Porbandar: પાનનો ગલ્લો ચલાવતા પિતાનું સપનું સાકર કરશે પુત્રી, બોર્ડની પરીક્ષામાં મેળવ્યા 99.33 ટકા

પોરબંદર: રાજયના શિક્ષણ બોર્ડ દ્વારા ધો.10નું પરિણામ જાહેર થયું છે તેમાં પોરબંદરની સિગ્મા સ્કૂલમાં અભ્યાસ કરતી હેમાંગી રમેશભાઇ જુંગી એ 99.33 ટકાવારી સાથે A-1 ગ્રેડ મેળવી શાળા અને પરિવારનો ગૌરવ વધાર્યું છે. હેમાંગીના પિતા રમેશભાઈ જુંગી બંદર વિસ્તારમાં ચા-પાનનો ગલ્લો ચલાવે છે અને તેમાંથી પોતાના પરિવારનું ગુજરાન ચલાવે છે. તેમને સંતાનોમા 3 દીકરી છે. આર્થિક પરિસ્થિતિ સારી ન હોવા છતા તેમણે પોતાની દીકરીને ઉચ્ચ અભ્યાસ કરાવ્યો છે.



રમેશભાઈ જુંગીની મોટી દીકરી ભૂમિકા હાલ MBBSમાં અભ્યાસ કરે છે તો નાની દિકરી હેમાંગી એ ધો.10માં A-1 ગ્રેડ મેળવ્યો છે અને તેમને એન્જિનિયર બનવું છે સૌથી નાની દીકરી પ્રાથમિક શાળામાં અભ્યાસ કરે છે. રમેશભાઈ એ જણાવ્યુ હતું કે, દીકરી તો વ્હાલનો દરીયો કહેવાય અને તેમના ઉચ્ચ અભ્યાસ માટે હું અથાગ પ્રયત્ન કરુ છું અને દીકરી ભણી ગણી અને સારી નોકરી મેળવશે તો તે આત્મનિર્ભર બની રહેશે.



મારી દીકરી મારું અભિમાન છે

પોરબંદરમાં ધોરણ 10માં A-1 ગ્રેડ મેળવનાર હેમાંગીના પિતા રમેશભાઈ જુંગી એ જણાવ્યુ હતું કે, હું તો માત્ર ધો 10 સુધી ભણેલો છું પરંતુ હું મારી ત્રણેય દીકરીઓ ઉચ્ચ અભ્યાસ કરાવું છું એના માટે દિવસ રાત મહેનત કરું છું મારી દીકરી મારું અભિમાન છે.



ત્રણ માસ બોટમાં મજૂરી કામ કરે છે

પોતાની ત્રણેય દીકરી ઉચ્ચ અભ્યાસ કરી શકે તે માટે રમેશભાઇ જુંગી દિવસ-રાત મહેનત કરે છે. 8 માસ સુધી બંદર વિસ્તારમાં ચા-પાનનો વ્યવસાય કરે છે અને ચોમાસાના સમયમાં ત્રણ માસ દુકાન બંધ રાખે છે કારણે બંદરમાં ચોમાસાના સમયમાં માછીમારી બંધ હોય છે એટલે તેમનો વ્યાપાર ચાલતો નથી. આ ત્રણ માસ રમેશભાઇ બોટ સમારકામ માટે મજૂરીકામ કરે છે તેમ છતાં તે તેમની દિકરીઓને અભ્યાસ કરાવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Local 18, Porbandar News