VIDEO: રાજકોટ રેલવે સ્ટેશન પર વૃદ્ધ મહિલાનો થયો ચમત્કારી બચાવ, પોલીસ જવાને બચાવ્યો જીવ

રાજકોટ: આપણે ત્યાં કહેવત છે કે રામ રાખે તેને કોણ ચાખે. રાજકોટ શહેર (Rajkot)માં આવેલા રેલ્વે સ્ટેશન (Rajkot Railway Station) પર આ કહેવત સાચી ઠરી છે. હાલ સાતમ આઠમના તહેવારની રજા ચાલી રહી છે ત્યારે લોકો એક શહેરમાંથી બીજા શહેરમાં મુસાફરી વધુ પ્રમાણમાં કરતા હોય છે. જેના કારણે હાલ બસ તેમજ રેલવે અને એર ટ્રાફિકમાં ખાસો એવો વધારો જોવા મળ્યો છે. આ તમામની વચ્ચે હાલ ભારતીય રેલવે (Indian Railway)માં પણ ખાસ્સો એવો ટ્રાફિક મુસાફરોનું જોવા મળી રહ્યો છે. કેટલાક કિસ્સાઓમાં તો રેલવે વિભાગ દ્વારા સ્પેશિયલ ટ્રેન (Special Train) પણ ચલાવવાની ફરજ પડી છે. ત્યારે રાજકોટના રેલ્વે સ્ટેશન પર 62 વર્ષની મીનાક્ષીબેન નામની વૃદ્ધાનો ચમત્કારિક બચાવ થયો હોવાની ઘટના સામે આવી છે. જે સમગ્ર ઘટના સીસીટીવી (Train Incident Video)માં કેદ થતાં હાલ સોશિયલ મીડિયામાં ઘટનાનો સીસીટીવી વીડિયો વાયરલ (Viral Video) થઈ રહ્યા છે.

પ્રાપ્ત માહિતી અનુસાર 19 ઓગસ્ટના રોજ 62 વર્ષીય મીનાક્ષીબેન ઠક્કર નામના પોતાની બે પુત્રીઓને ટ્રેનમાં બેસાડવા આવ્યા હતા. જોકે ટ્રેન ચાલુ થઈ ગયા બાદ પોતાને ખ્યાલ આવતા તેઓ તાત્કાલિક અસરથી ચાલુ ટ્રેને પ્લેટફોર્મ પર ઉતર્યા હતા. જેના કારણે પ્લેટફોર્મ અને ટ્રેન વચ્ચે જે ગેપ હોય છે તે ગેપમાં તેમનો પગ આવી ગયો હતો. ત્યારે તેઓને વધુ ઇજા પહોંચે તે પૂર્વે જ ત્યાં હાજર રહેલા રેલવેના અધિકારી નરેન્દ્રકુમાર ગૌતમ અને અન્ય બે મુસાફરો દ્વારા વૃદ્ધાનો જીવ બચાવવામાં આવ્યો હતો.

રાજકોટ: રેલવે સ્ટેશન પર વૃધ્ધાનો થયો ચમત્કારી બચાવ

ચાલતી ટ્રેનમાંથી ઉતરતા 62 વર્ષીય વૃધ્ધા ટ્રેન અને પ્લેટફોર્મ વચ્ચેના ગેપમાં પગ ફસાઈ જતા લપસી પડ્યા

પોલીસ જવાને 62 વર્ષીય વૃધ્ધાને સલામત રીતે ખેંચી જીવ બચાવી લીધો pic.twitter.com/kOVKXsoMdg

— News18Gujarati (@News18Guj) August 20, 2022

ઉલ્લેખનીય છે કે હાલ તહેવારોમાં મોટાભાગની ટ્રેન હાઉસફુલ જઈ રહી છે. ત્યારે રેલ્વે સ્ટેશન ઉપર પણ મુસાફરોની ભારે ભીડ પણ જોવા મળી રહી છે. તેમજ પોતાના અંગત વ્યક્તિને ટ્રેનમાં બેસાડવા માટે તેના પરિજનો પણ પ્લેટફોર્મ ટિકિટ લઈને રેલ્વે સ્ટેશન પર આવતા હોવાથી પ્લેટફોર્મ ઉપર મુસાફરોની સાથોસાથ તેમના પરિજનો ની પણ સંખ્યા વધુ પ્રમાણમાં હાલ જોવા મળી રહી છે.

આ પણ વાંચો- VIDEO: ઢોર બાદ હવે કપીરાજનો આતંક, મંદિરમાં ઘૂસી પૂજારીને ભર્યું બચકું

ઉલ્લેખનીય છે કે ગત જુલાઇ માસમાં રાજકોટના રેલ્વે સ્ટેશન પર એક બાળક પડી જતા તે પાટા નીચે આવી ગયો હતો. બાળક પરથી એક નહીં બે નહીં પરંતુ ચાર જેટલા કોચ પસાર થઈ ગયા હતા પરંતુ બાળકને ઉની આંચ પણ આવી નહોતી. આ ઘટનામાં બાળકને બચાવવા માટે આરપીએફની મહિલા કોન્સ્ટેબલ સોનું વર્મા દોડી ગઈ હોવાનું સીસીટીવીમાં સામે આવ્યું હતું. જાંબાજ મહિલા કોન્સ્ટેબલને બાળકની માતા ભેટી પડી હતી. તે દ્રશ્યો પણ સીસીટીવીમાં કેદ થયા હતાં.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Rajkot CCTV, Rajkot News, Video viral, ગુજરાત, રાજકોટ