Gujarat Chunav 2022: રાજકોટની ચારેય બેઠકો ભાજપ ભારે બહુમતી સાથે જીતશે: પૂર્વ CM રૂપાણીએ કર્યું મતદાન

રાજકોટ: આજે ગુજરાત વિધાનસભાની ચૂંટણીના પ્રથમ તબક્કાનું મતદાન થઇ રહ્યું છે, ત્યારે આજે વહેલી સવારથી જ મતદારોમાં ઉત્સાહ જોવા મળી રહ્યો છે. આજે ક્યાંક કડકતી ઠંડી તો ક્યાંક ફૂલ ગુલાબી ઠંડીમાં મતદારો મત આપવા પહોંચી રહ્યા છે, ત્યારે નેતાઓ પણ મતદાન કરવા પહોંચી રહ્યા છે. ગુજરાતના પૂર્વ મુખ્યમંત્રી વિજય રૂપાણી પણ મતદાન કરવા પહોંચ્યા હતા. રુપાણીએ રાજકોટમાં મતદાન કર્યું હતું.

રૂપાણીએ શું કહ્યું?

મતદાન કર્યા બાદ વિજય રૂપાણીએ જણાવ્યું કે, આ વખતે રાજકોટની ચારેય બેઠકો ભાજપ ભારે બહુમતી સાથે જીતશે. કેમ કે, ભાજપના ઉમેદવારે સારો પ્રચાર કર્યો છે. સાથે જ વિજય રૂપાણીએ જણાવ્યું કે, હું લોકોને અપીલ કરુ છુ કે તમે જરૂર મતદાન કરો અને મને પૂરો વિશ્વાસ છે કે ગુજરાતમાં 7મી વખત ભાજપની સરકાર બનવા જઇ રહી છે.

પૂર્વ CM વિજય રૂપાણીના પત્ની અંજલીબેન રૂપાણીએ તમામ મહિલાઓને મત આપવા કરી અપીલ #GujaratElection2022 #GujaratAssemblyPolls #ElectionWithNews18 pic.twitter.com/1q7alcdOMF

— News18Gujarati (@News18Guj) December 1, 2022

1 અને 5 ડિસેમ્બરના રોજ મતદાન

ગુજરાતમાં બે તબક્કામાં મતદાન યોજાશે. આજે પ્રથમ તબક્કાનું મતદાન શાંતિપૂર્ણ માહોલમાં પૂર્ણ થયું છે. આ સાથે 8 ડિસેમ્બરના રોજ પરિણામ જાહેર કરવામાં આવશે.
" isDesktop="true" id="1292782" >
ગુજરાતમાં કુલ મતદારો કેટલા?

ગુજરાત વિધાનસભાની ચૂંટણી 2022ને (gujarat election 2022) લઈને ચૂંટણી પંચે મતદાર સુધારણા કાર્યક્રમ બાદ મતદારોની અંતિમ યાદી જાહેર કરી હતી. પંચ તરફથી જાહેર કરવામાં આવેલી યાદીમાં, રાજ્યમાં કુલ 4,90,89,765 મતદારો નોંધાયા છે. આ સાથે જ, રાજ્યમાં 11,62,528 નવા મતદારો નોંધાયા છે. કુલ મતદારોમાં 2,53,36,610 પુરૂષ અને 2,37,51,738 મહિલા મતદારો સામે આવ્યા છે. જેમાં, 4 લાખથી વધુ વિકલાંગ મતદારો પણ નોંધાયા છે. કુલ મતદારોમાં 1,417 જેટલા ટ્રાન્સજેન્ડર મતદારોનો પણ સમાવેશ છે.

2017ના ચૂંટણી પરિણામ પર એક નજર

ગુજરાતમાં 14મી વિધાનસભાની ચૂંટણી 9મી ડિસેમ્બર, 2017 અને 14 ડિસેમ્બરના રોજ યોજાઈ હતી. 18મી ડિસેમ્બરના રોજ મતગણતરી કરવામાં આવી હતી. આ ચૂંટણીમાં ભારતીય જનતા પાર્ટીને બહુમતી મળી હતી. જોકે, 2012ની ચૂંટણીની સરખામણીમાં કૉંગ્રેસનો વોટ શેર અને બેઠકમાં વધારો થયો હતો. ગુજરાતમાં 1985 પછી કોંગ્રેસ પાર્ટીએ સૌથી વધારે બેઠક મેળવી હતી. આ ચૂંટણીમાં બીજેપીને 99 બેઠક મળી હતી. કૉંગ્રેસને 77 બેઠક મળી હતી. એનસીપીને એક બેઠક મળી હતી. બીટીપીને બે બેઠક મળી હતી. અપક્ષના ફાળે ત્રણ બેઠક રહી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Assembly Election 2022, Vijay Rupani