વિપુલ ચૌધરીએ વિવાદનો મધપૂડો છંછેડયો, ગુજરાતમાં સહકારી સંસ્થાઓમાંથી ગુણવત્તાયુક્ત દારૂ મળે

એક તરફ બોટાદના ધંધૂકા અને બરવાળામાં કેમિકલકાંડ (Botad Chemical Scandal)માં લોકોએ પોતાના જીવ ગુમાવ્યા છે ત્યારે આ મામલે પાટણ (Patan) ખાતે અર્બુદા સેનાની કારોબારી બેઠકમાં વિપુલ ચૌધરી (Vipul Chaudhary)એ વિવાદિત નિવેદન કર્યું છે. કેમિકલકાંડ મુદ્દે પૂર્વ ગૃહમંત્રી વિપુલચૌધરીએ વિવાદિત નિવેદન આપતા કહ્યું છે કે, ગુણવત્તા એ વિષય છે ખોટાકાયદા કરવાથી શુ ફાયદો. ગુજરાત અને દેશમાં ગુણવત્તા યુક્ત દારૂ વેચાવવવો જોઈએ. દારૂની જગ્યા એ દૂધ વેચાવવવું જોઈએ પણ ગુણવત્તા યુક્ત વેચાવવું જોઈએ.

ગુજરાતના પૂર્વ ગૃહમંત્રી વિપુલ ચૌધરીએ રાજ્યમાં ગુણવત્તાયુક્ત દારૂની હિમાયત કરીને વિવાદનો મધપુડો છંછેડ્યો છે. તેમની આ ટિપ્પણી ઝેરી દારૂની દુર્ઘટનાના પગલે આવી છે, જેમાં બોટાદ જિલ્લામાં 44 લોકોના મોત થયા હતા. વિપુલ ચૌધરીએ બુધવારે અર્બુદા પેનલની પાટણ જિલ્લા કાર્યકારી સમિતિની બેઠક દરમિયાન આ નિવેદન આપ્યું હતું. વિપુલ ચૌધરીના નેતૃત્વમાં અર્બુદા પેનલ મહેસાણા જિલ્લા સહકારી દૂધ ઉત્પાદક સંઘ લિમિટેડ (દૂધસાગર ડેરી)ની ચૂંટણી લડવા જઈ રહી છે.

પાટણ: દારુબંધી પર બોલ્યા વિપુલ ચૌધરી

ગુણવત્તાવાળુ વેચાય તો સારુઃવિપુલ ચૌધરી

આડકતરી રીતે દારુબંધી હટાવવા તરફ ઇશારો !#Gujarat #Patan pic.twitter.com/IimuVrC3AQ

— News18Gujarati (@News18Guj) July 27, 2022

ગુણવત્તાયુક્ત દારૂની ભલામણ કરતા ચૌધરીએ જણાવ્યું હતું કે, "કોઈ પણ કડક કાયદો 100% પ્રતિબંધ લાગુ કરી શકતો નથી, તેથી કાયદાની વાત શું છે, ગુણવત્તાયુક્ત દારૂ પ્રદાન કરવું વધુ સારું છે. જો તમે દારૂ પીવા માંગતા હોવ, તો સહકારી દૂધની ડેરીઓ દ્વારા પૂરા પાડવામાં આવતા દૂધની જેમ ગુણવત્તાયુક્ત દારૂ મેળવો. રાજ્ય સરકારે સહકારી મંડળીઓ દ્વારા ગુણવત્તાયુક્ત દારૂ પુરો પાડવો જોઈએ".

આ પણ વાંચો- વિસાવદરમાં સગીર ઉંમરના પ્રેમી પંખીડાએ આપઘાત કરી લેતા ચકચાર

ત્યાં જ બોટાદ કેમિકલકાંડની દુર્ઘટનાના પીડિતોના પરિવારો પાસે ગયેલા ઓબીસી અને ભાજપના નેતા અલ્પેશ ઠાકોરે સંવેદના વ્યક્ત કરી હતી. તેમજ દારૂબંધીના કડક અમલની માંગણી કરી હતી. તેમણે એક વિવાદાસ્પદ નિવેદન પણ આપ્યું હતું કે, 'પંચાયત, કોર્પોરેશન, વિધાનસભા કે લોકસભાની ચૂંટણી લડનારાઓએ ચૂંટણી દરમિયાન દારૂનું વિતરણ બંધ કરવું જોઈએ. જો 182 ધારાસભ્યો નક્કી કરે તો ગેરકાયદેસર દારૂનું એક ટીપું પણ બજારમાં નહીં મળે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Botad, Gujarati news, બોટાદ