પંચમહાલમાં પ્રથમ વખત મળી આવ્યું અફીણનું ખેતર, આરોપીએ કહ્યું- પોતાના ઉપયોગ માટે વાવેતર કર્યું હતું

રાજેશ જોશી, પંચમહાલ: પંચમહાલ જિલ્લામાંથી પ્રથમવાર ખેતરમાં અફીણના છોડવાનો ઉછેર કરવામાં આવી હોવાનો કિસ્સો પ્રકાશમાં આવ્યો છે. એસઓજીએ મોરવા(હ) તાલુકાના ભંડોઇ ગામે ખેતરમાં ઉગાડેલા વનસ્પતિ જન્ય લીલા અફીણના 1014 છોડ જેની કિંમત 76470ના મુદ્દામાલ સાથે એક આરોપીને પકડી એનડીપીએસ જોગવાઈ મુજબ ગુનો નોંધી વધુ તપાસ શરૂ કરવામાં આવી છે. જોકે ઝડપાયેલા આરોપીએ અફીણના છોડનું વાવેતર પોતાના ઉપયોગ માટે જ કર્યુ હોવાનું પોલીસ સમક્ષ હાલ તો રટણ કરી રહ્યો છે.

પંચમહાલમાં મળી આવ્યું અફીણનું ખેતર

ઉલ્લેખનીય છે કે, અફીણ સેવનના રવાઢે ચઢેલા વ્યક્તિ ઓને અફીણ વિના ચાલી શકતું નથી અને ભાવ ખૂબ જ હોવાથી આખરે પોતાની તલપ છુપાવવા માટે આ પ્રકારના અખતરા પણ કરતાં હોય છે. પંચમહાલ જિલ્લામાં નાર્કોટીક્સ ડ્રગ્સને લગતી ગેરકાયદેસર પ્રવૃતિઓ થતી અટકાવવા તેમજ નાર્કોટીક્સ ડ્રગ્સના દુષણને નેસ્ત નાબુદ કરવાની કરવા માટે રેન્જ આઈ.જી અને જિલ્લા પોલીસવડા એ એસઓજીને સૂચના આપી હતી. જે અંતર્ગત એસ ઓ જી પી આઈ આર.એ. પટેલ અને ટીમ પેટ્રોલીંગ કરી રહ્યા હતા.

આ પણ વાંચો: ગુજરાત પ્રદેશ કોંગ્રેસના મોટા સમાચાર, જાણો કોણ પહોંચ્યું ભારત જોડો યાત્રામાં?

આ મામલે પોલીસે કાર્યવાહી હાથ ધરી

આ પેટ્રોલીંગ દરમિયાન એસ.ઓ.જી. પીઆઇને  મોરવા(હ) તાલુકાના ભંડોઇ ગામના રામદેવ ફળીયામાં રહેતાં લાલુભાઇ પ્રતાપભાઇ મકવાણાના ઘર પાસે આવેલા ખેતરમાં અફીણનું વાવેતર કરવામાં આવ્યું હોવાની બાતમી મળી હતી. જે આધારે એસઓજી ટીમે બાતમી વાળા ખેતરમાં ખેતર માલિક લાલુભાઇ મકવાણાને સાથે રાખી તપાસ હાથ ધરી હતી. દરમિયાન ખેતરમાંથી વનસ્પતિ જન્ય લીલા અફિણના છોડ નંગ-1014 મળી આવ્યા હતા. જેનું પોલીસે વજન કરાવતા 25.490 કીલો ગ્રામ વજન થયું હતું.

આ પણ વાંચો: દ્વારકામાં આવેલા શિવરાજપુર બીચ ખાતે બે દિવસીય રમણીય રેતશિલ્પ મહોત્સવનો પ્રારંભ

25.490 કીલો ગ્રામ અફીણ સાથે આરોપી ઝડપાયો

ઉલ્લેખનીય છે કે, પોલીસે પ્રતિબંધિત અફીણ છોડનો 76,470 રૂપિયાનો જથ્થો કબજે લઇ આરોપી લાલુભાઇ સામે  મોરવા(હ) પોલીસ સ્ટેશન ખાતે એનડીપીએસ એકટ મુજબ ગુનો નોંધી તપાસ કાર્યવાહી શરૂ કરી છે. નોંધનીય છે કે, પંચમહાલ જિલ્લામાં આજ દિન સુધી પોલીસે ગાંજાના વાવેતરના કેસ કર્યા છે પરંતુ અફીણનું વાવેતર થતું હોવાનું પ્રથમ વાર ધ્યાને આવ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Pachmahal, Panchmahal News, ગુજરાત