Viral Video: લગ્નમાં DJએ ફેવરિટ ગીત ના વગાડતા રિસાઈ ગઈ કન્યા, મંડપમાં જવાની ના પાડી દીધી!

Viral Video: દરેક સ્ત્રી માટે લગ્ન જીવનનો સૌથી ખાસ દિવસ હોય છે. આ દિવસે તે પોતાની ઈચ્છા મુજબ બધું ઈચ્છે છે. આવી સ્થિતિમાં તેની એન્ટ્રી વખતે તેની પસંદગીનું ગીત ન વાગે તો શું થઈ શકે? આવું વિચારી પણ ના શકાય. પણ હાલના સમયે સોશિયલ મીડિયા પર એક વીડિયો ખૂબ જ વાયરલ થઈ રહ્યો છે. જેમાં એન્ટ્રી સમયે દુલ્હનનું મનપસંદ ગીત વગાડવામાં ન આવતા તેણે મંડપમાં જવાની ના પાડી દીધી હતી.

આ વીડિયોમાં કન્યા મંડપ નજીક છે. ત્યાં તેના ચહેરા પર નારાજગી સ્પષ્ટ જોઈ શકાય છે. તેના પ્રવેશ સમયે ડીજેએ તેની પસંદગીનું ગીત ન વગાડતા તે ગુસ્સે થઈ ગઈ છે. નારાજ કન્યા મંડપમાં આવવાની સ્પષ્ટ ના પાડી રહી છે. શિવાની પીપ્પલ દ્વારા આ વીડિયો શેર કરવામાં આવ્યો છે. ઈન્સ્ટાગ્રામ પર શેર થતા જ આ વીડિયો ઈન્ટરનેટ પર છવાઈ ગયો છે. આ વીડિયો અલગ અલગ હેન્ડલ દ્વારા શેર પણ થયો છે.

મંડપમાં જવાનો ઇનકાર કરી ગુસ્સે ભરાયેલી કન્યાને શાંત પાડવા ગયેલા સંબંધીઓ અને મિત્રોને તે કહે છે કે, "તે ગીત જ વાગશે, તેને કહો, મેં તેને પહેલા જ કીધું હતું. તેને કહો કે, પિયા મોહે ઘર આયે જ વાગશે." દુલ્હનની નારાજગી જોઈને હાજર લોકો ડીજેને તેની વિનંતીનું ગીત વગાડવાનું કહે છે.

View this post on Instagram

A post shared by Shivani Pippel (@the.esthetic.glance)

શિવાની પિપ્પલે શેર કર્યા પછી આ વીડિયોને ઇન્સ્ટાગ્રામ પર 2 મિલિયનથી વધુ વખત જોવામાં આવ્યો છે. તેમજ 1.2 લાખથી વધુ લાઇક્સ અને એક હજારથી વધુ કોમેન્ટ મળી છે. આ વીડિયો પર યુઝર્સ કોમેન્ટ કરી રહ્યા છે. એક યુઝરે લખ્યું છે કે, મેં પણ આવું જ કર્યું હતું. એક યુઝરે લખ્યું છે કે દુલ્હન કેટલી ક્યૂટ છે, જ્યારે બીજા યુઝરે લખ્યું છે કે 'ઓલ ધ બેસ્ટ ટુ હસબન્ડ.' કેટલાક લોકોએ આને વિરાટ -અનુષ્કાના લગ્નની સાઈડ ઇફેક્ટ પણ કહી છે.

આ પણ વાંચો - 30 હજાર રૂપિયા સુધી પગાર મેળવતા નોકરીયાત માટે ખાસ સમાચાર, ESIC થશે સમાવેશ? જુઓ શું છે સરકારની યોજના?

અંતે દુલ્હનની પસંદગીનું ગીત વગાડવામાં આવે છે અને તેણે સ્વપ્નમાં જોયેલી બ્રાઇડલ એન્ટ્રી મળે છે. એક ફોલો-અપ વીડિયોમાં તેણે ખુલાસો કર્યો છે કે, ડીજેએ તરત જ તેનું ગીત વગાડ્યું હતું અને તે ચહેરા પર સ્મિત સાથે લગ્ન સ્થળમાં પ્રવેશી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Trending news, Viral videos