Home /News /national-international /

શું તમામ રાજ્યોમાં કોવિડ પ્રતિબંધો હટાવવામાં આવશે? કેન્દ્રએ પત્ર લખીને સૂચનાઓ આપી

શું તમામ રાજ્યોમાં કોવિડ પ્રતિબંધો હટાવવામાં આવશે? કેન્દ્રએ પત્ર લખીને સૂચનાઓ આપી

કેન્દ્રીય આરોગ્ય સચિવ રાજેશ ભૂષણે તમામ રાજ્યો/કેન્દ્રશાસિત પ્રદેશોને કોવિડ પ્રોટોકોલની સમીક્ષા કરવા સૂચના આપી છે.

Coronavirus in India: ભારતમાં કોરોના વાયરસ (Coronavirus in India)નો પ્રકોપ ધીમે ધીમે ઓછો થતો જોવા મળી રહ્યો છે. દરરોજ નોંધાયેલા નવા કેસોમાં ઘટાડો જોવા મળી રહ્યો છે.

    ભારતમાં કોરોના વાયરસ (Coronavirus in India)નો પ્રકોપ ધીમે ધીમે ઓછો થતો જોવા મળી રહ્યો છે. દરરોજ નોંધાયેલા નવા કેસોમાં ઘટાડો જોવા મળી રહ્યો છે. આ ઘટાડાને જાળવી રાખવા માટે કેન્દ્ર ખંતપૂર્વક કામ કરી રહ્યું છે. કેન્દ્રીય આરોગ્ય સચિવ રાજેશ ભૂષણે (Rajesh Bhushan) તમામ રાજ્યો/કેન્દ્રશાસિત પ્રદેશોને કોવિડ પ્રોટોકોલ (Covid Protocols)ની સમીક્ષા કરવા સૂચના આપી છે. પોતાના પત્રમાં ભૂષણે કોવિડ-19ના વધારાના નિયંત્રણોની (Covid Restrictions) સમીક્ષા કરવા અને તેમાં સુધારો કરવા અથવા તેને દૂર કરવા કહ્યું છે કારણ કે દેશમાં રોગચાળો સતત ઘટતો નજર આવી રહ્યો છે.

    ભૂષણે તેમના પત્રમાં કહ્યું કે રાજ્યો/કેન્દ્રશાસિત પ્રદેશોએ પણ કેસોમાં ઘટાડા અને સંક્રમણના ફેલાવાના સ્તર પર દૈનિક ધોરણે દેખરેખ રાખવાનું ચાલુ રાખવું જોઈએ. તેમણે કહ્યું કે તેઓ મહામારીને કાબૂમાં લેવા માટે પાંચ પાયાવાળી વ્યૂહરચના પણ બનાવી શકે છે. જેમાં કોવિડના ટેસ્ટ-ટ્રેક-ટ્રીટ-રસીકરણ અને યોગ્ય વર્તનનું પાલન કરવામાં આવે છે.

    બુધવારે દેશમાં 30,615 નવા કેસ નોંધાયા

    ભારતમાં કોવિડ-19ના 30,615 નવા કેસના નોંધાવાની સાથે કોરોના વાયરસના સક્રમણના કુલ કેસોની સંખ્યા વધીને 4,27,23,558 થઈ ગઈ છે, જ્યારે સારવાર હેઠળના કેસોની સંખ્યા ઘટીને 3,70,240 થઈ ગઈ છે.

    આ પણ વાંચો- ગાંધીના ગુજરાતમાં ગોડસેને હીરો ચીતરવાનો પ્રયાસ? જાણો શું કહી રહ્યા છે ગાંધીવાદીઓ

    બુધવારે કેન્દ્રીય સ્વાસ્થ્ય મંત્રાલયના આંકડા અનુસાર વધુ 514 દર્દીઓના મોતના કારણે મૃત્યુઆંક વધીને 5,09,872 થઈ ગયો છે. સતત 10મા દિવસે કોવિડ-19ના દૈનિક કેસોની સંખ્યા એક લાખથી ઓછી નોંધાઈ છે.

    આરોગ્ય મંત્રાલયના જણાવ્યા અનુસાર સારવાર હેઠળના દર્દીઓની સંખ્યા સંક્રમણના કુલ કેસના 0.87 ટકા છે, જ્યારે કોવિડ-19માંથી સાજા થવાનો રાષ્ટ્રીય દર વધીને 97.94 ટકા થઈ ગયો છે. છેલ્લા 24 કલાકમાં કોવિડ-19ના સારવાર હેઠળના કેસોની સંખ્યામાં 52,887 કેસનો ઘટાડો નોંધાયો છે.

    દેશમાં પોઝિટિવિટી દર 2.45% થયો

    મંત્રાલયના ડેટા અનુસાર દેશમાં દૈનિક સંક્રમણ દર 2.45 ટકા છે અને સાપ્તાહિક સંક્રમણનો દર 3.32 ટકા છે. આ સંક્રામક રોગમાંથી સાજા થનારા લોકોની સંખ્યા વધીને 4,18,43,446 થઈ ગઈ છે. સંક્રમણના કારણે મૃત્યુ દર 1.19 ટકા નોંધાયો છે. દેશવ્યાપી કોવિડ-19 વિરોધી રસીકરણ અભિયાન હેઠળ અત્યાર સુધીમાં 173.86 કરોડથી વધુ ડોઝ આપવામાં આવ્યા છે.

    આ પણ વાંચો- Kishan bharwad murder case: માસ્ટર માઈન્ડ મૌલવી કમરગની ઉસ્માનીને કોર્ટમાં કરાયો રજૂ

    આંકડાઓ અનુસાર દેશમાં મૃત્યુ પામેલા વધુ 514 દર્દીઓમાંથી 304 દર્દીઓ કેરળના હતા, જ્યારે મહારાષ્ટ્રમાં 35 દર્દીઓના મોત થયા હતા.

    આંકડાઓ અનુસાર દેશમાં અત્યાર સુધીમાં કુલ 5,09,872 લોકો સંક્રમણને કારણે મૃત્યુ પામ્યા છે, જેમાંથી મહારાષ્ટ્રમાં 1,43,451, કેરળમાં 62,681, કર્ણાટકમાં 39,691, તમિલનાડુમાં 37,946, દિલ્હીમાં 26,081, 23,404 ઉત્તર પ્રદેશ અને પશ્ચિમ બંગાળમાં આમાં 21,061 લોકોના મોત થયા છે.

    આ પણ વાંચો- Telangana: ફિલ્મ જોવા માટે માતા-પિતાએ 300 રૂપિયા ન આપ્યા, 11 વર્ષના બાળકે કરી આત્મહત્યા

    સ્વાસ્થ્ય મંત્રાલયે કહ્યું કે અત્યાર સુધી કોરોના વાયરસના સંક્રમણના કારણે મૃત્યુ પામેલા લોકોમાંથી 70 ટકાથી વધુ દર્દીઓને અન્ય બીમારીઓ પણ હતી. મંત્રાલયે તેની વેબસાઈટ પર કહ્યું કે તેના આંકડા ઈન્ડિયન કાઉન્સિલ ઓફ મેડિકલ રિસર્ચ (ICMR)ના ડેટા સાથે મેચ કરવામાં આવી રહ્યા છે.
    Published by:rakesh parmar
    First published:

    Tags: Corona Case Update, Coronavirus Case in India, Coronavirus in India

    विज्ञापन

    विज्ञापन

    આગામી સમાચાર

    विज्ञापन
    विज्ञापन