Home /News /panchmahal /કભી કભી ઐસા ભી હોતા હૈ! મિત્રએ મિત્રની કુહાડીના ઘા ઝીંકી કરી નાખી કરપીણ હત્યા

કભી કભી ઐસા ભી હોતા હૈ! મિત્રએ મિત્રની કુહાડીના ઘા ઝીંકી કરી નાખી કરપીણ હત્યા

મિત્રએ કરી મિત્રની હત્યા

Panchmahal Murder News: હાલોલના રવાલીયા ગામના ગુમ થયેલા યુવકનો આખરે પોલીસને ભારે તપાસ બાદ મૃતદેહ મળી આવ્યો છે. પોલીસની તપાસમાં ખૂબ જ ચોંકાવનારી હકીકત સામે આવી છે. મિત્રએ જ મિત્ર સાથેના અનૈતિક સંબંધોમાં હદ વટી જતાં કુહાડીના ઘા ઝીંકી મોતને ઘાટ ઉતારી દઈ મૃતદેહને ખેતરમાં દાટી દીધો હતો.

વધુ જુઓ ...
    રાજેશ જોષી,ગોધરા: હાલોલના રવાલીયા ગામના ગુમ થયેલા યુવકનો આખરે પોલીસને ભારે તપાસ બાદ મૃતદેહ મળી આવ્યો છે. પોલીસની તપાસમાં ખૂબ જ ચોંકાવનારી હકીકત સામે આવી છે. મિત્રએ જ મિત્ર સાથેના અનૈતિક સંબંધોમાં હદ વટી જતાં કુહાડીના ઘા ઝીંકી મોતને ઘાટ ઉતારી દઈ મૃતદેહને ખેતરમાં દાટી દીધો હતો. હાલોલ રૂરલ પોલીસ ટીમે એક સપ્તાહ સુધી જમીન દટાયેલી હાલતમાં ડીકમ્પોઝ સ્થિતિમાં મૃતદેહને ખોદી બહાર કાઢ્યો છે. ઉલ્લેખનીય છે કે, માત્ર બે વર્ષમાં જ અનૈતિક સંબંધોને કારણે મિત્રના હાથે જ મિત્રને મોતની સજા મળી છે અને સંબંધોનો કરુણ અંત આવ્યો છે. સુમન પણ ઘરેથી નીકળી મિત્ર રણછોડ રાઠવાના ખેતરે જ ગયો હતો.

    સ્વજનોએ સુમનનો સંપર્ક કરવાનો પ્રયત્ન કર્યો હતો


    હાલોલના રવાલિયા મોટુ ફળીયામાં રહેતો સુમનભાઇ ચંન્દ્રસિંહ પરમાર 7 જાન્યુઆરીએ રાત્રે પોતાના ઘરેથી હાલોલ જવાનું જણાવી બાઈક લઈને નીકળ્યો હતો. દરમિયાન સુમન પોતાનો મોબાઈલ ફોન પણ સાથે લઈ ગયો હતો. બીજી તરફ સુમન બીજા દિવસે ઘરે નહીં પહોંચતા તેના સ્વજનોએ સુમનનો સંપર્ક કરવાનો પ્રયત્ન કર્યો હતો પરંતુ સંપર્ક થયો નહોતો ત્યારબાદ પણ સુમન ઘરે પરત નહીં જતા પરિવારજનો ચિંતિત બન્યા હતા અને શોધખોળ આદરી હતી. આ ઉપરાંત સુમનના ભાઈએ હાલોલ ગ્રામ્ય પોલીસ મથકે પોતાનો ભાઈ ગુમ થયો હોવા અંગેની જાણ પોલીસને કરી હતી. જેના આધારે હાલોલ ગ્રામ્ય પોલીસ મથકના પીઆઇ આર. એ.જાડેજાના માર્ગદર્શન હેઠળ ટીમે સુમનની શોધ ખોળ આદરી હતી.

    આ પણ વાંચો: નશામાં ધૂત રેલવે કર્મચારીનો હાઈ વોલ્ટેજ ડ્રામા, આત્મહત્યાની ધમકી

    સુમનને પોતે હત્યા કરી હોવાની કબુલાત કરી


    પોલીસ દ્વારા તપાસ દરમિયાન ગુમ થયેલા સુમનના સગા સંબંધીઓને મિત્રોના નિવેદનો લેવા ઉપરાંત તેના મોબાઈલ અંગેનું ટેકનિકલ સર્વેલન્સ પણ કરવામાં આવ્યું હતું. દરમિયાન પોલીસને હાલોલ તાલુકાના નવાગામ રાઠવા ફળિયામાં રહેતા રણછોડભાઈ ભીમાભાઇ રાઠવા જે સુમનના મિત્ર હતા તેની વર્તુણક શંકાસ્પદ જણાઇ આવી હતી. જેથી પોલીસે રણછોડ રાઠવાની ઊંડાણપૂર્વક પૂછપરછ કરી હતી. સાથે જ તપાસ દરમિયાન સુમનનો મોબાઇલ ફોન પણ રણછોડ પાસેથી મળી આવ્યો હતો.જેથી પોલીસની શંકા વધુ ઘેરી બની હતી અને પોલીસે રણછોડ રાઠવાની ઘનિષ્ઠ પૂછપરછ કરતા તે પોલીસ સમક્ષ ભાંગી પડ્યો હતો અને સુમનને પોતે હત્યા કરી હોવાની કબુલાત કરી હતી.

    આ પણ વાંચો: વ્યાજખોરોની પઠાણી ઉઘરાણીએ જીવવાનું હરામ કરી દીધું

    ડીકમ્પોઝ થયેલી હાલતમાં મૃતદેહ મળી આવ્યો


    ઉલ્લેખનીય છે કે, આ આધારે હાલોલ ગ્રામ્ય પીઆઇ અને ટીમ દ્વારા સ્થળની વિડીયોગ્રાફી અને પ્રાંત અધિકારીની ઉપસ્થિતિમાં રણછોડ રાઠવાના ખેતરમાં તેણે બતાવેલી જગ્યા ઉપર ખોદકામ કરતા સુમનનો ડીકમ્પોઝ થયેલી હાલતમાં મૃતદેહ મળી આવ્યો હતો.પોલીસે મૃતદેહનું પીએમ કરાવી અંતિમ સંસ્કાર માટે તેના સ્વજનોને આપ્યો હતો. બીજી તરફ પોલીસે પાવાગઢ પોલીસ મથકે આરોપી રણછોડભાઈ ભીમાભાઈ રાઠવા સામે હત્યાનો ગુનો નોંધી ધરપકડ કરી વધુ તપાસ શરૂ કરી છે.પોલીસને ભારે કસરત બાદ હત્યા અને ગુમ થયા અંગેનો ભેદ ઉકેલવામાં સફળતા મળી છે.

    આ પણ વાંચો: આનંદ મહિન્દ્રાએ આર્મી ડે પર શેર કર્યું ‘સંદેશ આતે હૈ’, વીડિયો જોઈને લોકો મંત્રમુગ્ધ થઈ ગયા

    મિત્ર નગ્ન ફોટા વાયરલ કરવાની ધમકી આપતો હતો


    અવાર નવાર પોતાની સાથે સુષ્ટી વિરૂધ્ધનું કૃત્ય કરવા દબાણ કરી પોતાના નગ્ન ફોટા વાયરલ કરવાની ધમકી આપતાં હત્યા કરી હોવાની આરોપીએ કરી કબુલાત. સુમન પરમાર અને રણછોડ રાઠવા વચ્ચે બે વર્ષ અગાઉ મિત્રતા થઈ હતી જેના બાદ બંને વચ્ચે નૈતિક સંબંધો હોવાની શક્યતાઓ વચ્ચે શું મને રણછોડ રાખવાના નગ્ન ફોટા પોતાના મોબાઈલમાં ક્લિક કરી લીધા હતા. જે ફોટા સુમન રણછોડને બતાવી સૃષ્ટિ વિરુદ્ધનું કૃત્ય કરવા માટે સતત માગણી અને દબાણ કરતો હતો સાથે જ જો એમ નહીં કરવા દે તો ફોટા વાયરલ કરી દેવાની ધમકી આપતો હોવાથી આખરે રણછોડ એ પોતાના મિત્ર સુમનનું ટીમ ઢાળી દઈ પોતાના ફોટા વાયરલ થવાના ડરમાંથી મુક્તિ મેળવવા હત્યાનો કારસો રચી કાર્યો હતો.
    Published by:Vimal Prajapati
    First published:

    Tags: Murder case, Panchmahal Crime, ગુજરાત

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन