Home /News /rajkot /

રાજકોટ: વરસાદી પાણી ભરેલા ખાડામાં નહાવા પડતાં બે ભાઈનાં મોત; નદીના પૂર ફસાયેલી કારમાંથી સાત લોકોને બચાવી લેવાયા

રાજકોટ: વરસાદી પાણી ભરેલા ખાડામાં નહાવા પડતાં બે ભાઈનાં મોત; નદીના પૂર ફસાયેલી કારમાંથી સાત લોકોને બચાવી લેવાયા

વરસાદી પાણીના ખાડામાં ડૂબી જતાં બે ભાઈનાં મોત

Rajkot heavy rain: પાંચ વર્ષના અર્જુન અને નવ વર્ષના અશ્વિનનું ડૂબી જવાથી મોત નીપજતા પરિવારજનોમાં શોકની લાગણી વ્યાપી ગઈ હતી.

રાજકોટ: અષાઢી બીજના રોજ એક તરફથી ભગવાન જગન્નાથજીની બહેન સુભદ્રા અને ભાઈ બલરામ સાથે રથયાત્રા (Lord Jagannath Rath Yatra) નીકળી હતી તો બીજી તરફ રાજકોટ શહેર તેમજ રાજકોટ જિલ્લાના 10 જેટલા તાલુકામાં મેઘરાજાની મેઘયાત્રા (Rajkot heavy rain) નીકળી હતી. રાજકોટ જિલ્લાના લોધિકા, પડધરી, સરધાર અને ગોંડલ તાલુકામાં મોટાભાગના ગામડાઓમાં ધોધમાર વરસાદ વરસ્યો હોવાનું સામે આવ્યું હતું. બીજી તરફ રાજકોટના ગ્રામ્ય પંથકોમાં બે જેટલા અણ બનાવો બન્યા હોવાનું સામે આવ્યું હતું. જોકે, એક બનાવમાં સાત લોકોનો ચમત્કારિક બચાવ થયો હોવાનું સામે આવ્યું છે. જ્યારે કે બીજા બનાવમાં બે સગા ભાઈનાં મોતની નીપજયા હોવાનું સામે આવ્યું છે. જાણવા મળતી વિગતો અનુસાર બંને ભાઈઓ મૂળ મધ્યપ્રદેશના વતની હોવાનું પણ સામે આવ્યું છે.

પ્રાપ્ત માહિતી અનુસાર રાજકોટના ગ્રામ્ય પંથકમાં બે ભાઈઓના પાણી ભરેલા ખાડામાં નાહવા પડતા ડૂબી જવાથી મોત નીપજ્યા છે. શુક્રવારના રોજ માતાપિતા બાંધકામની સાઈટ પર કડિયા કામ કરી રહ્યા હતા, આ સમયે બંને ભાઈઓ બાંધકામની સાઈટ પરથી નીકળી ગયા હતા. રસ્તામાં વરસાદી પાણીથી ભરાઈ રહેલા ખાડામાં બંને ભાઈઓ નહાવા માટે પડ્યા હતા. આ દરમિયાન ડૂબી જવાથી બંનેનાં મૃત્યું થયા હતા.

આ પણ વાંચો: હવામાન વિભાગની ભારે વરસાદની આગાહી વચ્ચે ક્યાં કેટલો વરસાદ પડ્યો?

સાંજે બંને બાળકો બાંધકામ સાઈટ પર પરત ન ફરતા માતા-પિતાએ શાપર વેરાવળ પોલીસને જાણ કરી હતી. શોધખોળ દરમિયાન વરસાદી પાણી ભરેલા ખાડામાંથી બંને બાળકોના મૃતદેહ મળી આવ્યા છે. પોલીસ દ્વારા જરૂરી પંચનામાની કાર્યવાહી પૂર્ણ કર્યા બાદ બંને બાળકોની લાશને પોસ્ટમોર્ટમ અર્થે પીએમ રૂમ ખાતે ખસેડવામાં આવી હતી. પાંચ વર્ષના અર્જુન અને નવ વર્ષના અશ્વિનનું ડૂબી જવાથી મોત નીપજતા પરિવારજનોમાં શોકની લાગણી વ્યાપી ગઈ હતી.

આ પણ વાંચો: અંબાજીમાં ભારે વરસાદથી રસ્તાઓ પર નદીઓ વહી



બીજા એક બનાવમાં રાજકોટ જિલ્લાના લોધિકા તાલુકામાં સાત જેટલા મજૂરોનો ચમત્કારિક બચાવ થયો હતો. શુક્રવારના રોજ રાજકોટના લોધિકા તાલુકામાં ધોધમાર વરસાદ વરસ્યો હતો. ધોધમાર વરસાદના કારણે નદીઓમાં ઘોડાપૂર આવ્યું હતું. આ સમયે એક કાર નદીના ધસમસતા પ્રવાહમાં ફસાઈ હતી. સમગ્ર મામલાની જાણ ગ્રામજનોને થતા ગામના તરવૈયાઓ જીવના જોખમે નદીમાં કૂદી પડ્યા હતા. તેમજ સાતેય લોકોને દોરડા વડે ખેંચીને પાણીના પ્રવાહમાંથી બહાર કાઢ્યા હતા. ગ્રામજનોના જણાવ્યા પ્રમાણે એવી વીજ લાઈનનું કામ પૂર્ણ કરી મજૂરો કારમાં પોતાના ઘરે જઈ રહ્યા હતા.
Published by:Vinod Zankhaliya
First published:

Tags: ગુનો, પોલીસ, મોત, રાજકોટ, વરસાદ

विज्ञापन

विज्ञापन

આગામી સમાચાર

विज्ञापन
विज्ञापन