પાટણ: પ્રાથમિક શાળામાં છરીની અણીએ કિશોરી પર સામુહિક દુષ્કર્મ, નરાધમોએ વીડિયો વાયરલ કર્યો

પાટણ: પાટણ જિલ્લા (Patan district)માં એક ધ્રુણાસ્પદ બનાવ બન્યો છે. જેમાં ત્રણ જેટલા નરાધમોએ શિક્ષણનું ધામ એવી પ્રાથમિક સ્કૂલમાં એક કિશોરી પર સામુહિક દુષ્કર્મ (Gang rape) આચર્યું છે. આ મામલે પોલીસે હાલ ગુનો નોંધીને આરોપીઓની ધરપકડ કરવાની કાર્યવાહી શરૂ કરી છે. આ કેસમાં નરાધમોએ દુષ્કર્મનો વીડિયો (Video) પણ ઉતાર્યો હતો. એટલું જ નહીં, કિશોરી બીજી વખત તાબે ન થતાં આ વીડિયો વાયરલ પણ કરી દીધો હતો. આ બનાવ એક મહિના પહેલા બન્યો હતો પરંતુ વીડિયો વાયરલ થયા બાદ ત્રણેય નરાધમોનો ભાંડો ફૂટી ગયો હતો.

પ્રાથમિક શાળામાં દુષ્કર્મ

પાટણના સાંતલપુર તાલુકા ખાતે સામુહિક દુષ્કર્મનો બનાવ બન્યો છે. સાંતલપુર તાલુકાની પ્રાથમિક શાળામાં સામુહિક દુષ્કર્મની ઘટના બન્યા બાદ પોલીસે ફરિયાદ નોંધી છે. ફરિયાદ પ્રમાણે ત્રણ જેટલા નરધમો એક કિશોરીને છરીની અણીએ પ્રાથમિક શાળામાં લઈ ગયા હતા. અહીં શાળાની એક ઓરડીમાં કિશોરી પર સામુહિક દુષ્કર્મ આચર્યું હતું. આ બનાવ એક મહિના પહેલા બન્યો હતો. દુષ્કર્મ ગુજાર્યા બાદ આ વાત કોઈને ન કહેવા માટે ધમકી આપી હતી.

આ પણ વાંચો: રાત્રે બંધ સિનેમા હૉલમાં ઘૂસ્યા યુવક-યુવતી, ખાવાનું ચોર્યું, શારીરિક સંબંધ બાંધ્યો અને ત્યાં જ ઊંઘી ગયા!

કિશોરીની ફરી બોલાવી

એક વખત હવસ સંતોષ્યા બાદ નરાધમોએ કિશોરીને ફરીથી મળવા માટે બોલાવી હતી. જોકે, આ વખતે કિશોરી તેમના તાબે થઈ ન હતી. જે બાદમાં આરોપીઓએ પ્રથમ વખત દુષ્કર્મ આચર્યું હતું તે વખતે બનાવેલો વીડિયો વાયરલ કરી દીધો હતો. કિશોરી તાબે ન થતાં નરાધમોએ પહેલા તેણીને બદનામ કરવાની અને વીડિયો વાયરલ કરવાની ધમકી આપી હતી. જોકે, કિશોરી ન માનતા ત્રણેયએ વીડિયો વાયરલ કરી દીધો હતો.

વીડિયો વાયરલ થયા બાદ કિશોરીના ભાઈને આ ઘટના અંગે જાણ થઈ હતી. જે બાદમાં તેણે બહેનની પૂછપરછી કરી હતી. પૂછપરછ દરમિયાન બહેન તેની સાથે બનેલી હેવાનિયત અંગે માહિતી આપી હતી. જે બાદમાં કિશોરીના પરિવારે આ મામલે સાંતલપુર પોલીસ મથકે ફરિયાદ નોંધાવી છે. પોલીસે આ મામલે ફરિયાદ નોંધીને ત્રણેય નરાધમોને ઝડપી પાડવા માટે કાર્યવાહી શરી કરી છે.

આ પણ વાંચો: સેમસંગ, iPhone, અને શાઓમી સહિતના સ્માર્ટફોન સસ્તામાં ખરીદવાની ઉત્તમ તક



રાજ્યમાં દરરોજ બળાત્કારની ચારથી વધુ ઘટના

ગુજરાત વિધાનસભાના હાલ ચાલી રહેલા બજેટ સત્રમાં સરકારે લેખિત જવાબમાં જણાવ્યું છે કે, રાજ્યમાં દરરોજ બળાત્કારની ચારથી વધુ ઘટના બને છે. આ ઉપરાંત રાજ્યમાં દરરોજ અપહરણની સાતથી વધારે ઘટના બને છે. રાજ્યમાં દરરોજ આત્મહત્યાના 20 બનાવ બને છે.

આ પણ વાંચો: વલસાડ: ટ્રક ચાલકની બેદરકારીથી ક્લિનરનું કમકમાટીભર્યું મોત, બનાવનો વીડિયો વાયરલ

ગુનાખોરીના બનાવો:

>> રાજ્યમાં રોજની સરેરાશ 2 કરતા વધુ લૂંટની ઘટના.
>> રોજની 3 ખૂનની અને 30 ચોરીની ઘટના.
>> રોજની 4 કરતા વધુ બળાત્કારની ઘટના.
>> રોજ 7 અપહરણ, 20 આત્મહત્યાની ઘટનાઓ બની.
>> રોજ 57 અપમૃત્યુ અને 37 આકસ્મિક મૃત્યુની ઘટના બની.
>> રાજ્યમાં છેલ્લા 2 વર્ષમાં લૂંટની 1,520 ઘટના બની.
>> હત્યાની 1,944, ધાડની 370 અને ચોરીની 21,995 ઘટના બની.
>> છેલ્લા બે વર્ષમાં બળાત્કારની 3095, અપહરણની 4829 ઘટના બની.
>> આત્મહત્યાના 14410, ઘરફોડના 6,190, રાયોટિંગના 2,589 બનાવો બન્યા.
>> આકસ્મિક મૃત્યુના 27,148, અપમૃત્યુના 41,493 બનાવો નોંધાયા.
>> રાજ્યમાં હત્યાના પ્રયાસની 18,523 ઘટના નોંધાઇ.
>> પોલીસ વિભાગે તમામ ઘટનાઓમાં માત્ર 4,043 આરોપીઓની ધરપકડ કરી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gang rape, Teenager, ગુજરાત, ગુનો, પાટણ, પોલીસ