કોરોનાના નવા વેરિયન્ટ સામે બુસ્ટર ડોઝ અંગે કંઈ કહેવું ઉતાવળ ગણાશે- WHOના ટોચના વૈજ્ઞાનિક

નવી દિલ્હી. વિશ્વના લગભગ તમામ દેશોમાં હાલ કોરોના વાયરસ (Coronavirus)થી લોકોને બચાવવા રસીકરણ (Covid Vaccination) ચાલી રહ્યું છે. આ સાથે કેટલાક દેશો અને કેટલીક ફાર્મા કંપનીઓ કોરોના વાયરસના વધુ ચેપી પ્રકાર(કોવિડ-19) પર હુમલો કરવા માટે રસીનો બૂસ્ટર ડોઝ (Corona Vaccine Booster Shot) તૈયાર કરી રહી છે. ત્યારે આરોગ્ય નિષ્ણાંતોના મતે આ બૂસ્ટર ડોઝની જરૂરિયાત અંગે કંઈપણ કહેવું ખૂબ જ વહેલું છે. સાથે જ વિશ્વભરના વૈજ્ઞાનિકો પણ મિશ્ર રસી પર વિચારણા કરી રહ્યા છે.

મીડિયા રિપોર્ટ અનુસાર, વર્લ્ડ હેલ્થ ઓર્ગેનાઇઝેશન(WHO)ના ચીફ સાયન્ટિસ્ટ સૌમ્યા સ્વામિનાથન (Soumya Swaminathan) કહે છે કે, 'અમારી પાસે એવી કોઈ માહિતી નથી કે જે સૂચવે છે કે કોરોના રસીનો બૂસ્ટર ડોઝ જરૂરી છે કે નહીં. વિજ્ઞાન ક્ષેત્ર હજી વિકસિત થઇ રહ્યું છે.

સ્વામિનાથને કહ્યું કે આવી વાટાઘાટો જરૂરિયાત પૂર્વે કરવામાં આવી છે. જ્યારે વિશ્વના મોટા ભાગના વિસ્તારોમાં વધુ સંવેદનશીલ વ્યક્તિઓએ રસીકરણનો પોતાનો પ્રથમ કોર્સ હજી સુધી પૂર્ણ નથી કર્યો.

આ પણ વાંચો, COVID-19 Vaccination Policy: આજથી 18 વર્ષથી વધુ લોકોને Free Vaccine, જાણો નવી નીતિ વિષે બધી જ ડીટેલ

શિયાળામાં કોરોનાના કેસમાં ઘટાડો થાય તે માટે બ્રિટનમાં કોરોના રસીનો બૂસ્ટર ડોઝ શરૂ કરવામાં આવે તેવી સંભાવના છે. આરોગ્ય સચિવ મેટ હેનકોકે ગત મહિને કહ્યું હતું કે વિશ્વના પ્રથમ બૂસ્ટર અધ્યયન અંતર્ગત ઇંગ્લેન્ડના વોલન્ટિયર્સ પર સાત જુદી-જુદી રસીઓનું પરીક્ષણ કરવામાં આવ્યું છે.

આ પણ વાંચો, Sarkari Naukri: સીઆરપીએફમાં આસિસ્ટન્ટ કમાન્ડન્ટની વેકન્સી, એક લાખથી વધુ છે પગાર

સાથે જ સૌમ્યા સ્વામિનાથને પણ મિક્સ વેક્સિન ડોઝ પર ચર્ચા કરી છે. તેઓ કહે છે કે એવું લાગે છે કે મિક્સ રસીનો ડોઝ કોરોના વેરિએન્ટ સામે વધુ અસરકારક સાબિત થશે. તેમણે કહ્યું કે, 'મિક્સ વેક્સીન ડોઝ એવા દેશો માટે વધુ સારું પગલું હશે, જેમણે પોતાના મોટાભાગના નાગરિકોને રસીનો પ્રથમ ડોઝ આપી દીધો છે અને બીજા ડોઝની તૈયારી કરી રહ્યા છે.'

મીડિયા રિપોર્ટ્સ મુજબ, બ્રિટન, સ્પેન અને જર્મની પાસેથી મળેલા ડેટા અનુસાર આ 'મિક્સ એન્ડ મેચ' પદ્ધતિના ડોઝ બાદ લોકોમાં વધુ દુખાવો, તાવ અને સામાન્ય સાઈડ ઇફેક્ટ જોવા મળી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Corona Vaccination, Coronavirus, COVID-19, Pandemic, Who