‘જીવણદાદા’ તરીકે જાણીતા ભારતીય કિસાન સંઘના જીવણભાઈ પટેલનું નિધન

‘જીવણદાદા’ તરીકે જાણીતા જીવણભાઇ પટેલનું આજે નિધન થયું છે. જીવણભાઈ પટેલ ગુજરાતના ખેડૂતો પર સારી પકડ ધરાવતા હતા. જીવણભાઇ પટેલે આજે સવારે અમદાવાદમાં અંતિમ શ્વાસ લીધા હતા. તેમના નિધનના સમાચાર બાદ ગુજરાતનાં મુખ્યમંત્રી વિજય રૂપાણી, નાયબ મુખ્યમંત્રી નીતિન પટેલ તથા પ્રદેશ પ્રમુખ સી.આર પાટીલે ભાવભીની શ્રદ્ધાંજલિ આપી છે.

મુખ્યમંત્રી વિજય રૂપાણીએ જીવણભાઇ પટેલેને શ્રદ્ધાંજલિ આપતા જણાવ્યું કે, ગુજરાત રાજ્યમાં ખેડૂતોના તથા ખેતીના હિત માટે મજબૂત સંગઠનનો પાયો નાખનાર ભારતીય કિસાન સંઘના જીવણભાઈ પટેલ (જીવણ દાદા) ના દુઃખદ અવસાનથી શોકમગ્ન છું. પરમ કૃપાળુ પરમાત્મા તેમના દિવ્ય આત્માને સદ્ગતિ અર્પે તેમજ પરિવારને આ દુ:ખ સહન કરવાની શક્તિ બક્ષે એ જ પ્રભુ ચરણોમાં પ્રાર્થના. ૐ શાંતિ..

ગુજરાત રાજ્યમાં ખેડૂતોના તથા ખેતીના હિત માટે મજબૂત સંગઠનનો પાયો નાખનાર ભારતીય કિસાન સંઘના જીવણભાઈ પટેલ (જીવણ દાદા) ના દુઃખદ અવસાનથી શોકમગ્ન છું. પરમ કૃપાળુ પરમાત્મા તેમના દિવ્ય આત્માને સદ્ગતિ અર્પે તેમજ પરિવારને આ દુ:ખ સહન કરવાની શક્તિ બક્ષે એ જ પ્રભુ ચરણોમાં પ્રાર્થના. ૐ શાંતિ..

— Vijay Rupani (@vijayrupanibjp) January 9, 2021

નાયબ મુખ્યમંત્રી નીતિન પટેલે પણ શ્રદ્ધાંજલિ આપી છે.

pic.twitter.com/KplGh0I82I

— Nitin Patel (@Nitinbhai_Patel) January 9, 2021

ગુજરાત પ્રદેશ પ્રમુખ સી.આર પાટીલે પણ શ્રદ્ધાંજલિ આપી છે.

ખેડૂતો અને ખેતીનાં હિત માટે જે સતત કાર્યશીલ રહ્યા એવા ભારતીય કિસાન સંઘનાં વંદનીય જીવણભાઇ પટેલનાં દુખદ અવસાનનાં સમાચારથી વ્યથિત છું.
ઇશ્વર એમનાં દિવંગત આત્માને શાંતિ અર્પે અને પરિવારને આવી પડેલા દુખને સહન કરવાની શક્તિ અર્પે એવી પ્રાર્થના કરું છું. ઓમ શાંતિ.

— C R Paatil (@CRPaatil) January 9, 2021

નોંધનીય છે કે, ભાજપના પ્રદેશ પ્રમુખ સી.આર.પાટીલ જ્યારે નવા નિમાયા હતા ત્યારે તેઓ કિસાન સંઘની ઓફિસે ગયા હતા. પાટીલ ગાંધીનગરમાં કિસાન સંઘના કાર્યાલય બલરામ ભવન પહોંચી ગયા હતા અને ભવનમાં હાજર કિસાન સંઘના વરિષ્ઠ નેતા તથા ‘જીવણદાદા’ તરીકે જાણીતા જીવણભાઇ પટેલને ભેટી પડ્યા હતા અને તેમના આશીર્વાદ પણ લીધા હતા.