Home /News /rajkot /રાજકોટ: માત્ર બે મિનિટમાં તસ્કરે ATM માંથી લાખો રૂપિયાની ઉઠંતરી કરી, બેંકને અઠવાડિયા પછી જાણ થઇ

રાજકોટ: માત્ર બે મિનિટમાં તસ્કરે ATM માંથી લાખો રૂપિયાની ઉઠંતરી કરી, બેંકને અઠવાડિયા પછી જાણ થઇ

એટીએમમાં ચાવી વડે તેમજ પાસવર્ડ નાંખી ચોરી કરવામાં આવી છે.

ATM was stolen in Jasdan: સીસીટીવી ફૂટે ચેક કરતા છ સપ્ટેમ્બરના રોજ રાત્રિના કોઈ અજાણ્યા સખ્શે એટીએમમાં આવીને ચાવી વડે ખોલીને તેમાં પાસવર્ડ નાખીને પૈસા કાઢી ગયાનું જાણવા મળ્યું છે.

રાજકોટ જિલ્લાના જસદણ શહેરમાં ભેજાબાજ તસ્કરે માત્ર બે જ મિનિટમાં લાખો રૂપિયાની રોકડની ચોરી કરી હોવાનો બનાવો સામે આવ્યો છે. જે સમગ્ર ઘટના ફૂટેજમાં કેદ થવા પામી છે. પોતાની ઓળખ છુપાવવા માટે તસ્કરે હેન્ડગ્લોવ્સ પહેર્યા હતા તો સાથે જ માથા પર ટોપી તેમજ માસ્ક પહેર્યું હોવાનું સામે આવ્યું છે. ત્યારે સીસીટીવી ફુટેજના માધ્યમથી ગ્રામ્ય પોલીસે આરોપીની શોધખોળ શરૂ કરી છે.

પ્રાપ્ત માહિતી અનુસાર બેંક ઓફ બરોડાના ચીફ મેનેજર જસદણ પોલીસમાં ફરિયાદ નોંધાવતા જણાવ્યું છે કે, રાજકોટ જિલ્લાના જસદણ શહેરમાં ખાનપર રોડ પર આવેલા બેન્ક ઓફ બરોડા શાખામાં એટીએમ સેન્ટર આવેલું છે. 15 સપ્ટેમ્બરના રોજ તેઓ જ્યારે બ્રાન્ચ ખાતે હાજર હતા. ત્યારે સાંજના સમયે રવિન્દ્ર ગોસ્વામી તથા જય પુરી ગોસ્વામીએ ફરિયાદ કરી હતી કે, અમે જ્યારે એટીએમ મશીન ખોલ્યું હતું. ત્યારે મશીનમાં જેટલા પૈસા હોવા જોઈએ તેટલા પૈસા નહોતા માટે અમારે સીસીટીવી ફૂટેજ ચેક કર્યા હતા.

આ પણ વાંચો- અમદાવાદમાં રેવન્યુ તલાટી પતિએ પત્નીને ત્રાસ આપતા કહ્યું- બાળક મારૂ નથી DNA ટેસ્ટ કરાવો

બનાવ સંદર્ભે માલુમ પડ્યું હતું કે 6 સપ્ટેમ્બરના રોજ એટીએમમાં 27,500 નું બેલેન્સ હતું જેના કારણે 25 લાખ રૂપિયા ડિપોઝિટ કરવામાં આવ્યા હતા. જેના કારણે એટીએમનું બેલેન્સ 25 લાખથી વધુનું થઈ ગયું હતું. કસ્ટમર દ્વારા એટીએમ મારફતે રૂપિયા 7,94,000 ઉપાડવામાં આવ્યા હતા ત્યારબાદ સિસ્ટમના હિસાબે એટીએમમાં 17,33,500 હોવા જોઈએ. પરંતુ એટીએમમાં હાલ 500 રૂપિયા જ છે. સીસીટીવી ફૂટે ચેક કરતા છ સપ્ટેમ્બરના રોજ રાત્રિના કોઈ અજાણ્યા સખ્શે એટીએમમાં આવીને ચાવી વડે ખોલીને તેમાં પાસવર્ડ નાખીને પૈસા કાઢી ગયાનું જાણવા મળ્યું છે. આ બનાવ સંદર્ભે સિક્યુરિટી ઓફિસર રાજકોટ તથા રિજનલ ઓફિસ તેમ જ જોનલ ઓફિસ રાજકોટ ખાતે ફોન દ્વારા તેમજ ઈમેલ બાબતે જાણ પણ કરવામાં આવી છે.

આ પણ વાંચો- અમદાવાદમાં નવરાત્રી વાઇબ્રન્ટ મહોત્સવની તડામાર તૈયારીઓ, અટલ બ્રિજની મુકાશે રેપ્લિકા

જાણવા મળતી વિગતો અનુસાર જે પ્રમાણે એટીએમમાં ચાવી વડે તેમજ પાસવર્ડ એ ચોરી કરવામાં આવી છે. જેથી ચોરી કરનાર તેમજ કરાવનાર કોઈ જાણ ભેદો હોવાની શંકા પોલીસને થઈ રહી છે. અત્યારે પોલીસ તપાસમાં શું સત્ય સામે આવે છે તે જોવું અતિ મહત્ત્વનું બની રહેશે.
Published by:rakesh parmar
First published:

Tags: Latest News Rajkot, Rajkot CCTV, ગુજરાત, રાજકોટ

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો
विज्ञापन
विज्ञापन
विज्ञापन