WHO ચીફે કહ્યુ- કોરોના ક્યાંથી આવ્યો તે જાણવું ખૂબ જરૂરી, વુહાન જઈને તપાસ કરાશે

WHO ચીફે કહ્યુ- કોરોના ક્યાંથી આવ્યો તે જાણવું ખૂબ જરૂરી, વુહાન જઈને તપાસ કરાશે
WHOના ચીફ ટેડ્રોસે કહ્યુ કે, કોરોનાના સોર્સને જાણવા માટે ચીનના વુહાનથી સ્ટડીનો પ્રારંભ કરવામાં આવશે

WHOના ચીફ ટેડ્રોસે કહ્યુ કે, કોરોનાના સોર્સને જાણવા માટે ચીનના વુહાનથી સ્ટડીનો પ્રારંભ કરવામાં આવશે

  • Share this:
    લંડનઃ વર્લ્ડ હેલ્થ ઓર્ગેનાઇઝેશન (WHO)ના ડાયરેક્ટર જનરલ ટેડ્રોસ ઘેબ્રેયસસ (Tedros Adhanom Ghebreyesus)નું કહેવું છે કે કોરોના વાયરસ (Coronavirus) ક્યાંથી આવ્યો, તે જાણવું જરૂરી છે. આ વિશે WHOનું વલણ બિલકુલ સ્પષ્ટ છે. આવું કરીને અમે ભવિષ્યમાં ઊભી થનારી આ પ્રકારની સમસ્યાઓને રોકવામાં મદદ કરી શકીએ છીએ. બીજી તરફ સારા સમાચાર એ છે કે અમેરિકાની દવા કંપની મોડર્ના (Moderna) પોતાની કોરોના વેક્સીનના ઇમરજન્સી ઉપયોગની મંજૂરી માટે અમેરિકા અને યૂરોપિયન રેગ્યૂલેટર્સને અપ્લાય કરશે. વેક્સીનના અંતિમ ચરણના ટ્રાયલ બાદ કંપનીએ દાવો કર્યો કે તે કોરોનાથી લડવામાં 94 ટકા કારગર છે.

    ટ્રેડોસે કહ્યું કે, અમે તેના સોર્સને જાણવા માટેના તમામ પ્રયાસ કરી રહ્યા છીએ. તેના માટે ચીનના વુહાનથી સ્ટડી શરૂ કરવામાં આવશે. જાણવાનો પ્રયાસ કરીશું કે ત્યાં શું થયું હતું. આ ઉપરાંત જોવામાં આવશે કે કોઈ નિષ્કર્મ પર પહોંચવા માટે બીજા રસ્તા શું છે. કોરોનાથી સૌથી વધુ મોત હવે યૂરોપમાં થઈ રહ્યા છે. અહીં દરરોજ 3-4 હજાર લોકોના કોરોના સંક્રમણથી મોત થઈ રહ્યા છે. અહીં ઈટલી, પોલેન્ડ, રશિયા, યૂકે, ફ્રાન્સ સહિત 10 દેશ એવા છે જ્યાં દરરોજ 100થી 700 લોકો જીવ ગુમાવી રહ્યા છે.



    આ પણ વાંચો, 1 ડિસેમ્બરથી થવાના છે આ 5 મોટા ફેરફાર, ATMથી નાણા ઉપાડવા અને ટ્રાન્સફર કરવા થશે સરળ

    યૂરોપના 48 દેશોમાં અત્યાર સુધી સંક્રમણથી 3.86 લાખ લોકોનાં મોત થયા છે. દરરોજ થનારા મોતના બીજા નંબર પર ઉત્તર અમેરિકા અને ત્રીજા પર એશિયા છે. ઉત્તર અમેરિકામાં દરરોજ 1500થી 2000 દર્દીના મોત થઈ રહ્યા છે. બીજી તરફ એશિયામાં દરરોજ 1400થી 1800 લોકો જીવ ગુમાવી રહ્યા છે.

    આ પણ વાંચો, સ્વાસ્થ્ય મંત્રીએ અમિતાભ બચ્ચનને આપ્યો ઇન્ટરવ્યૂ, જણાવ્યું આ લોકોને પહેલા મળશે કોરોના વેક્સીન

    અમેરિકામાં સ્થિતિ બગડવાની ચેતવણી

    અમેરિકાની નેશનલ ઇન્સ્ટિટ્યૂટ ઓફ એલર્જી એન્ડ ઇન્ફેક્શિયસ ડિસીઝના ડાયરેક્ટર ડૉ. એન્થની ફોસીએ સતત બીજી લહેર આવવાની ચેતવણી આપી છે. અમેરિકામાં હાલ સૌથી વધુ 50 લાખ એક્ટિવ કેસ છે. બીજી તરફ ફ્રાન્સમાં આવા દર્દીઓની સંખ્યા 20 લાખ, ઈટલીમાં 7.94 લાખ, બ્રાઝીલમાં 5.63 લાખ એક્ટિવ કેસ છે. ભારતમાં આવા દર્દીઓની સંખ્યા 4.46 લાખ છે. દુનિયામાં અત્યાર સુધી કોરોનાના 6 કરોડ 31 લાખ 883 કેસ સામે આવી ચૂક્યા છે. 14 લાખ 66 હજાર 27 લોકોના મોત થઈ ચૂક્યા છે.
    Published by:Mrunal Bhojak
    First published:December 01, 2020, 08:56 am