યોગી સરકાર બનાવશે બ્રિજ કોરિડોર, હેરિટેજ સિટીમાં જોવા મળશે કૃષ્ણની લીલા

નોઈડા : યોગી સરકાર હવે બ્રિજ કોરિડોર બનાવવા જઈ રહી છે. આ માટે યમુના ઓથોરિટીએ ડીપીઆર તૈયાર કર્યો છે. જ્યારે કોરિડોરના નિર્માણને કારણે બાંકે બિહારી મંદિરની અવરજવર પણ સરળ બની જશે, જેથી બનાવવામાં આવનાર હેરિટેજ સિટી દ્વાપર યુગની ઝલક આપશે. જેમાં ભગવાન શ્રી કૃષ્ણનની લીલા પ્રદર્શિત કરવામાં આવશે.

ગ્રીન ફીડ એક્સપ્રેસ વે બનાવવામાં આવશે

યમુના ઓથોરિટીના CEO અરુણ કુમાર સિંહે જણાવ્યું કે, ગ્રીન ફીડ એક્સપ્રેસ વે યમુના એક્સપ્રેસ વેના કિનારે બનાવવામાં આવશે. જેને સંપૂર્ણપણે ગ્રીનરીથી આવરી લેવામાં આવશે. જોકે, તેની બંને બાજુ કોઈ માળખું હશે નહીં. અને તે 6.8 કિલોમીટરનું હશે જે બાંકે બિહારી મંદિર સુધી જશે. આમાં, જ્યાં પહેલા યમુના એક્સપ્રેસ વેથી બાંકે બિહારી મંદિર પહોંચવામાં 30 મિનિટનો સમય લાગતો હતો, હવે આ અંતર 7 મિનિટમાં શક્ય બનશે.

આ હેરિટેજ સિટી ખાસ હશે

CEO અરુણ કુમાર સિંહે કહ્યું કે, કોરિડોર હેઠળ હેરિટેજ સિટી પણ બનાવવામાં આવશે. જોકે, તે તમામ ગામોને પુનર્જીવિત કરવામાં આવશે, જ્યાં ભગવાન શ્રી કૃષ્ણએ લીલા કરી હતી. એટલે કે, હેરિટેજ સિટીની અંદર ભક્તોને દ્વાપર યુગનો ભવ્ય નજારો જોવા મળશે. આ સાથે કોરિડોરમાં તમામ સુવિધાઓ વિકસાવવામાં આવશે, જે અહીં આવતા યાત્રિકોની કાળજી લેશે, ખાસ કરીને શ્રદ્ધાળુઓની ભીડ માટે પાર્કિંગની મોટી વ્યવસ્થા કરવામાં આવશે. આ ઉપરાંત હોટલ અને હોસ્પિટલો પણ બનાવવામાં આવશે.

આ પણ વાંચો : The Vial-India's Vaccine Story: કોરોના વાયરસને લઈને PM મોદીના મનમાં પહેલો વિચાર શું આવેલો? ખુદ PMએ કરી આ વાત...

31 માર્ચે સરકારમાં પ્રેઝન્ટેશન થશે

CEO અરુણ કુમારના જણાવ્યા અનુસાર, યમુના ઓથોરિટીનો વિસ્તાર યમુના નદીના એક છેડે છે, તેથી યમુના નદીના કિનારે રિવરફ્રન્ટ પણ વિકસાવવામાં આવશે. ડીપીઆરમાં પણ આનું આયોજન કરવામાં આવ્યું છે. આ પ્રોજેક્ટ લગભગ 7 હજાર કરોડ રૂપિયાનો છે. આ યોજનાનો DPR CBRE દક્ષિણ એશિયા દ્વારા તૈયાર કરવામાં આવ્યો છે. તેની રજૂઆત 31મી માર્ચે સરકાર સમક્ષ કરવામાં આવશે. ત્યાંથી મંજુરી મળ્યા બાદ કામમાં ઝડપ કરવામાં  આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cm yogi, Heritage city