Gujarat Assembly Elections 2022: બેરોજગારી મોટો મુદ્દો, શું સાબરકાંઠામાં મોદીનો ‘જાદુ’ ચાલશે?

સાબરકાંઠાઃ ભાજપ ગુજરાતના દલિત અને આદિવાસી પ્રભુત્વ ધરાવતા સાબરકાંઠા જિલ્લામાં તમામ 4 બેઠકો જીતવાની આશા સેવી રહી છે. જો કે, બેરોજગારી એક મહત્વનો મુદ્દો બની ગયો છે, જેને શાસક પક્ષ હિન્દુત્વ અને વડાપ્રધાન નરેન્દ્ર મોદીના જાદુથી દૂર કરવાનો પ્રયાસ કરી રહ્યા છે. બીજી તરફ, કોંગ્રેસ જિલ્લામાં વધુ બેઠકો જીતવાની આશા સેવી રહી છે અને જિલ્લાના ગ્રામ્ય વિસ્તારોમાં ચૂપચાપ પ્રચાર કરી રહી છે. નોંધનીય છે કે, ગત ચૂંટણીમાં કોંગ્રેસે 4માંથી 1 સીટ જીતી હતી. આ વખતે આમ આદમી પાર્ટી (AAP) પણ મેદાનમાં છે.

2017માં ભાજપે ત્રણ બેઠક જીતી હતી

ખેડબ્રહ્મા સિવાય અન્ય ત્રણેય બેઠકો પર 'આપ'ની કોઈ અસર જોવા મળી નથી. બીજી તરફ, કોંગ્રેસ અને ભાજપ સામે બળવો કરીને અપક્ષ તરીકે ચૂંટણી લડતા નેતાઓ બે બેઠકો પર બંને પક્ષો માટે મુશ્કેલી સર્જી શકે છે. ઉલ્લેખનીય છે કે, સાબરકાંઠામાં બીજા તબક્કામાં 5મી ડિસેમ્બરે મતદાન યોજાવાનું છે. તેમાં હિંમતનગર, ઇડર, ખેડબ્રહ્મા અને પ્રાંતિજ વિધાનસભા બેઠકોનો સમાવેશ થાય છે. કોંગ્રેસના ગઢ એવા ખેડબ્રહ્માને બાદ કરતાં ભાજપે 2017માં અન્ય ત્રણ બેઠકો જીતી હતી.

આ પણ વાંચોઃ લોકોએ રોષ જોતાં નેતાજીએ કહ્યું- જવાબ આપવા બંધાયેલો નથી

સાબરકાંઠાનું આખુંય સમીકરણ

સાબરકાંઠા જિલ્લામાં આશરે 11 લાખ મતદારો છે, જેમાં અનુસૂચિત જનજાતિના 30 ટકા મતદારોનો સમાવેશ થાય છે. અનુસૂચિત જાતિના કુલ મતદારોની 20 ટકા છે, જ્યારે મુસ્લિમો લગભગ બે ટકા અને પટેલો 10 ટકા છે. જ્યારે બાકીનામાં ક્ષત્રિય, રાજપૂત, કોળી, બ્રાહ્મણો અને અન્ય સમુદાયોનો સમાવેશ થાય છે. આશરે 85 ટકા મતદારો ગ્રામીણ વિસ્તારોમાં રહે છે અને જિલ્લાનું અર્થતંત્ર ખેતી, નાના ધંધાઓ અને હિંમતનગરમાં માટીકામ અને દૂધની આસપાસ ફરતું હોય છે. અનુસૂચિત જાતિ (SC), ક્ષત્રિય, બ્રાહ્મણો અને રાજપૂત છેલ્લા બે દાયકાથી ભાજપના પ્રતિબદ્ધ મતદારો છે, પરંતુ પ્રભાવશાળી પાટીદાર સમુદાય 2012 સુધી ભાજપ સાથે હતો. જે આ વખતે અનામત આંદોલનને કારણે પાર્ટીથી દૂર થઈ ગયો હતો. કોંગ્રેસ જિલ્લામાં અનુસૂચિત જાતિ (ST), કોળી સમાજ અને લઘુમતીઓની પ્રથમ પસંદગી રહી છે.

આ પણ વાંચોઃ ગત ચૂંટણીમાં સાબરકાંઠા જિલ્લામાં બીજેપીનો દબદબો, આ વખતે

અનેક વચનો આપી મતદારને રિઝવવાના પ્રયાસ

સાબરકાંઠામાં બેરોજગારી મુખ્ય સમસ્યા તરીકે ઊંચકાઈ આવી છે. ભાજપ હિન્દુત્વ-મોદીને ટેકો આપી રહી છે અને ઉદ્યોગો સ્થાપવાનું વચન આપીને મતદારોને રીઝવી રહી છે. ભાજપના નેતા વિજય પંડ્યાએ કહ્યુ હતુ કે, 'અમને આ વખતે તમામ બેઠકો જીતવાનો વિશ્વાસ છે. અહીંના લોકો અમારી વિચારધારાને ઓળખે છે અને રાજ્યના અન્ય ભાગોની જેમ અહીં પણ વડાપ્રધાન મોદીના ઘણા સમર્થકો છે. અમે આ વિસ્તારમાં એક મોટું મેન્યુફેક્ચરિંગ યુનિટ સ્થાપવાનું વચન આપ્યું છે, જેથી યુવાનોને બીજે ક્યાંય જવું ન પડે.’

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Assembly Election, Gujarat Assembly Election 2022, Sabarkantha