Rajkot: ખોટી રસીદની સમસ્યા નિવારવા મનપાએ QR Code લગાવ્યો, આવી રીતે કામ કરશે

Mustufa Lakdawala, Rajkot: રાજકોટ શહેરના સ્થાનિકો દ્વારા વાહનવેરો, મિલ્કતવેરો, પાણી દર, વ્યવસાયવેરો વગેરે ભરપાઈ કરવામાં આવે છે. મહાનગર પાલિકા દ્વારા રસીદ આપવામાં આવે છે. નાગરિકોને આપવામાં આવતી રસીદમાં QR Codeની ફેસીલીટી મુકવામાં આવી છે.

રાજકોટ મહાનગરપાલિકા દ્વારા નગરજનોને અપાતી તમામ રસીદો પર QR Code પ્રિન્ટ કરવાનું મહત્વનું કામ કરવામાં આવ્યું છે. QR Codeની મદદથી લોકો અન્ય સરકારી એજન્સીઓ તેમને મળતી રસીદોની ખરાઈ કરી શકશે. દાખલા તરીકે હાલમાં જો કોઈ નાગરિક શહેરની હદમાં નવું વાહન ખરીદ કરે તો મહાનગરપાલિકા વાહન પર વાહન વેરો વસુલાત કરી તેની રસીદ આપે છે. હવે આ તમામ રસીદ પર QR Code પ્રિન્ટ કરવામાં આવશે.

આરટીઓ અધિકરી ખરાઇ કરી શકશે

આર.ટી.ઓ. વિભાગના અધિકારી દ્વારા મોબાઈલથી QR Code સ્કેન કરી તેમની સમક્ષ રજુ કરવામાં આવતી રસીદની ખરાઈની ચકાસણી કરી શકશે. આ ખરાઈ માટે જે તે વ્યક્તિ કે સંસ્થાએ તેમની સમક્ષ રજુ કરવામાં આવતી મહાનગરપાલિકાની પહોંચ પર પ્રિન્ટ કરવામાં આવેલ QR Codeને સ્માર્ટ ફોન વડે સ્કેન કરવાનો રહેશે.

આ  પણ વાંચો: અમદાવાદ–મહેસાણા–પાલનપુર માર્ગને હાઈબ્રિડ એન્યુઈટી પદ્ધતિથી ફલાયઓવર સહિત છ-માર્ગીય કરાશે

તમામ વિગતો મોબાઇલ પર જોઇ શકાશે

રસીદ પર પ્રિન્ટ કરેલા QR Codeને સ્કેન કરવાથી ઓટોમેટીક મહાનગરપાલિકાનાં સર્વર સાથે લિંક થશે અને રસીદની તમામ વિગતો જેવી કે રસીદ નંબર, તારીખ, નામ , રકમ તેમજ જે સેવા માટે રસીદ ઈસ્યુ કરવામાં આવેલ છે,તે સેવાનું નામ વગેરે વિગતો મોબાઈલ પર સીધી જ જોઈ શકાશે.



ડુપ્લીકેટ પહોચની સમસ્યા નિવારી શકાશે

આમ QR Code સ્કેન કરવાથી ડુપ્લીકેટ/ખોટી પહોંચની સમસ્યા નિવારી શકાશે તેમજ અન્ય સરકારી સંસ્થાઓ રસીદની ખરાઈ સરળતાથી કરી શકશે. આમ, વાહનવેરો, વ્યવસાય વેરો, મિલ્કત વેરો, આવસ યોજનાંનાં હપ્તા ભર્યા બદલ મળ્યાની પહોંચ, અન્ય પરચુરણ વસુલાત અંગેની પહોંચ વગેરેની રસીદોની વિગતને સ્માર્ટ ફોન વડે ખરાઈ કરી શકાશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Corporation, Local 18, Rajkot News