રાજકોટ: ભાજપના કોર્પોરેટર પુત્રનો રોફ, હથિયાર સાથેનો વીડિયો વાયરલ

રાજકોટ: શહેરમાં કોર્પોરેટર પુત્રની રિવોલ્વર સાથે રોફગીરીનો એક વીડિયો વાયરલ થયો છે. વાયરલ થયેલા વીડિયો મામલે હાલ પોલીસે તપાસ શરૂ કરી છે. જોકે, સમગ્ર મામલે પોલીસ દ્વારા કોઈ શિક્ષાત્મક પગલાં લેવામાં આવશે કે કેમ, તે અંગે સવાલ છે.

કોર્પોરેટર પુત્રની રિવોલ્વર સાથે રોફગીરી

પ્રાપ્ત માહિતી અનુસાર, રાજકોટ શહેરના વોર્ડ નંબર 6ના કોર્પોરેટર દેવુંબેન જાદવના પુત્ર નિલેશ જાદવનો એક વીડિયો વાયરલ થયો છે. જે વાયરલ થયેલા વીડિયોમાં નિલેશ જાદવના ડાબા ભાગના કમરે હથિયાર લટકાવ્યું હોય તે પ્રકારનો વીડિયો વાયરલ થયો છે. નિલેશ જાદવે પોતાના ડાબા ભાગના કમરે લટકાવેલું હથિયાર અન્ય કોઈનું નહીં પરંતુ પોતાના પિતાનું જ હોવાનું હાલ ચર્ચાઇ રહ્યું છે. વીડિયોમાં પણ સ્પષ્ટપણે જોઈ શકાય છે કે, હથિયાર સાથે તેમાં ઉપયોગમાં લેવામાં આવનાર ગોળીઓ પણ સ્પષ્ટપણે દેખાઈ રહી છે. સાથે જ કાર ઉપર ચેરમેન શ્રી માર્કેટ સમિતિ રાજકોટ મ્યુનિસિપલ કોર્પોરેશન પણ લખેલું જોવા મળે છે.

રાજકોટ : મહિલા કોર્પોરેટર દેવુબેન જાદાવના પુત્રનો હથિયાર સાથેનો વિડીયો વાયરલ#Rajkot #Videoviral #corporator pic.twitter.com/iNLEARUTTF

— News18Gujarati (@News18Guj) January 23, 2023

આ પણ વાંચો: રાજકોટ: બાઇકચાલકે વૃદ્ધને અડફેટે લીધા, ઘટનાના સીસીટીવી થયા વાયરલ

પોલીસ કડક કાર્યવાહી કરશે કે કેમ?

તેમજ આ વીડિયો જ્યારે બનાવવામાં આવ્યો ત્યારે અન્ય છથી વધુ વ્યક્તિઓ પણ ત્યાં હાજર હોય તેવું પણ વીડિયોમાં સ્પષ્ટપણે જોઈ શકાય છે. આ સમગ્ર મામલે પોલીસ કમિશનર દ્વારા નિલેશના પિતાનું પરવાનાવાળું હથિયાર રદ કરવામાં આવે છે કે કેમ, તે પણ જોવું અતિમહત્વનું બની રહેશે. અન્ય કિસ્સાઓમાં આ પ્રકારે વીડિયો વાયરલ થયો હોય તો વીડિયો બનાવનાર તેમજ જે વ્યક્તિનો વીડિયો હોય તેની પાસે પોલીસ માફી મંગાવતી હોય તે પ્રકારનો વીડિયો બનાવતી હોય છે. તેમજ તેના વિરુદ્ધ ગુના પણ દાખલ કરતી હોય છે. ત્યારે આ કિસ્સામાં પોલીસ એ જ પ્રકારની કડક કાર્યવાહી કરશે કે કેમ, તે જોવું રહ્યું. હાલ તો ભાજપના વોર્ડ નંબર 6ના કોર્પોરેટર પુત્રનો વીડિયો સોશિયલ મીડિયામાં જોરશોરથી વાયરલ થઈ રહ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat News, Rajkot News, Rajkot viral video