PANCHMAHAL: ગોધરાના કોટડા પાસેથી પોષ ડોડાના લાખોના જથ્થા સાથે બે શખ્સો ઝડપાયા

Shivam Purohit, Panchmahal: પંચમહાલ જિલ્લાના ગોધરાના કોટડા પાસે 1,148 કિલો પોષ ડોડાનો જથ્થો ઝડપાયો છે. માલવાહક ટ્રકમાં ઘઉનાં જથ્થાની આડમાં પોષ ડોડાનો લઈજવાતો હતો.પોલીસે 1,147 કિલો પોષ ડોડાના જથ્થા સહિત બે ઈસમોની ધરપકડ કરી કુલ 48.63 લાખનો મુદ્દામાલ જપ્ત કર્યો છે. SOG પોલીસની ટીમે બાતમીના આધારે ગોધરાના કોટડા ગામ પાસેથી ટ્રકને ઝડપી પાડી હતી.

પોલીસે બાતમીના આધારે વોચ ગોઠવીગોધરાના પરવડી બાયપાસ પાસે આવેલા કોટડા ગામે ટ્રક પકડી પાડી.

પંચમહાલ જિલ્લા એસ.ઓ.જી પોલીસને બાતમી મળી હતી કે નશાયુક્ત પદાર્થ ભરીને એક ટ્રક કે જે ગ્રે કલરની તાડપત્રી બાંધેલી છે તે દાહોદ તરફ થી અમદાવાદ જઈ રહી છે જે બાતમીના આધારે એસઓજી પોલીસસ્ટાફ દ્વારા ગોધરાના પરવડી બાયપાસ પાસે આવેલા કોટડા ગામ પાસે વોચ ગોઠવી હતી.

દરમિયાન બાતમીના વર્ણન મુજબની ટ્રક આવતા ટ્રકને ઉભી રાખી તેમાં તપાસ કરતા ટ્રકમાં ઘઉંની બોરીઓ નીચે સંતાડીને લઇ જવાતા પોશ ડોડાનો જથ્થો મળી આવ્યો હતો. પોલીસે ટ્રક ચાલક તેમજ ટ્રકમાં સવાર અન્ય એક ઇસમની ટ્રકમાં લઈ જવામાં આવી રહેલ પોસડોડા ના જથ્થા બાબતે આધાર પુરાવો રજૂ કરવાનું જણાવતા બંનેઈસમો પાસે કોઈ પણ પ્રકારના આધાર પુરાવા મળી ન આવતા પોલીસે પોષ ડોડાનો જથ્થો જ્પ્તકરી બન્ને ઇસમોની અટકાયત કરી હતી.

પોષ ડોડાની 1,148 કિ.ગ્રામ વજનની34.44 લાખની 54 બોરીઓ જપ્ત કરી કાયદેસરની કાર્યવાહી કરી.

પોલીસે ઘઉંના જથ્થાની આડમાં લઈ જવામાં આવતા પોષ ડોડાની 54 બોરીઓ જેનું વજન 1,148 કિગ્રા તેમજ જેની કિંમત 34.44 લાખ થાય છે જેને જપ્ત કરી હતી. સમગ્ર પ્રકરણમાં પોલીસે કાસબરામ જાગુ અને દિલીપ ખીચર બન્ને રહેવાસી.લુની જિલ્લો જોધપુર રાજસ્થાનની ધરપકડ કરી હતી.

ઘઉં ની 270 બોરી જેની કિંમત 2.16 લાખ તેમજ ટ્રક સહિતના કુલ રૂ.46.63 લાખનો મુદ્દામાલ ઝડપી લઈને એન ડી પી એસ એકટની કલમો હેઠળ ગુન્હો નોંધી વધુ તપાસ હાથ ધરી છે.પોલીસ દ્વારા કરવામાં આવેલી પ્રાથમિક તપાસમાં આ પોષ ડોડાનો જથ્થો રાજસ્થાનથી,અમદાવાદ ખાતે લઈ જવામાં આવી રહ્યો હોવાનું સામે આવ્યું છે.

પોલીસે હાલ આ જથ્થો કોની પાસેથી લેવામાં આવ્યો છે અને અમદાવાદમાં કોને આપવાનો હતો તેમજ અગાઉ કોઈવાર આવા નશીલા પદાર્થોનું વેચાણ કે વહન કરવામાં આવ્યું છે કે કેમ તે દિશામાં તપાસ હાથ ધરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર