Rajkot: સૌરાષ્ટ્રમાં બનશે રાવણનું શીખરબંધ મંદિર, રાવણની મૂર્તિની કરવામાં આવી પ્રાણ પ્રતિષ્ઠા
Rajkot: સૌરાષ્ટ્રમાં બનશે રાવણનું શીખરબંધ મંદિર, રાવણની મૂર્તિની કરવામાં આવી પ્રાણ પ્રતિષ્ઠા
સૌરાષ્ટ્રમાં (Saurashtra) ભાવનગરમાં (Bhavnagar) શિવભક્ત (Lord Shiva devotee) રાવણના મંદિરનું (Temple of Ravana) નિર્માણ થશે. આ મંદિર શીખરબંધ બનશે તેવી ભવિષ્યવાણી ભાવનગરના રાવણ ભક્ત રવી ઓઝાએ કરી હતી.
- News18 Gujarati
- Last Updated :
સંબંધિત સમાચાર
રાજકોટ Live CCTV: દારૂની મહેફિલનો વીડિયો બનાવનાર વેપારીને પડ્યો માર
રાજકોટમાં રુવાંટા ઉભો કરી દે તેવો હત્યાનો કિસ્સો, દીકરી સાથે પ્રેમલગ્ન કરનાર યુવકની હત્યા
રાજકોટમાંથી ઉદ્યોગપતિના પુત્રનું અપહરણ, 15 કરોડ રૂપિયાની ખંડણી માંગવામાં આવી
જાહેરમાં દારૂની મહેફિલ માણનારા પ્યાસીઓનો વીડિયો ઉતારનાર વેપારીને પડ્યો માર
Mustufa Lakdawala, Rajkot: સૌરાષ્ટ્રમાં(Saurashtra) ભાવનગરમાં(Bhavnagar) શિવભક્ત (Lord Shiva devotee) રાવણના મંદિરનું(Temple of Ravana) નિર્માણથશે. આ મંદિર શીખરબંધ બનશે તેવી ભવિષ્યવાણીભાવનગરના રાવણ ભક્ત રવી ઓઝાએ કરી હતી. લંકા પતિ રાવણ શિવજીનાભક્ત હતા.આથી રાવણ દહન(Ravana Dahan) ન કરવું જોઈએ. તેમજ તેમના દ્વારા ભાવનગરમાં રાવણની મૂર્તિની પ્રાણ પ્રતિષ્ઠા (Pran Pratishtha of the idol of Ravana)કરવામાં આવી છે.રવી ઓઝા ઓનલાઈન આરતી દ્વારા રાવણની મૂર્તિના દર્શન કરાવે છે.
ભારતમાં અન્ય ઘણી જગ્યાએ રાવણની પૂજા કરવામાં આવે છે.ઉત્તર પ્રદેશના કાનપુરમાં સ્થિત દશાનંદ મંદિર એક એવું મંદિર છે જેનું નિર્માણ 1890માં થયું હોવાનું કહેવાય છે. દશેરાના અવસર પર, જ્યાં સમગ્ર દેશમાં રાવણના પૂતળાનું દહન કરવામાં આવે છે, આ દિવસે આ મંદિરમાં રાવણને શણગારવામાં આવે છે. અને આરતી કરવામાં આવે છે. માત્ર ઉત્તર પ્રદેશમાં જ નહીં પરંતુ ભારતના કેટલાક અન્ય રાજ્યોમાં પણ રાવણની પૂજા કરવાની પરંપરા છે. જેમાં આંધ્રપ્રદેશના કાકીનાડા રાવણ મંદિર, મધ્યપ્રદેશના વિદિશામાં રાવણગ્રામ રાવણ મંદિર અને આ રાજ્યના મંદસૌરમાં રાવણ મંદિરને પણ ખાસ માનવામાં આવે છે કારણ કે રાવણ અને મંદોદરીના લગ્ન અહીં થયા હતા.રાવણનું જન્મસ્થળ ઉત્તરપ્રદેશના નોઈડા સ્થિત બિસરખ ગામમાં હોવાનું કહેવાય છે.અહીં તેમનું બીજું મંદિર છે.અને હવે સૌરાષ્ટ્રમાં ભાવનગરમાં શિવ ભક્ત રાવણના મંદિરનું નિર્માણ થશે.
હું 15 વર્ષથી સાધના કરું છું
રવિ ઓઝાએ જણાવ્યું હતું કે, હું એક સાધક છું, હું 15 વર્ષથી સાધના કરું છું, મારી સાધના ચાલુ જ રહેવાની છે, હાલમાં મે ઘોર સાધના પુરી કરી છે. આ સાધનાથી મને ખુબ જ આનંદ થયો છે, આવનારા દિવસોમાં લંકાધીપતિ રાવણનું શીખરબંધ મંદિર બનશે તેવી મારી ભવિષ્યવાણી હતી.જે હવે સૌરાષ્ટ્રમાં પુરી થવા તરફ છે.મારી અઘોર સાધના પુરી થઈ છે, હવે મારી તાંત્રિક સાધના શરુ થશે. તાંત્રિક સાધનામાં હું જણાવુંછું કે આવનારા સમયમાં રાવણનું દહન થાય છે તે બંધ થવાનું છે.
આ વર્ષે ભાવનગરમાં રાવણ દહન થવાનું નથી
વધુમાં જણાવ્યું હતું કે, રાવણનું દહન કરવું વ્યાજબી નથી. આ વર્ષે ભાવનગરમાં રાવણ દહન થવાનું નથી, અમે 10 હજાર બાળકોને ગિફ્ટ આપવાના છીએ. ભાવનગરમાં જ નહિ આખા ભારતમાં રાવણ દહન નહિ થાય. આને લઈને મે વિવિધ જગ્યાએ આવેદન આપ્યું છે. હું એક બ્રાહ્મણનો દીકરો છું અને એક સાધક છું. હું ઈચ્છું છું કે મારે રાવણની સાધના કરવી જ છે. રાવણની મૂર્તિ બની ગઈ છે અને આવનારા દિવસોમાં તેનું શીખરબંધ મંદિર પણ બનશે.
જેટલા શિવભક્તો તેટલા રાવણ ભક્તો
રાજકોટમાં બ્રહ્મ સમાજના આગેવાન કશ્યપ ભટ્ટે જણાવ્યું હતું કે, વિજ્યાદશમીએ રાવણનું દહન કરવામાં આવે છે પરંતુ રાવણ એક બ્રાહ્મણ છે. તે પ્રખર શિવભક્ત છે. આવનાર દિવસોમાં જેટલા શિવભક્તો અને રાવણ ભક્તો છે તે તમામ ગામેગામ અને શહેરે શહેરે તંત્રને આવેદનપત્ર પાઠવી રાવણ દહન બંધ કરાવીશું. જે રાવણની મૂર્તિની પ્રાણપ્રતિષ્ઠા ગુજરાતમાં સૌપ્રથમ ભાવનગરમાં કરવામાં આવી છે. આવનારા દિવસોમાં શિખરબંધ મંદિર બનવા જઇ રહ્યું છે. ભારતમાં રાજસ્થાન, મધ્યપ્રદેશ, ઉત્તરપ્રદેશ અને આંધપ્રદેશમાં બની ગયું છે. ગુજરાતમાં જેટલા શિવભક્તો છે તે તમામ રાવણ ભક્તો છે.
આ રાવણ મંદિર ભાવનગરમાં સુમેરો બંગલો બ્લોક -42
ટોપ -3 સર્કલ સ્થિત છે અને મંદિર ના પૂજારી નં:- 6355140443.
રાવણ રચિત શિવ તાંડવ સ્તોત્ર
જટાટવીગલજ્જલપ્રવાહપાવિતસ્થલે
ગલેવલમ્બ્યલમ્બિતાંભુજંગતુંગમાલિકામ્
ડમડ્ડમડ્ડમડ્ડમન્નિનાદવડ્ડમર્વયં
ચકારચંડતાંડવંતનોતુ નઃ શિવઃ શિવમ
જટા કટા હસંભ્રમ ભ્રમન્નિલિંપનિર્ઝરી
વિલોલવી ચિવલ્લરી વિરાજમાનમૂર્ધનિ
ધગદ્ધગદ્ધ ગજ્જ્વલલ્લલાટ પટ્ટપાવકે
કિશોરચંદ્રશેખરે રતિઃ પ્રતિક્ષણં મમં
ધરા ધરેંદ્ર નંદિની વિલાસ બંધુવંધુર-
સ્ફુરદૃગંત સંતતિ પ્રમોદ માનમાનસે
કૃપાકટા ક્ષધારણી નિરુદ્ધદુર્ધરાપદિ
કવચિદ્વિગમ્બરે મનો વિનોદમેતુ વસ્તુનિ
જટા ભુજં ગપિંગલ સ્ફુરત્ફણામણિપ્રભા-
કદંબકુંકુમ દ્રવપ્રલિપ્ત દિગ્વધૂમુખે
મદાંધ સિંધુ રસ્ફુરત્વગુત્તરીયમેદુરે
મનો વિનોદદ્ભુતં બિંભર્તુ ભૂતભર્તરિ
સહસ્ર લોચન પ્રભૃત્ય શેષલેખશેખર-
પ્રસૂન ધૂલિધોરણી વિધૂસરાંઘ્રિપીઠભૂઃ
ભુજંગરાજ માલયા નિબદ્ધજાટજૂટકઃ
શ્રિયે ચિરાય જાયતાં ચકોર બંધુશેખરઃ
લલાટ ચત્વરજ્વલદ્ધનંજયસ્ફુરિગભા-
નિપીતપંચસાયકં નિમન્નિલિંપનાયમ્
સુધા મયુખ લેખયા વિરાજમાનશેખરં
મહા કપાલિ સંપદે શિરોજયાલમસ્તૂ નઃ
કરાલ ભાલ પટ્ટિકાધગદ્ધગદ્ધગજ્જ્વલ-
દ્ધનંજયા ધરીકૃતપ્રચંડપંચસાયકે
ધરાધરેંદ્ર નંદિની કુચાગ્રચિત્રપત્રક-
પ્રકલ્પનૈકશિલ્પિનિ ત્રિલોચને રતિર્મમ
નવીન મેઘ મંડલી નિરુદ્ધદુર્ધરસ્ફુર-
ત્કુહુ નિશીથિનીતમઃ પ્રબંધબંધુકંધરઃ
નિલિમ્પનિર્ઝરિ ધરસ્તનોતુ કૃત્તિ સિંધુરઃ
કલાનિધાનબંધુરઃ શ્રિયં જગંદ્ધુરંધરઃ
પ્રફુલ્લ નીલ પંકજ પ્રપંચકાલિમચ્છટા-
વિડંબિ કંઠકંધ રારુચિ પ્રબંધકંધરમ્
સ્મરચ્છિદં પુરચ્છિંદ ભવચ્છિદં મખચ્છિદં
ગજચ્છિદાંધકચ્છિદં તમંતકચ્છિદં ભજે
અગર્વસર્વમંગલા કલાકદમ્બમંજરી-
રસપ્રવાહ માધુરી વિજૃંભણા મધુવ્રતમ્
સ્મરાંતકં પુરાતકં ભાવંતકં મખાંતકં
ગજાંતકાંધકાંતકં તમંતકાંતકં ભજે
જયત્વદભ્રવિભ્રમ ભ્રમદ્ભુજંગમસ્ફુર-
દ્ધગદ્ધગદ્વિ નિર્ગમત્કરાલ ભાલ હવ્યવાટ્-
ધિમિદ્ધિમિદ્ધિમિ નન્મૃદંગતુંગમંગલ-
ધ્વનિક્રમપ્રવર્તિત પ્રચણ્ડ તાણ્ડવઃ શિવઃ
દૃષદ્વિચિત્રતલ્પયોર્ભુજંગ મૌક્તિકમસ્રજો-
ર્ગરિષ્ઠરત્નલોષ્ટયોઃ સુહૃદ્વિપક્ષપક્ષયોઃ
તૃણારવિંદચક્ષુષોઃ પ્રજામહીમહેન્દ્રયોઃ
સમં પ્રવર્તયન્મનઃ કદા સદાશિવં ભજે
કદા નિલિંપનિર્ઝરી નિકુજકોટરે વસન્
વિમુક્તદુર્મતિઃ સદા શિરઃસ્થમંજલિં વહન્
વિમુક્તલોલલોચનો લલામભાલલગ્નકઃ
શિવેતિ મંત્રમુચ્ચરન્ કદા સુખી ભવામ્યહમ્
નિલિમ્પ નાથનાગરી કદમ્બ મૌલમલ્લિકા-
નિગુમ્ફનિર્ભક્ષરન્મ ધૂષ્ણિકામનોહરઃ
તનોતુ નો મનોમુદં વિનોદિનીંમહનિશં
પરિશ્રય પરં પદં તદંગજત્વિષાં ચયઃ
પ્રચણ્ડ વાડવાનલ પ્રભાશુભપ્રચારણી
મહાષ્ટસિદ્ધિકામિની જનાવહૂત જલ્પના
વિમુક્ત વામ લોચનો વિવાહકાલિકધ્વનિઃ
શિવેતિ મન્ત્રભૂષગો જગજ્જયાય જાયતામ્
ઇમં હિ નિત્યમેવ મુક્તમુક્તમોત્તમ સ્તવં
પઠન્સ્મરન્ બ્રુવન્નરો વિશુદ્ધમેતિ સંતતમ્
હરે ગુરૌ સુભક્તિમાશુ યાતિ નાંયથા ગતિં
વિમોહનં હિ દેહના સુશંકરસ્ય ચિંતનમ
પૂજાવસાનસમયે દશવક્રત્રગીતં
યઃ શમ્ભૂપૂજનમિદં પઠતિ પ્રદોષે
તસ્ય સ્થિરાં રથગજેંદ્રતુરંગયુક્તાં
લક્ષ્મી સદૈવ સુમુખીં પ્રદદાતિ શમ્ભુઃ
રાવણ મંદિરના પૂજારીના જણાવ્યા મુજબ શિવ પૂજાના અંતમાં આ રાવણકૃત શિવ તાંડવ સ્તોત્રનો પ્રદોષનું સમયે ગાન કરવાથી કે વાંચવાથી લક્ષ્મી સ્થિર રહે છે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: Ravana Temple, ભાવનગર, રાજકોટ