Home /News /north-gujarat /

મહેસાણાઃ Tiktok વીડિયો બનાવનાર મહિલા પોલીસ કર્મચારીને ફરજ મુક્ત કરાયા

મહેસાણાઃ Tiktok વીડિયો બનાવનાર મહિલા પોલીસ કર્મચારીને ફરજ મુક્ત કરાયા

વાયરલ વીડિયોની તસવીર

પોલીસ સ્ટેશનમાં ડાન્સ કરી રહેલી આ મહિલા પોલીસ કર્મી મહેસાણાની હોવાની ચર્ચા છે. વાયરલ વીડિયોમાં મહિલા પોલીસ કર્મી પોલીસ સ્ટેશનમાં ખૂબ સારો ડાન્સ કરે છે,

    કેતન પટેલ , મહેસાણા : વીડિયો ડબિંગ મોબાઇલ એપ્લીકેશન ટીકટોકનો મહિલા પોલીસ કર્મીનો વીડિયો વાયરલ થયો છે. પોલીસ સ્ટેશનમાં ડાન્સ કરી રહેલી આ મહિલા પોલીસ કર્મી મહેસાણાની હોવાની ચર્ચા છે. વાયરલ વીડિયોમાં મહિલા પોલીસ કર્મી પોલીસ સ્ટેશનમાં ખૂબ સારો ડાન્સ કરે છે, જોકે, આ વીડિયો મહેસાણાનો છે કે નહીં તેની પુષ્ટી નથી થઈ પરંતુ સોશિયલ મીડિયામાં આ વીડિયો મહેસાણાના નામે વાયરલ થયો છે.

    આ અંગે ઉચ્ચે પોલીસ અધિકારીઓએ મહિલા એલઆરડીને ફરજ મૂક્ત કરાયા હતા. અલ્પિતા ચૌધરી નામની મહિલા પોલીસ લાંઘણજ પોલીસ મથકમાં ફરજ બજાવે છે.

    દરમિયાન વીડિયોની જાણ થતા મહેસાણાના dysp મંજીતા વણઝારાએ નિવેદન આપ્યું છે કે આ વીડિયો મહેસાણાનો છે કે નહીં તેની તપાસ કરવામાં આવશે જોકે, વણઝારાએ એમ પણ જણાવ્યું હતું કે વીડિયો ગમે ત્યાંનો હોય પરંતુ પોલીસને નોકરીમાં શિસ્ત જરૂરી છે. ટીકટોકમાં મહિલા પોલીસકર્મીના બે વીડિયો વાયરલ થયા છે.

    ઉલ્લેખનીય છે કે આ વીડિયોમાં પાછલ પોલીસ લોકઅપ દેખાતું હોવાથી તે પોલીસ સ્ટેશનનો હોવાની પુષ્ટી થઈ શકે છે પરંતુ મહિલા પોલીસ કર્મી કોણ છે તેની માહિતી મળી શકી નથી. ચાઇનીઝ મોબાઇલ એપ્લીકેશન ટીકટોક ભારતમાં ખૂબ જ લોકપ્રિય થઈ છે જે બેન કરી દેતા વિવાદમાં પણ સપડાઈ હતી.


    એક રિપોર્ટ મુજબ, TikTok એપને દુનિયાભરમાં લગભગ 100 કરોડથી વધુ વાર ડાઉનલોડ કરવામાં આવી છે. આપને જણાવી દઈએ કે આ કંપનીના અધિકાર ચીનની કંપની બાઇટડાન્સ (Bytedance)ની પાસે છે, જે દુનિયાની સૌથી વધુ વેલ્યૂવાળી સ્ટાર્ટઅપ કંપનીઓ પૈકીની એક છે.

    મદ્રાસ હાઈકોર્ટની મદુરૈ બેન્ચે 3 એપ્રિલે એક આદેશ જાહેર કરી સરકારને દેશમાં TikTokના ડાઉનલોડ પર પ્રતિબંધ લગાવવાનો નિર્દેશ આપ્યો હતો. આ આદેશ બાદ મામલો ગરમાયો હતો અને કંપનીએ સુપ્રીમ કોર્ટના દ્વાર ખટખટાવ્યા હતા બાદમાં 24મી એપ્રિલે ભારત સહિત દુનિયાના અનેક દેશમાં ખુબ જ લોકપ્રિય શોર્ટ વીડિયો એપ ટિકટોક પર લગાવેલો પ્રતિબંધ મદ્રાસ હાઇકોર્ટે હટાવી લેવાયો હતો.
    Published by:ankit patel
    First published:

    Tags: Duty, Tiktok, ગુજરાત, મહેસાણા, વાયરલ વીડિયો

    આગામી સમાચાર