Panchmahal Election Results 2022: ગોધરા, હાલોલ સહિત પંચમહાલની તમામ બેઠકો પર ભગવો લહેરાયો

ગુજરાત વિધાનસભાની ચૂંટણીના લેટેસ્ટ સમાચાર આવી ગયા છે. સવારે 8 વાગ્યાથી મતગણતરી જે શાંતિપૂર્ણ રીતે પૂર્ણ થઈ ગઈ છે. છેલ્લી ચૂંટણીની વાત કરીએ તો 2017માં આ જિલ્લાની 5 બેઠકોમાંથી 4 ભાજપ અને 1 બેઠક અપક્ષે જીતી હતી. આ જિલ્લાની તમામ વિધાનસભા બેઠકોના તમામ સમાચાર અહી આપવામાં આવી છે.

ગોધરા ગુજરાત ચૂંટણી પરિણામ 2022:

ગોધરાની આ સીટ પર સીકે ​​રાઉલજીની ભવ્ય જીત થઈ છે. 2017માં પણ ભાજપના વરિષ્ઠ નેતા સીકે ​​રાઉલજી જીત્યા હતા. જ્યારે કોંગ્રેસે રશ્મિતાબેન ચૌહાણને, AIMIMએ હસન શબ્બીરને અને આમ આદમી પાર્ટીએ રાજેશભાઈ સોમાભાઈ પટેલને તેમની સામે મેદાનમાં ઉતાર્યા હતા.

આ પણ વાંચો :  Gujarat Chhota Udaipur Election Result Live: છોટા ઉદેપુરની બેઠક પર ભાજપ-કોંગ્રેસ વચ્ચે રસાકસીભર્યો જંગ, કોણ જીતશે ચૂંટણીનું દંગલ?

હાલોલ ગુજરાત ચૂંટણી પરિણામ 2022:

હાલોલ બેઠક પરથી છેલ્લી ચૂંટણી જીતનાર ભાજપના જયદ્રથ સિંહ પ્રારંભિક વલણોમાં આગળ રહ્યા હતા અને તેમનો ભવ્ય વિજય પણ થયો છે. કોંગ્રેસે અનીશ ભાઈ બારીયાને મેદાનમાં ઉતાર્યા હતા અને આમ આદમી પાર્ટીએ ભરત કુમારને લડત આપવા માટે મેદાનમાં ઉતાર્યા હતા. આ ઉપરાંત આ બેઠક પરથી 4 અપક્ષ અને 2 અન્ય પક્ષોના ઉમેદવારો પણ ઉભા હતા.

કલોલ ગુજરાત ચૂંટણી પરિણામ 2022:

કલોલથી ભાજપના ફતેહસિંહ ચૌહાણ આગળ રહ્યા અને ભવ્ય જીત મેળવી છે. ગત ચૂંટણીમાં ભાજપના સુમાબેન ચૌહાણ જીત્યા હતા, આ વખતે તેમના સ્થાને ફતેહસિંહ ચૌહાણને તક આપવામાં આવી હતી. બીજી તરફ કોંગ્રેસમાંથી પ્રભાતસિંહ ચૌહાણ ચૂંટણી મેદાનમાં ઉતર્યા હતા. આમ આદમી પાર્ટીએ પણ દિનેશ ભાઈ બારીયાને પોતાના ઉમેદવાર તરીકે ઉતાર્યા હતા.

આ પણ વાંચો :  છોટા ઉદેપુરની બેઠક પર ભાજપ-કોંગ્રેસ વચ્ચે રસાકસીભર્યો જંગ, કોણ જીતશે ચૂંટણીનું દંગલ?

મોરવા હડફ ગુજરાત ચૂંટણી પરિણામ 2022:

ભાજપના નિમિષા બેન સુથાર મોરવાની ST બેઠક પરથી ભવ્ય જીત થઈ છે. આ બેઠક પરથી માત્ર 4 ઉમેદવારો ચૂંટણી લડી રહ્યા હતા. નિમિષા ઉપરાંત કોંગ્રેસના સ્નેહલતા બેન ખાંટ, આમ આદમી પાર્ટીના મનસુખ ભાઈ ડામોર અને પ્રજા વિજય પક્ષના ચંદ્રકાંત ભાઈ મેદાનમાં ઉતર્યા હતા. ગત ચૂંટણીમાં આ બેઠક પરથી અપક્ષ ઉમેદવાર ભૂપેન્દ્ર સિંહ ખાંટ જીત્યા હતા.

શહેરા ગુજરાત ચૂંટણી પરિણામ 2022:

આ વખતે પણ શહેરા બેઠક પરથી 4 ઉમેદવારો પોતાનું નસીબ અજમાવ્યા હતા. જેમાં ભાજપમાંથી જેઠાભાઈ આહીર, કોંગ્રેસમાંથી ખાતુભાઈ, ભારતીય જન પરિષદમાંથી સુરેશભાઈ અને આમ આદમી પાર્ટીમાંથી તખ્તસિંહ ચૂંટણી લડ્યા હતા. ગત ચૂંટણીમાં આ બેઠક પર ભાજપના મોટાભાઈ આહિરનો વિજય થયો હતો. શહેરા બેઠક પરથી જેઠાભાઈ આહીરની 47,281 મતોથી ભવ્ય જીત થઈ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Assembly Elections Results 2022, Election Results 2022, Gujarat Assembly Election, Gujarat Elections