ગુજરાતના રાજકારણમાં ખળભળાટ: 'હદ વટાવી' રહેલા એક પીઢ નેતાને યુવતીના પરિવારે ઠપકાર્યા

ગાંધીનગર: ગુજરાતના રાજકારણ (Gujarat politics)માં ખળભળાટ મચાવે તેવા એક સમાચાર પ્રાપ્ત થયા છે. રાષ્ટ્રીય કક્ષાના આ પીઢ નેતાના એક યુવતી સાથે સંબંધો (Love relation) આગળ વધતા યુવતીને પરિવારજનોએ આ પીઢ નેતાને ઠપકાર્યા હોવાની જાણકારી પ્રાપ્ત થઈ છે. યુવતી સાથે આ પીઢ નેતાના સંબંધથી પરિવાર (Family) ખૂબ ચિંતિત હતો. પરિવારને આ અંગેની જાણ થતા જ તેણે આ પીઢ નેતાને ઠપકાર્યા હોવાની માહિતી પ્રાપ્ત થઈ છે. આ સમાચાર વહેતા થતાં જ ગુજરાતના રાજકારણમાં જાણે કે ખળભળાટ મચી ગયો છે.

પરિવારે રોષ ઠાલવ્યો

મળતી માહિતી પ્રમાણે આ નેતા યુવતી સાથેના સંબંધોને કારણે પહેલા પણ ચર્ચામાં આવી ગયા છે. આ ઉપરાંત આ નેતાનો પારિવારક ઝઘડો પણ ભૂતકાળમાં સામે આવ્યો હતો. આ નેતા છેલ્લા થોડા દિવસોથી ચર્ચામાં રહ્યા છે. આ નેતા એક રાજકીય પાર્ટીના રાષ્ટ્રીય કક્ષાના નેતા છે. સંબંધો આગળ વધતા પરિવારે રોષ ઠાલવ્યો છે.

યુવતીના પરિવારે નેતાને ઠપકાર્યા

સામે આવેલી માહિતી પ્રમાણે આ નેતાના એક યુવતી સાથે સંબંધ આગળ વધી રહ્યા હતા. આ વાતની જાણ યુવતીના પરિવારને થઈ ગઈ હતી. આ વાતથી યુવતીનો પરિવાર ચિંતિત હતો. જે બાદમાં યુવતીના પરિવારે પોતાનો રોષ ઠાલવતા આ નેતાને ઠપકાર્યા હોવાની માહિતી મળી છે.

નેતાએ હદ વટાવી

મીડિયાના અહેવાલ પ્રમાણે એક પાર્ટીના રાષ્ટ્રીય નેતાએ હદ વટાવતા યુવતીના પરિવારે તેમને ઠપકાર્યા હતા. આ નેતાનું નામ હંમેશા વિખવાદમાં રહ્યું છે. નેતાએ સુધરવાનું નામ ન લેતા જ હવે યુવતીના પરિવારે તેમને ઠપકાર્યાં છે. કંઈક અણછાજતું બનવા જઈ રહ્યું હોવાની ગંધ યુવતીના પરિવારને આવી જતાં મામલો આ હદ સુધી પહોંચ્યો હતો.

હર્ષ સંઘવીની પ્રતિક્રિયા

આ મામલે ન્યૂઝ18 ગુજરાતી સાથેની વાતચીતમાં હર્ષ સંઘવીએ જણાવ્યું હતું કે, "વોટ્સએપ પર વાયરલ સમાચાર વાંચ્યા છે. આ પ્રકારની અધિકારિક માહિતી મારી પાસે નથી આવી. પોલીસ વિભાગ પાસે આવી કોઈ ફરિયાદ નથી આવી. આ અંગેની કોઈ ફરિયાદ આવશે તો મામલાની તપાસ કરીશું. રાજ્યના કોઈ પણ નાગરિકને ફરિયાદ કરવાનો હક્ક છે. આ પ્રકારની ફરિયાદ આવતી હોય છે ત્યારે અમે તપાસ કરતા હોઈએ છીએ. આ વ્યક્તિગત મામલો હોવાથી હું તેમાં રાજકીય રીતે પડવા માંગતો નથી."

ગુજરાતમાં રાજકીય ખળભળાટ મચાવે તેવા સમાચાર, એક રાજકીય પાર્ટીના રાષ્ટ્રીય કક્ષાના નેતાને એક યુવતીના પરિવારે ઠપકાર્યા

પીઢ વયના આ નેતાના યુવતી સાથે વધતા સંબંધોથી પરિવાર હતો ચિંતીત, પરિવારને જાણ થતા સંલગ્ન સ્થળે પહોંચી રોષ ઠાલવ્યો હતો pic.twitter.com/jRdrdZpM2l

— News18Gujarati (@News18Guj) March 28, 2022

વોટ્સએપ પર ફરતા થયા સમાચાર

આ સમાચાર હાલ સોશિયલ મીડિયામાં વાયરલ થઈ રહ્યા છે. વોટ્સએપ પર આ સમાચાર ફરી રહ્યા છે. ગૃહ રાજ્ય મંત્રી હર્ષ સંઘવીના જણાવ્યા પ્રમાણે આ કેસ નહીં પરંતુ આ પ્રકારની અન્ય કોઈ ફરિયાદ આવતી હોય છે ત્યારે અમે તપાસ કરતા હોઈએ છીએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર