આજે પણ આ ધારાસભ્યના ઘરે ચૂલા પર બને છે જમવાનું, જાણો BPL ધારાસભ્યની પૂરી કહાણી

Home /News /sabarkantha /આજે પણ આ ધારાસભ્યના ઘરે ચૂલા પર બને છે જમવાનું, જાણો BPL ધારાસભ્યની પૂરી કહાણી

બીપીએલ ધારાસભ્ય તરીકે જીવતા જેઠાભાઈ રાઠોડ

BPL MLA: આજનો યુગે સામાન્ય ગ્રામ પંચાયતની ચૂંટણીમાં જીત મેળવનારા ઉમેદવારો પાંચ વર્ષમાં લાખો રૂપિયાની કમાણી કરી લેતા હોય છે, પરંતુ પાંચ ર્ષ ખેડબ્રહ્મા વિજયનગરના ધારાસભ્ય તરીકે રહી ચૂકેલા જેઠાભાઇ રાઠોડ આજે પણ બીપીએલ ધારાસભ્ય તરીકે જીવન રહ્યા છે.

News18 Gujarati
Last Updated : November 23, 2022, 19:44 IST
Khedbrahma, India

ઈશાન પરમાર, ખેડબ્રહ્મા: હાલમાં વિધાનસભાની ચૂંટણીનું બ્યુગલ વાગી રહ્યુ છે, તો પુર્વ ધારાસભ્યો પોતાની વૈભવી કાર અને વૈભવી મકાનમાં જીવન જીવી રહ્યા છે, ત્યારે સાબરકાંઠાની ખેડબ્રહ્મા વિધાનસભાના એક એવા પુર્વ ધારાસભ્ય છે કે, જેમના ઘરે હજુ પણ ચૂલા પણ જમવાનુ બને છે. પાંચ દીકરાઓ તેમજ પાંચ પુત્રવધૂઓનો પરિવાર ધરાવતા ધારાસભ્ય હાલના તબક્કે સહાય અને સહયોગ ઝંખી રહ્યા છે. સમગ્ર જીવન નીતિમત્તા, ઈમાનદારી અને પ્રામાણિકતાથી જીવ્યા હોવા છતાં આજે રાજ્ય સરકાર દ્વારા અપાતા બીપીએલ કાર્ડનો લાભ મેળવી જીવન વ્યતીત કરી રહ્યા છે.

જેઠાભાઇ પ્રામાણિકતાનું જીવતું જાગતું ઉદાહરણ

ગુજરાત સહિત દેશના તમામ ધારાસભ્યો માટે જેઠાભાઇ રાઠોડ નૈતિકતા અને પ્રામાણિકતાનું જીવતું જાગતું ઉદાહરણ છે. તેમને સમગ્ર જીવન અન્ય લોકોની સેવા માટે વ્યતિત કર્યું છે. ગુજરાત વિધાનસભામાં ખેડબ્રહ્માના ધારાસભ્ય રહી ચૂકેલા જેઠાભાઇ રાઠોડ હાલમાં સમગ્ર ગુજરાતના એકમાત્ર બીપીએલ રેશનકાર્ડ ધરાવનારા ધારાસભ્ય છે. 1967થી 1971 સુધી ખેડબ્રહ્માના ધારાસભ્ય પદે રહેલા જેઠાભાઇ રાઠોડ સાયકલ પ્રવાસ કરી સ્થાનિક કોંગ્રેસ ઉમેદવાર સામે સ્વતંત્ર પક્ષના ઉમેદવાર તરીકે 17 હજારથી વધુ મત મેળવી વિજેતા થયા હતા.

આ પણ વાંચો: ખેડબ્રહ્મા વિધાનસભા બેઠક પર ભાજપ-કોંગ્રેસ વચ્ચે કાંટે કી ટક્કર, કોણ જીતશે જંગ?

સાઇકલ પર કરતા હતા પોતાના વિસ્તારનો પ્રવાસ

તેઓ એસ.ટી.બસમાં ખેડબ્રહ્માથી ગાંધીનગર જતા હતા. તેમણે દુષ્કાળના વર્ષ તરીકે આ પાંચ વર્ષમાં તળાવ તેમજ રસ્તાના કામને પ્રાધાન્ય આપ્યું હતું. જેને લોકો આજે પણ યાદ રાખે છે. વર્ષો દરમિયાન સ્થાનિક લોકો સહિત સમગ્ર વિધાનસભામાં સાઇકલ પર પ્રવાસ કરી લોકોના સુખદુઃખમાં ભાગીદાર બનનાર ધારાસભ્યની આટલા વર્ષો પછી પણ સરકાર દ્વારા કોઈ પણ સહાય આપવામાં નથી આવતી. આ સાથે તેમને કોઈ પેન્શનનો લાભ પણ મળતો નથી.

આ પણ વાંચો: ‘આ વખતે ચૂંટણી નરેન્દ્ર કે ભૂપેન્દ્ર નહીં પરંતુ ગુજરાતની જનતા લડવાની છે’ પ્રધાનમંત્રી મોદી

ધારાસભ્ય આજે બીપીએલ કાર્ડ પર જીવે છે

ઉલ્લેખનીય છે કે, તે સમયે અદાલતમાં જઇ ન્યાય મેળવવાની ગુહાર લગાવતા નિર્ણય પણ તેમના પક્ષે આવ્યો હોવા છતાં આજ દિવસ સુધી પેન્શન મળી શક્યું નથી. સ્થાનિક લોકોના આંખના આંસુ લૂછનાર ધારાસભ્ય સામે જોવા માટે સરકાર પાસે સમય પણ નથી. જો કે ધારાસભ્યનું માનીએ તો પાંચ દીકરા અને પાંચ પુત્રવધૂઓ મજૂરી કરી આજે તેમના જીવનનિર્વાહ ચલાવે છે. આમ તો એકવાર ધારાસભ્ય તરીકે ચૂંટાયેલા નેતાઓની કમાણી પાંચ વર્ષમાં લાખોની સંપત્તિ બની જાય છે, પરંતુ આમની વાત આખી અલગ છે. આજે પણ તેઓ બીપીએલ રેશનકાર્ડ તેમજ વારસદારો તરફથી મળેલા મકાનમાં પોતાનું જીવન જીવી રહ્યા છે. આ સાથે સાથે જો સરકાર કોઈ સહાય આપે તેવી પરિવાર માંગ કરી રહ્યો છે.