Home /News /north-gujarat /

પાટણ જીલ્લાની વિધાનસભા બેઠકનું સમિકરણ

પાટણ જીલ્લાની વિધાનસભા બેઠકનું સમિકરણ

પાટણ જીલ્લાની Chanasma વિધાનસભા બેઠકમાં હારીજ , ચાણસ્મા અને સમી તાલુકા કેટલાંક ગામોનો સમાવેશ થાય છે...

પાટણ જીલ્લાની Chanasma વિધાનસભા બેઠકમાં હારીજ , ચાણસ્મા અને સમી તાલુકા કેટલાંક ગામોનો સમાવેશ થાય છે...

1 - ચાણસ્મા

ગુજરાત વિધાનસભાના પાટણ જીલ્લાની Chanasma વિધાનસભા બેઠકમાં હારીજ , ચાણસ્મા અને સમી તાલુકા કેટલાંક ગામોનો સમાવેશ થાય છે. આ બેઠકમાં રદ થયેલી સમી અને હારીજ બેઠકના ગામો પણ સમાવવામાં આવ્યા છે. આ બેઠક પર સમી તાલુકાના ૫૧, હારીજના ૪૦ અને ચાણસ્માના ૬૦ ગામો મળીને કુલ ૧૫૧ ગામોનો સમાવેશ થાય છે. Chanasma વિધાનસભા બેઠક પર કુલ ૨,૪૩,૨૮૨ મતદારો છે. જેમાં ૧,૨૬, ૪૦૩ પુરુષ અને ૧,૧૬,૮૭૯ મહિલા મતદારો છે. આ બેઠકમાં કુલ ૨૮૦ પોલીંગ બુથ છે. ગુજરાત વિધાનસભાની આ ગ્રામીણ બેઠક છે.

પાટણ જીલ્લાની Chanasma વિધાનસભા બેઠક પર યોજાયેલી વર્ષ ૨૦૧૨ની વિધાનસભા ચુંટણીમાં ભાજપના દિલીપકુમાર ઠાકોરે કોંગ્રેસના દિનેશકુમાર ઠાકોરને ૧૦. ૪૬ ટકા મતથી હરાવીને વિજય મેળવ્યો હતો. જો કે વર્ષ ૨૦૦૭માં આ બેઠક પરથી ભાજપના રજનીભાઈ પટેલ કોંગ્રેસના ઉમેદવાર માલજીભાઈ દેસાઈને ૧૬,૩૬૧ મતથી હરાવીને વિજયી બન્યાં હતા.

આ બેઠક પર સામાન્ય રીતે છેલ્લી બે વિધાનસસભા ચુંટણી સિવાય કોઈપણ એક પક્ષ સતત વિજયી બન્યું નથી. ભાજપ અને કોંગ્રેસના ઉમેદવાર વારાફરતી રીતે જીતતા આવ્યા છે. જેમાં વર્ષ ૧૯૯૫માં આ બેઠક પરથી અપક્ષ ઉમેદવાર ગાંડાજી ઠાકોર વિજયી બન્યા હતા.

પાટણ જીલ્લાની Chanasma બેઠકના જાતિય ગણિતની વાત કરીએ તો જણાશે કે ઠાકોર ૨૮.૫ ટકા, પટેલ ૧૪.૧ ટકા, માલધારી ૫.૩ ટકા, દલિત ૧૦. ૮ ટકા, મુસ્લિમ ૫.૧ ટકા, ક્ષત્રિય ૯.૬ ટકા પ્રભુત્વ ધરાવે છે. એટલે કે જોવા જઈએ આ બેઠક પર ઠાકોર મતદારોનું પ્રભુત્વ વધારે છે. જયારે પાટીદાર મતદારોના મતને કાપવા માટે રાજકીય પક્ષો અપક્ષ ઉમેદવારોની સંખ્યા વધારીને તેમના મતોનું વિભાજન કરાવી નાંખે છે.

2 - રાધનપુર

ગુજરાત વિધાનસભાની પાટણ જીલ્લાની મહત્વની એવી Radhanpur વિધાનસભા બેઠકની રચના ત્રણ તાલુકાના ગામોમાંથી કરવામાં આવી છે. રાધનપુર વિધાનસભા બેઠકમાં રાધનપુર, સાંતલપુર અને સમી તાલુકાના ગામોનો સમાવેશ થાય છે. ગુજરાત વિધાનસભાની આ ગ્રામીણ બેઠક પર ગ્રામીણ મતદારોનું પ્રભુત્વ વધારે છે. રાધનપુર વિધાનસભા બેઠક પર કુલ ૨,૩૭,૭૫૩ મતદારો છે. જેમાં ૧,૨૪,૪૧૮ પ્રુરુષ મતદારો અને ૧,૧૩,૩૩૫ મહિલા મતદારોનો સમાવેશ થાય છે. જેમાં કુલ ૫૭૦ પોલીંગ બુથ છે.

રાધનપુર વિધાનસભા બેઠક પરના અત્યાર સુધીના ચુંટણી પરિણામો પર નજર નાંખીએ તો જણાશે આ બેઠક ભાજપનો ગઢ છે.જેમાં છેલ્લી ચાર વિધાનસભા ચુંટણીમાં ભાજપના ઉમેદવાર જ વિજયી બનતા આવ્યા છે. આ બેઠક પરથી હાલ કોંગ્રેસના નેતા શંકરસિંહ વાઘેલા આરજેપી(જી) પક્ષમાંથી વર્ષ ૧૯૯૭માં પેટા ચુંટણી જીત્યા હતા. આ બેઠક પર વર્ષ ૨૦૦૭માં યોજાયેલી વિધાનસભા ચુંટણીમાં ભાજપના શંકર ચૌધરી જીત્યા હતા. જયારે વર્ષે ૨૦૧૨માં યોજાયેલી ચુંટણીમાં કોંગ્રેસના ભાવસિંહ રાઠોડને ભાજપના નાગાજી ઠાકોરે ૨.૫૩ મતથી હરાવ્યા હતા.

રાધનપુર વિધાનસભાના જાતિય ગણિતની વાત કરીએ તો ઠાકોર ૩૨ ટકા, ચૌધરી ૧૦ ટકા, માલધારી ૭ .૫ ટકા, મુસ્લિમ ૮. ૭૩ ટકા,પટેલ ૪.૦ ટકા, આહીર ૬.૧૨ ટકા, ઓબીસી ૧૭.૫, અન્ય ૯.૦ ટકાનો સમાવેશ થાય છે. આમ આ બેઠક પર જોવા જઈએ તો ઠાકોર અને ચૌધરી મતદારોનો દબદબો જોવા મળે છે.

3 - સિદ્ધપુર

ગુજરાત વિધાનસભાની પાટણ જીલ્લાની Sidhpur વિધાનસભા બેઠકમાં સિદ્ધપુર તાલુકા અને પાટણ તાલુકાના કેટલાંક ગામોનો સમાવેશ થાય છે. સિદ્ધપુર સમગ્ર ભારતમાં માતૃ તર્પણ માટેનું પ્રખ્યાત સ્થળ છે. Sidhpur વિધાનસભા બેઠકમાં કુલ ૨,૨૩,૯૬૩ મતદારો છે. જેમાં ૧,૧૬, ૩૧૭ પ્રુરુષ ઉમેદવારો છે. જયારે ૧,૦૭,૬૪૬ મહિલા મતદારો છે. જેમાં કુલ ૨૩૦ પોલીંગ બુથ છે.

પાટણ જીલ્લાની Sidhpur વિધાનસભા બેઠક પરના ચુંટણી પરિણામો પર નજર કરીએ તો જણાશે કે અત્યાર સુધીના ચુંટણી પરિણામોમાં મતદારોએ સતત કોઈપણ એક પક્ષને જીતાડયો નથી. જેમાં વર્ષ ૨૦૦૭ની વિધાનસભા ચુંટણીમાં ભાજપના જયનારાયણ વ્યાસે કોંગ્રેસના બળવંતસિંહ રાજપૂતને ૨૦૦૦ મતની સરસાઈથી હરાવીને ચુંટણી જીતી હતી. જયારે વર્ષે ૨૦૧૨માં નવા સીમાંકન બાદ આજ બેઠક પરથી કોંગ્રેસના બળવંતસિંહ રાજપૂતે ભાજપના જયનારાયણ વ્યાસને ૧૬ ટકા મતથી હરાવીને બેઠક જીતી હતી.

આ ઉપરાંત આ બેઠક પરના અન્ય પરિણામો પર નજર કરીએ તો જણાશે કે આ બેઠક પરથી વર્ષ ૧૯૬૨ અને ૧૯૮૦માં મુસ્લિમ ઉમેદવારોએ પણ કોંગ્રેસ પક્ષમાંથી જીત મેળવી છે. જેના ભાગરૂપે જ વર્ષ વર્ષ ૧૯૯૫માં કોંગ્રેસે વજીરખાન પઠાણને આ બેઠક પરથી મેદાનમાં ઉતાર્યા હતા. જો કે તે આ બેઠક જીતી શકયાં ન હતા.

પાટણ જીલ્લાની Sidhpur વિધાનસભા બેઠક પરના જાતીય ગણિતની વાત કરીએ ઠાકોર ૨૭.૦ ટકા, રાજપૂત ૪.૦ ટકા, મુસ્લિમ ૨૪.૦ ટકા , પાટીદાર ૯.૦ ટકા ચૌધરી ૧.૦ ટકા, દલિત ૧૧ ટકા, માલધારી ૬.૦ ટકા, બક્ષીપંચ ૮.૦ ટકા, સવર્ણ ૫.૦ અને અન્ય ૧૦.૦ ટકા મતદારો છે. એટલે કે આ બેઠક પર ઠાકોર અને મુસ્લિમ મતદારોના મતોનું પ્રભુત્વ વધારે જોવા મળે છે.
First published:

Tags: Gujarat Assembly Election, Gujarat assembly election 2017, Gujarat Assembly Polls, Gujarat assembly polls 2017, Gujarat Election 2017, Gujarat Polls, Gujarat Polls 2017, Gujarat Vidhan Sabha Chunav, Gujarat Vidhan Sabha Election, ગુજરાત ચૂંટણી, પાટણ

આગામી સમાચાર

विज्ञापन
विज्ञापन
विज्ञापन