Home /News /rajkot /Rajkot News: બે વ્યક્તિ નકલી પ્હોંચ બનાવી વાહન છોડાવવાનું કૌભાંડ આચરતા ઝડપાયા, 100થી વધુ ભોગ બન્યાં

Rajkot News: બે વ્યક્તિ નકલી પ્હોંચ બનાવી વાહન છોડાવવાનું કૌભાંડ આચરતા ઝડપાયા, 100થી વધુ ભોગ બન્યાં

બોગસ પ્હોંચ બનાવી વાહન છોડાવવાનું કૌભાંડ ઝડપાયું, 2ની ધરપકડ કરી

Rajkot News: રાજકોટ રૂરલ SOGએ RTOની બોગસ પ્હોંચ બનાવી વાહન છોડાવવાનું કૌભાંડ ઝડપી પાડ્યું છે. આ મામલે પોલીસે 2 આરોપીઓની ધરપકડ કરી છે. આરોપીઓ ડિટેઇન થયેલા વાહનોની મેમાના આધારે બનાવટી આરટીઓની પ્હોંચ બનાવી આપતા હતા.

રાજકોટઃ રૂરલ SOGએ RTOની બોગસ પ્હોંચ બનાવી વાહન છોડાવવાનું કૌભાંડ ઝડપી પાડ્યું છે. આ મામલે પોલીસે 2 આરોપીઓની ધરપકડ કરી છે. આરોપીઓ ડિટેઇન થયેલા વાહનોની મેમાના આધારે બનાવટી આરટીઓની પ્હોંચ બનાવી આપતા હતા. પોલીસે આ કૌભાંડમાં સંડોવાયેલા અશોક ટાંક અને રાજદીપસિંહ રાણા નામના આરોપીની ધરપકડ કરી છે.

કેવી રીતે કૌભાંડ આચરતા હતા?


આરોપી અશોક ટાંક એજન્ટનું કામ કરે છે. અશોક આરટીઓ કચેરીએ ડિટેઇન થયેલા વાહનોના દંડ ભરવા આવતા લોકો પાસેથી દંડની રકમ લઈ લેતો હતો અને અન્ય આરોપી રાજદિપસિંહ રાણા પાસે આરટીઓ કચેરી રાજકોટના નામની બનાવટી રસીદ તૈયાર કરી તેમાં Registering Authority RTO Rajkotના નામનું ખોટું રાઉન્ડશીલ તૈયાર કરી તથા આરટીઓ અધિકારીની બનાવટી સહી કરી પોલીસ તરફથી આપવામાં આવતા મેમોનો નાશ કરી બંને શખ્સોએ ગેરકાયદેસર રીતે રૂપિયા કમાવવાનું કૌભાંડ આચરતા હતા.


પોલીસે તપાસ હાથ ધરી


હાલ પોલીસે આ આરોપીઓને ઝડપી પાડીને ક્યારથી આ કૌભાંડ આચરતા હતા તેની તપાશ શરૂ કરી છે. પોલીસને આશંકા છે કે, આ આરોપીઓએ મોટા પ્રમાણમાં લોકોને ભોગ બનાવ્યા છે. આવનારા દિવસોમાં પોલીસ તપાસમાં સામે આવશે કે કેટલા લોકોને અને કેટલા રૂપિયાનું કૌભાંડ આ આરોપીઓએ આચર્યું છે. હાલ પોલીસ આ કૌભાંડમાં આરટીઓ કચેરીમાંથી કોઈ કર્મચારી સામેલ છે કે નહીં તેની તપાસ હાથ ધરી છે.

આ પણ વાંચોઃ ‘અંજલી શર્મા’નો ફોન આવે તો ચેતી જજો, નહીંતર...

100થી વધુ લોકોને ભોગ બનાવ્યાં


ઝડપાયેલા આરોપીઓ છેલ્લા છ મહિનાથી આ કૌભાંડ આચરતા હોવાનું સામે આવ્યું છે. આરોપીએ અત્યાર સુધીમાં 100થી પણ વધુ લોકોને નિશાન બનાવ્યાં છે. આરોપીઓ લોકોને શંકા ન જાય એટલા માટે એક રૂપિયો પણ ઓછો નહોતા લેતા. કૌભાંડ એવી રીતે આચરતા હતા કે, તેમના સંપર્કમાં આવનારા લોકોને શંકા ન જાય.
Published by:Vivek Chudasma
First published:

Tags: Rajkot crime news, Rajkot News, Rajkot police, Rajkot SOG

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો
विज्ञापन
विज्ञापन
विज्ञापन