મોતના મુખમાં પહોંચી ગઈ મહિલા, રેલવે પોલીસે બચાવ્યો જીવ, જુઓ જીવ સટોસટનો ભયાનક VIDEO

નવી દિલ્હી. નજર હટી, દુર્ઘટના ઘટી. ઘણીવાર આપણે આ પંચલાઈન ક્યાંક વાંચીએ છીએ પરંતુ ભાગ્યે જ કોઈ તેનું પાલન કરે છે. પછી ભલે તે રસ્તો ક્રોસ કરવાની વાત હોય કે ટ્રેનમાં ચઢવાની. આનો ભોગ ઘણી વખત મૃત્યુની કિંમત ચૂકવીને ચુકવવો પડે છે. પરંતુ ક્યારેક ભગવાનની કૃપા એવી થાય છે કે મૃત્યુના મુખમાં ગયા પછી પણ વ્યક્તિ જીવિત રહે છે અને તેને બચાવવા માટે કોઈ દેવદૂત તેની સામે આવી ઉભો રહે છે. આવી જ એક ઘટના રેલવે સ્ટેશન પર બની હતી.

જ્યાં એક મહિલા ચાલતી ટ્રેનમાં ચઢવાનો પ્રયાસ કરી રહી છે. આ દરમિયાન અચાનક મહિલાનો પગ ટ્રેનની સીડી પરથી લપસી જાય છે અને મહિલા તેમાં ફસાવા લાગે છે. એટલે કે, તે મૃત્યુના મુખમાં જતી રહે છે. એટલામાં જ નજીકમાં એક રેલ્વે પોલીસ દેવદૂત બનીને આવે છે અને પોતાની જવાબદારી નિભાવીને મહિલાને મોતના મુખમાંથી બચાવી લે છે. આ સમગ્ર ઘટનાનો વીડિયો હવે વાયરલ થયો છે, જેને ખુદ રેલવે મંત્રાલયે જાહેર કર્યો છે.

અકસ્માત કેવી રીતે થયો

આ ઘટનાનો વીડિયો જાહેર કરતા રેલવે મંત્રાલયે કહ્યું છે કે, આ મામલો છત્તીસગઢના રાયપુર સ્ટેશનનો છે. જેમાં ચાલતી ટ્રેનમાં ચડતી વખતે એક મહિલા અચાનક પડી જાય છે. પરંતુ ફરજ પરના આરપીએફ કર્મચારીની તત્પરતાથી મહિલાનો જીવ બચી ગયો.

रेल कर्मचारी की सतर्कता और तत्परता से बची यात्री की जान!

छत्तीसगढ़ के रायपुर स्टेशन पर चलती ट्रेन में चढ़ने के दौरान एक महिला अचानक नीचे गिर गई। ड्यूटी पर तैनात आरपीएफ कर्मचारी ने तत्परता से उसकी जान बचाई।

चलती हुई ट्रेन में ना चढ़ें/उतरें, यह जानलेवा हो सकता है। pic.twitter.com/1Aq2hxZNTp

— Ministry of Railways (@RailMinIndia) May 31, 2022

વીડિયોમાં જોવા મળે છે કે, ટ્રેનના દરવાજા ખુલ્યા બાદ મહિલા ટ્રેનમાં ચઢવા માટે દોડે છે. તે ડબ્બાની સીડી પર પણ પગ મૂકે છે પરંતુ અચાનક તે પોતાનું સંતુલન ગુમાવી બેસે છે અને પડવા લાગે છે. વીડિયોમાં જોઈ શકાય છે કે, રેલવે પોલીસ મહિલા તરફ ખૂબ જ ઝડપથી દોડે છે. આ RPF જવાન ઝડપથી મહિલાને પકડી લે છે અને તેને ઉપર ખેંચી લે છે.

આ પણ વાંચો - IRCTC: 35 રૂપિયા માટે 5 વર્ષ સુધી ચાલી લડાઈ, હવે રેલ્વેએ ચૂકવવા પડશે 2.5 કરોડ રૂપિયા, આખો મામલો છે રસપ્રદ

વીડિયો ઝડપથી વાયરલ થઈ રહ્યો છે

આ સમગ્ર ઘટના સ્ટેશન પર લાગેલા સીસીટીવીમાં કેદ થઈ ગઈ હતી. રેલ્વે મંત્રાલયે સીસીટીવી ફૂટેજ ટ્વીટ કરીને આ ઘટના વિશે જણાવ્યું છે. સાથે જ કહેવામાં આવ્યું છે કે, ચાલતી ટ્રેનમાં ચઢવાનો પ્રયાસ ન કરો કારણ કે તે જીવલેણ બની શકે છે. રેલવે દ્વારા જાહેર કરવામાં આવેલો આ વીડિયો ઝડપથી વાયરલ થઈ રહ્યો છે અને તેને અત્યાર સુધીમાં 20000થી વધુ વખત જોવામાં આવ્યો છે, જ્યારે 400થી વધુ લોકોએ તેને લાઈક કર્યો છે. આ સિવાય અનેક લોકોએ કોમેન્ટ કરીને પોલીસના વખાણ કર્યા છે. એક યુઝરે લખ્યું છે કે, અભિનંદન આરપીએફ ટીમ. આવી ઘટનાને ટાળવા માટે પ્લેટફોર્મનું સ્તર વધારી શકાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Chhatisgarh, Indian railways, Train accident, ભારતીય રેલવે, રેલવે સ્ટેશન