UP Election 2022: મુલાયમ સિંહ યાદવ પ્રચારમાં ઉતર્યા, અમિત શાહે અખિલેશ યાદવ પર કર્યો પ્રહાર

યુપી વિધાનસભા ચૂંટણી (UP Election)માં કરહાલ વિધાનસભા બેઠક (Karhal Assembly Seat)નો રાજકીય જંગ રસપ્રદ બની રહ્યો છે. ગુરુવારે સમાજવાદી પાર્ટીના વડા મુલાયમ સિંહ યાદવે (Mulayam Singh Yadav) કરહાલમાં તેમના પુત્ર અખિલેશ યાદવ (Akhilesh Yadav) માટે પ્રચાર કર્યો હતો, તો બીજી તરફ કેન્દ્રીય ગૃહ પ્રધાન અમિત શાહે (Amit Shah) કરહાલથી ભાજપના ઉમેદવાર માટે પ્રચાર કર્યો હતો અને તેમને એસપી સિંહ બઘેલ (SP Singh Baghel) માટે વોટ માંગ્યા હતા. કરહાલ સીટ પર અખિલેશ યાદવ માટે મુલાયમ સિંહનો વોટ માંગવા પર અમિત શાહે કટાક્ષ કર્યો અને કહ્યું કે આટલી ઉંમરમાં પણ નેતાજીને ચૂંટણી પ્રચારમાં ઉતારવામાં આવ્યા હતા.

મૈનપુરીની કરહાલ વિધાનસભા સીટ પર અખિલેશ માટે મુલાયમ સિંહ યાદવના ચૂંટણી પ્રચાર પર કટાક્ષ કરતા અમિત શાહે કહ્યું, "હું ટીવી પર જોઈ રહ્યો હતો, અખિલેશે કહ્યું હતું કે તેઓ ઉમેદવારી પત્ર ભર્યા પછી 10 માર્ચે આવશે." તે છઠ્ઠા દિવસે મેદાનમાં આવ્યા અને આ કઠોર તડકામાં આટલી ઉંમરના નેતાજીને પણ મેદાનમાં ઉતારવા પડ્યા. બોલો ભાઈ, આ શરૂઆત છે તો અંત શું હશે? યુપીમાં કમળ જીતશે.

આ પણ વાંચો- PM Modi in Punjab: પંજાબમાં પીએમ મોદીએ કહ્યું- ઇતિહાસ સાક્ષી છે કે કોંગ્રેસે ખેડૂતોને હંમેશા દગો આપ્યો છે

કરહાલમાં કમળ ખિલશે: અમિત શાહ

અમિત શાહે વધુમાં કહ્યું કે સૌથી પહેલા હું કરહાલના લોકોને પૂછવા માંગુ છું કે તમે મોદીજીના નેતૃત્વમાં 300થી વધુ સીટો સાથે ભાજપની સરકાર બનાવવા માંગો છો. આ માટે એક સીટ પરથી 300 સીટનું કામ થઈ શકશે. તમે કરહાલમાં કમળ ખિલાવો, યુપીમાંથી સમગ્ર સપાનો સફાયો થઈ જશે. વડાપ્રધાન નરેન્દ્ર મોદીએ ગરીબોના ઘરમાં જન્મ લીધો છે, તેઓ ગરીબોની પીડા જાણે છે. તેમણે પ્રધાનમંત્રી આયુષ્માન ભારત યોજના શરૂ કરી અને આજે મોદી સરકાર દેશના ગરીબોને દર વર્ષે 5 લાખ રૂપિયા સુધીની સારવારનો ખર્ચ આપી રહી છે.

અખિલેશના પરિવાર પર શાહનો હુમલો

સમાજવાદી પાર્ટી પર પ્રહાર કરતા અમિત શાહે કહ્યું કે, સપા સરકારમાં અખિલેશના પરિવારના 45 લોકોને અલગ-અલગ પદ મળ્યા છે. આ લોકો માત્ર પરિવારનું જ વિચારે છે, તેઓ પોતાના લોકોનો જ વિચાર કરે છે. તેઓ સમાજનું ભલું કરતા નથી. મોદી સરકારે સબકા સાથ સબકા વિકાસનો નારો આપીને સૌનું ભલું કર્યું છે. ભાજપ સરકારે સમગ્ર ઉત્તર પ્રદેશમાં એક્સપ્રેસ વે બનાવ્યા, દરેક ઘરમાં વીજળી પહોંચાડી. કેટલાક દાયકાઓથી પેન્ડિંગ ત્રણ સિંચાઈ યોજનાઓ પૂર્ણ કરવાની સાથે ભાજપ સરકારે 17 સિંચાઈ યોજનાઓ પૂર્ણ કરી છે.

આ પણ વાંચો- તિરુવલ્લુરના આશ્રમમાં જંતુનાશક દવા પીવાથી 20 વર્ષીય વિદ્યાર્થિનીનું મોત, પોલીસે બાબાની અટકાયત કરી

ત્રણ વર્ષ પછી મુલાયમ ચૂંટણી પ્રચારમાં ઉતર્યા

જણાવી દઈએ કે 2019ની લોકસભા ચૂંટણી પછી પહેલીવાર સમાજવાદી પાર્ટીના સંસ્થાપક અને સંરક્ષક મુકાયમ સિંહ યાદવ લગભગ ત્રણ વર્ષ પછી ચૂંટણી પ્રચાર માટે મેદાનમાં ઉતર્યા છે. ગુરુવારે તેમણે મૈનપુરીની કરહાલ સીટ પરથી પોતાના પુત્ર અને સપાના રાષ્ટ્રીય અધ્યક્ષ અખિલેશ યાદવ માટે વોટ માંગ્યા. આ દરમિયાન તેમણે કહ્યું કે અખિલેશ યાદવને મુખ્યમંત્રી બનાવ્યા બાદ ખેડૂતો, વેપારીઓ અને યુવાનોને મદદ કરવામાં આવશે અને આ ટ્રિપલ લેયર ફોર્મ્યુલા દેશને પ્રગતિના પંથે લઈ જશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: 2022 Assembly elections, Aamit shah, UP Elections 2022