસ્ટર ફિલ્મ બંટી ઔર બબલીની સીક્વલ એટલે કે બંટી ઔર બબલી 2 (Bunty aur Babli 2 teaser) આવી રહ્યું છે. આ મામલે પહેલા પણ ખબરો આવી ગઇ હતી. અને હવે ફાઇનલી તેનું ટીઝર પણ રીલિઝ કરવામાં આવ્યું છે. આ ટીઝર સાથે જ તેની સ્ટાર કાસ્ટ અને રિલીઝ ડેટ પણ સામે આવી છે. આ ફિલ્મ બોલિવૂડની સૌથી વધુ પસંદ કરનારી ફિલ્મમાંથી એક હતી. અને લાંબા સમય પછી ફરી એક વાર રૂપેરી પડદે બે લોકો ઠગાઇ કરતા નજરે પડશે. આ ફિલ્મમાં આ વખતે સૈફ અલી ખાન (Saif Ali khan) અને રાની મુખર્જી (Rani Mukerji) નજરે પડશે.

રાની અને સૈફની આ ફિલ્મમાં એક્ટર સિદ્ધાંત ચતુર્વેદી અને એક્ટ્રેસ શારવરી પણ મહત્વનો રોલ ભજવશે. આ ફિલ્મનું નિર્દેશન વરુણ વી શર્માએ કર્યું છે. સાથે જ ફિલ્મનું નિર્માણ યશ રાજ ફિલ્મ કરી રહી છે. ફિલ્મના બંટી અને બબલીના નામની જાહેરાત પણ કરવામાં આવી છે. સૈફ અને રાનીની આ જોડી આ પહેલા હમ તુમ અને તા રા રમ પમ જેવી સુપર હિટ ફિલ્મ આપી ચૂકી છે.


આ ફિલ્મ 26 જૂન 2020ના રોજ રીલિઝ થશે. અને આ ફિલ્મનું ક્રૂ હાલ અબુ ધાબીમાં ફિલ્મનું શૂટિંગ કરી રહ્યું છે. સૈફની પહેલા 2005માં આ ફિલ્મમાં અભિષેક બચ્ચન બંટીના રોલમાં હતા. આ વખતે પણ રાની અને સૈફ મળીને લોકોની ઠગાઇ કરતા નજરે પડશે. ઉલ્લેખનીય છે કે 15 વર્ષ પછી આ ફિલ્મનું સીક્વલ બની રહ્યું છે ત્યારે જોવાનું તે રહેશે કે ફિલ્મના મેકર્સ આ ફિલ્મ માટે શું નવું લાવી રહ્યા છે. જો કે બીજી તરફ સૈફ અને રાનીની હિટ જોડી દર્શકોને થિયેટર સુધી લઇ આવે છે કે કેમ તે પણ જોવાનું રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર