West Bengal Politics: બીજેપીને ઝટકો! મમતાની હાજરીમાં મુકુલ રોયની ઘરવાપસી

મુકુલ રોયની ફાઇલ તસવીર

West Bengal Politics: ટીએમસીના (TMC) સાંસદ અને વરિષ્ઠ નેતા સૌગત રોયે એક ઇન્ટરવ્યુમાં દાવો કર્યો હતો કે, ઘણા લોકો અભિષેક બેનર્જીના સંપર્કમાં છે

  • Share this:
    કોલકાતા: ભારતીય જનતા પાર્ટીને (BJP) પશ્ચિમ બંગાળમાં (West Bengal ) મોટો ઝટકો લાગ્યો છે. ચાર વર્ષ પહેલા મમતા બેનર્જીની પાર્ટી તૃણમૂલ કોંગ્રસ છોડીને બીજેપીમાં ગયેલા મુકુલ રોયની (Mukul Roy) ઘરવાપસી થઇ છે. કોલકાતામાં ટીએમસીની પાર્ટી (TMC) ઓફિસમાં મુકુલ રોયે મમતા બેનર્જીની ઉપસ્થિતિમાં ટીએમસીમાં વાપસી કરી છે. મુકુલ રોય સાથે તેમના પુત્ર શભ્રાંશુ રોય પણ ટીએમસીમાં સામેલ થયા છે.

    રાજ્યમાં પહેલા જ ભાજપના 33 ધારાસભ્યો પાર્ટી છોડી રહ્યાંના અહેવાલો મળી રહ્યાં છે. જોકે, એક ફેસબુક પોસ્ટ પછી એવું પણ કહેવામાં આવી રહ્યું છે કે, મુકુલ રોયનો પુત્ર શુભ્રાંશુ રોય ટીએમસીમાં જોડાઈ શકે છે. તે દરમિયાન પણ મુકુલ રોય વિશે કોઈ ચર્ચા થઈ નહોતી.

    કોરોનાની રસીનાં બે ડોઝ લીધા બાદ નાસિકનાં વૃદ્ધનું શરીર બની ગયું ચુંબક, માનવામાં ન આવે તો જોઇલો Video

    તાજેતરમાં ટીએમસીના સાંસદ અને વરિષ્ઠ નેતા સૌગત રોયે એક ઇન્ટરવ્યુમાં દાવો કર્યો હતો કે, ઘણા લોકો અભિષેક બેનર્જીના સંપર્કમાં છે. નાદિયા જિલ્લાની કૃષ્ણ નગર ઉત્તર પ્રદેશ બેઠક પરથી રોય આ વખતે ચૂંટણી જંગમાં હતા. તેમણે ટીએમસીના ઉમેદવાર કૌસાની મુખર્જીને હરાવ્યા.

    CM યોગીનો દિલ્હી પ્રવાસ: PM મોદી અને જે.પી નડ્ડા સાથે કરી ખાસ મુલાકાત

    એનડીટીવી સાથેની વાતચીતમાં સૌગત રોયે કહ્યું હતુ કે, 'ઘણા લોકો અભિષેક બેનર્જીના સંપર્કમાં છે અને પુનરાગમન કરવા માંગે છે. મને લાગે છે કે, તેમણે જરૂરના સમયે પાર્ટી સાથે દગો કર્યો છે. ટીએમસીના સાંસદે સ્પષ્ટ કર્યું છે કે, 'મમતા અંતિમ નિર્ણય લેશે, પરંતુ મને લાગે છે કે, દળ બદલુંઓને બે ભાગમાં વહેંચવામાં આવશે સોફ્ટલાઇનર અને હાર્ડલાઇનર.'



    જોકે, થોડા સમય પહેલા ટીએમસીના સાંસદ શુખેન્દુ શેખરે સંકેત આપ્યો હતો કે, પાર્ટી દળ બદલુઓ માટે ઉતાવળિયો નિર્ણય નહીં લે. તેમણે કહ્યું હતું કે, પહેલા તે જોવામાં આવશે કે તેઓ શા માટે પાર્ટીમાંથી અલગ થયા અને પરત ફરવાનો હેતુ શું છે? આવી માહિતી મળ્યા પછી જ, તેમની ફરીથી સદસ્યતા અંગે નિર્ણય લઈ શકાય છે.
    Published by:Kaushal Pancholi
    First published: