ખભા પર સ્વિગી બેગ સાથે વાયરલ બુરખાવાળી મહિલા કોણ છે? જાણો રિઝવાનાની કહાણી

લખનઉની શેરીમાં બુરખો પહેરેલી એક મહિલા પોતાના ખભા પર સ્વિગી બેગ લઈને જતી જોવા મળે છે. જ્યારે આ મહિલાની તસવીર વાયરલ થઈ તો લોકો પૂછવા લાગ્યા કે, બુરખાવાળી મહિલા કોણ છે? ત્યારે મીડિયને મળેલી આ બુરખાવાળી મહિલાનું નામ રિઝવાના છે, જે લખનઉના ચોક વિસ્તારમાં રહે છે. આવો જાણીએ શું છે ફેરીવાળી રિઝવાનાની કહાણી...

રિઝવાના ચોકની જનતા નગરીની સાંકડી ગલીમાં 16 બાય 8ના રૂમમાં રહે છે. આ જ રૂમમાં જ શૌચાલય છે. રિઝવાના અને તેના બાળકો રૂમને બંધ કરીને સ્નાન કરે છે. કપડાં સુકવવા માટે પણ જગ્યા નથી. તેઓ રૂમની અંદર એક દોરડું બાંધે છે અને તેના પર કપડા સૂકવે છે. આ સિવાય રસોડું પણ આ જ રૂમમાં બનેલું છે.

આ પણ વાંચો: -4 ડિગ્રી તાપમાન, માઉન્ટ આબુમાં જામી ગયું પાણી, હાડકાં થીજી જશે, તસવીરો જોતાં જ ઠંડી લાગી જશે

રિઝવાના દરરોજ 25 કિલોમીટર ચાલે છે

રિઝવાનાએ તેના સંઘર્ષની કહાણી પોતાના શબ્દોમાં કહી કે, કડકડતી ઠંડીમાં તે પોતાની સ્વિગી બેગ સાથે સવારે 8 વાગે કામ માટે નીકળી જાય છે, તે દરરોજ લગભગ 25 કિલોમીટરનો પ્રવાસ કરે છે અને વરસાદની મોસમમાં પણ તે પગપાળા જ નીકળે છે, હાથમાં માત્ર છત્રી હોય છે.

સ્વિગી કંપનીની બેગ 50 રૂપિયામાં ખરીદી હતી

રિઝવાના જણાવે છે કે, તેણે પોતાની પાસેની સ્વિગી કંપનીની બેગ દાલીગંજના એક વ્યક્તિ પાસેથી રૂ. 50માં ખરીદી હતી જેથી તે તેની તમામ વેચાણ વસ્તુઓ તેમાં રાખી શકે. રિઝવાના કહે છે કે, તે સ્વિગી કંપનીમાં કામ કરતી નથી, પરંતુ પ્લાસ્ટિકના ચમચી, પ્લેટ, ફોઈલ્સ, ચાના કપ જેવા ડિસ્પોઝેબલ વેચે છે.

આ પણ વાંચો: ચેન્નાઈ એરપોર્ટ પર બિનવારસી બેગમાંથી મળ્યા દુર્લભ જીવો! એક સાપની કિંમત રૂ. 25 કરોડ

રિઝવાના 5 થી 6 હજાર રૂપિયા કમાય

રિઝવાનાએ વધુમાં જણાવ્યું કે, હોકિંગ સિવાય તે એક ઘરમાં રસોઈયા તરીકે પણ કામ કરે છે, જ્યાંથી તેને 3000 રૂપિયા મળે છે, તેની કુલ માસિક આવક 5 થી 6 હજાર રૂપિયા છે, પરંતુ તેનું ઘર આ માટે સક્ષમ નથી. આ નાની આવકથી તેનું ઘર નથી ચાલી રહ્યું, કારણ કે ઘરમાં તેની સાથે 4 લોકો છે, બે દીકરીઓ અને એક નાનો દીકરો.

પતિ ત્રણ વર્ષથી ગુમ

રિઝવાનાની એક મોટી દીકરી પરણિત છે. રિઝવાનાએ વધુમાં જણાવ્યું કે, તેનો પતિ છેલ્લા 3 વર્ષથી ગુમ છે, તેને શોધવાના ઘણા પ્રયત્નો કરવામાં આવ્યા પરંતુ તે મળી શક્યો નહીં, તે રિક્ષા ખેંચતો હતો. રિઝવાના હંમેશા આશા રાખે છે કે, કોઈ દિવસ તેનો પતિ પાછો આવશે અને બધું સારું થઈ જશે.

રિઝવાનાના કહેવા પ્રમાણે, તેના પતિની માનસિક સ્થિતિ થોડી અસ્વસ્થ હતી, હાલમાં તે બીજાના ઘરે ભોજન બનાવીને અને ફેરિયાઓ કરીને પોતાનું ગુજરાન ચલાવી રહી છે જેથી સાંજે તેનો ચૂલો ચાલી શકે અને તે પોતાનું તેમજ તેના બાળકોનું ધ્યાન રાખી શકે.

સરકાર પાસે મકાનની માંગ

રિઝવાનાએ સરકાર પાસે માંગણી કરી છે કે, જો સરકાર તેને રહેવા માટે ઘર આપે તો તે સૂકી ચટણી રોટલી ખાઈને અને પોતાનું કામ કરીને જીવી જશે, પરંતુ તેને ઘર જોઈએ છે. રિઝવાનાએ એ પણ જણાવ્યું કે આસપાસના લોકો તેની મહેનતની પ્રશંસા કરે છે કે તેણે કોઈની સામે હાથ નથી ફેલાવ્યો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Burqa, Interesting News, Viral videos