ગુજરાત મોરબી દુર્ઘટના બાદ હવે આ રાજ્યમાં 2,109 બ્રિજની તપાસ થશે

કોલકાતા. ગુજરાતના મોરબીમાં લગભગ 100 વર્ષ જૂનો સસ્પેન્શન બ્રિજ તુટી ગયા પછી પશ્ચિમ બંગાળ સરકાર પણ એક્શનમાં આવી ગઈ છે. રાજ્ય સરકાર તરફથી અહીં હાજર તમામ 2,109 બ્રિજની "સ્વસ્થ તપાસ" કરવાનો નિર્ણય લેવામાં આવ્યો છે, એટલે કે, તેની મજબૂતાઈ અને અન્ય પરીક્ષણો, જેથી સમયસર કોઈપણ અનિચ્છનીય ઘટનાને ટાળી શકાય. મોરબી બ્રિજ દુર્ઘટનામાં 135થી વધુ લોકોના મોત બાદ રાજ્ય સરકારે વરિષ્ઠ અધિકારીઓ અને એન્જિયરોની સાથેની બેઠકમાં આવું કરવાનો નિર્ણય લીધો હતો.

રાજ્ય સરકારના જાહેર બાંધકામ વિભાગના પ્રધાન પુલક રોયે, વરિષ્ઠ અધિકારીઓ અને એન્જિયરોની સાથેની બેઠક દરમિયાન, તેમને તમામ પુલોની સ્થિતિનું નિરીક્ષણ કરવા અને નવેમ્બરના અંત સુધીમાં જરૂરી ખામીઓ સાથેનો અહેવાલ ફાઇલ કરવાનો નિર્દેશ આપ્યો હતો. રોયે એન્જિનિયરોને સૂચના આપી હતી કે, જો સર્વેમાં બ્રિજની કોઈ સમસ્યા જણાય તો તેના પર તાત્કાલિક કામ કરવામાં આવે.

આ પણ વાંચોઃ યોગી સરકારનો ભ્રષ્ટાચાર પર જોરદાર પ્રહાર, લાંચ લેનાર ડેપ્યુટી SPને ડિમોટ કરી કોન્સ્ટેબલ બનાવ્યો

આ બેઠકમાં સિલીગુડીમાં કોરોનેશન બ્રિજ અને કંગસાબતીમાં બિરેન્દ્ર સાસમલ સેતુને વહેલી તકે ઠીક કરવાનો નિર્ણય લેવામાં આવ્યો હતો. સંત્રાગાચી પુલના સમારકામ માટે જરૂરી કામ પણ 10 નવેમ્બરથી શરૂ થશે. એક અધિકારીએ જણાવ્યું કે, "કંગસાબતી અને શિલાબતી નદીઓ પર બે નવા પુલ બનાવવામાં આવશે."

મંત્રીએ પીટીઆઈને કહ્યું, "ગુજરાતમાં જે બન્યું તે જોયા પછી, અમે રાજ્યના તમામ પુલોની યોગ્ય તપાસ કરવાનું નક્કી કર્યું છે. અમે જોખમ ન લેવા નથી માગતા."

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bridge, Morbi bridge collapse, West bengal