Home /News /national-international /Women's Suicide Case: પત્નીનો ગળેફાંસો ખાઈ આપઘાત; પતિએ વીડિયો ઉતાર્યો પણ બચાવી નહીં

Women's Suicide Case: પત્નીનો ગળેફાંસો ખાઈ આપઘાત; પતિએ વીડિયો ઉતાર્યો પણ બચાવી નહીં

પત્ની ફાંસો બનાવતી હતી ત્યારે પતિ વીડિયો ઉતારતો રહ્યો હતો - ફાઇલ તસવીર

Women's suicide case: રવિ બારીમાંથી પત્નિને ફાંસો બનાવતા જોઈ રહ્યો હતો. આ સમયે તે મોબાઈલથી વીડિયો ઉતારી રહ્યો હતો. પોલીસને ફોન પણ કરી રહ્યો હતો. પણ તેણે દરવાજો ખોલવાનો પ્રયાસ ન કર્યો. જ્યારે પોલીસ પહોંચી તો પોતાના બચાવમાં વીડિયો બતાવવા લાગ્યો હતો.

વધુ જુઓ ...
    આગ્રાઃ આગ્રાના થાણા તાજગંજ વિસ્તારના બુંઢેરા ગામમાં રવિવારે સાંજે મહિલાએ બંધ રૂમમાં ગળેફાંસો ખાઈ લીધો હતો. આ ઘટનાની જાણ થતાં જ પોલીસ ઘટનાસ્થળે પહોંચી હતી અને મૃતદેહને પોસ્ટમોર્ટમ માટે ખસેડ્યો હતો. પરિવારજનોનો આરોપ છે કે, રૂમની બહાર પતિ ઊભો હતો. પરંતુ તેણે બચાવવા માટે પ્રયાસ ના કર્યો. તે મોબાઈલથી વીડિયો બનાવી રહ્યો હતો. જો કે પિયર પક્ષે પોલીસને કોઈ પણ ફરિયાદ કરી નથી.

    પુત્રનો ફોન આવ્યો કે, ‘મમ્મી ફાંસી પર લટકી ગઈ’


    ફિરાવલીના સહાઈ ગામના નિવાસી રમેશભાઈ રેલવેમાંથી નિવૃત થયા છે. તેમણે જણાવ્યુ કે, પુત્રી રજનીના (32 વર્ષ) લગ્ન 2011માં બુઢેરા ગામના નિવાસી રવિ સાથે કરવામાં આવ્યા હતા. રવિ એક હોસ્પિટલમાં કમ્પાઉન્ડરની નોકરી કરતો હતો. રજની અને રવિને સાત વર્ષનો લક્ષ્ય અને પાંચ વર્ષની પિન્કુ એમ બે પુત્ર હતાં. રવિવાર સાંજે લક્ષ્યનો ફોન આવ્યો હતો. તેણે જણાવ્યું કે, મમ્મી ફાંસી પર લટકી ગઈ છે. ત્યારબાદ તેઓ પુત્રીના સાસરે પહોંચ્યાં હતા. ત્યાં પોલીસ પણ હાજર હતી અને મૃતદેહ ઉતારી લેવાયો હતો.

    આ પણ વાંચોઃ માતાને ગળું દબાવ્યા બાદ પુત્રની પણ આત્મહત્યા

    પતિએ દરવાજો ખોલવાનો પ્રયાસ ન કર્યો


    આ ઉપરાંત યુવતીના પરિવારજનોએ આક્ષેપ કર્યો છે કે, રવિ રજનીને દરરોજ માર મારતો હતો. તેને કેટલીય વખત સમજાવ્યો પરંતુ તે ન માન્યો. જ્યારે રજની આત્મહત્યા કરતી હતી ત્યારે બાળકો ત્યાં જ હતા. તેમણે રૂમ બંધ જોઈ પિતાને બોલાવ્યા. રવિ આવ્યો પણ તેણે દરવાજો ન ખોલ્યો

    પતિએ ફાંસો ખાતી પત્નીનો વીડિયો ઉતાર્યો


    રવિ બારીમાંથી પત્નીને ફાંસો બનાવતા જોઈ રહ્યો હતો. આ સમયે તે મોબાઈલથી વીડિયો ઉતારી રહ્યો હતો. પોલીસને ફોન પણ કરી રહ્યો હતો. પણ તેણે દરવાજો ખોલવાનો પ્રયાસ ન કર્યો. જ્યારે પોલીસ પહોંચી તો પોતાના બચાવમાં વીડિયો બતાવવા લાગ્યો હતો. જાણકારી મળ્યા બાદ પહોંચેલી પોલીસ રૂમનો દરવાજો તોડીને અંદર પહોંચી હતી. ત્યારસુધી રજનીની મોત થઈ ચૂકી હતી. પોલીસે મૃતદેહને નીચે ઉતારી પોસ્ટમોર્ટમ માટે મોકલી આપ્યો હતો.

    આ પણ વાંચોઃ BJP નેતાના પુત્ર અને દીકરીની આત્મહત્યા

    મહિલાએ ઘરના ઝઘડામાં આત્મહત્યા કરી


    તાજગંજ પોલીસ સ્ટેશનના પ્રભારી નિરીક્ષક ભૂપેન્દ્ર કુમારે જણાવ્યું હતુ કે, મહિલાએ ઘરકંકાસમાં આત્મહત્યા કરી છે. પરંતુ પરિવારજનોએ ફરિયાદ કરી નથી. મહિલાના ફાંસી ખાતા સમયના વીડિયો અને ફોટા મળ્યાં છે. આ પતિ દ્વારા મોબાઈલથી લેવામાં આવ્યા હોવાની વાત કહેવામાં આવી છે. પોલીસ આ મુદ્દે તપાસ કરી રહી છે.
    Published by:Vivek Chudasma
    First published:

    Tags: Agra, Hanging, Wife Suicide

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन