મારિયુપોલમાં વ્લાદિમીર પુતિનનો 'લુકલાઈક' દેખાયો, ચોંકાવનારા દાવાથી વિશ્વમાં ખળભળાટ મચ્યો, યુક્રેને ઉડાવી મજાક

યુક્રેન અને રશિયા વચ્ચે યુદ્ધ હજુ અટક્યું નથી. આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે. આ ક્લિપ વિશે એવો દાવો કરવામાં આવી રહ્યો છે કે, વ્લાદિમીર પુતિન તેમના પ્રવાસમાં લુકલાઈકનો ઉપયોગ કરી રહ્યા છે. એવું માનવામાં આવે છે કે, પુતિન તેના ડુપ્લિકેટ અથવા બોડી ડબલનો ઉપયોગ કરીને વિશ્વને છેતરવાનો પ્રયાસ કરી રહ્યા છે.

ડેઈલીમેલના એક અહેવાલ મુજબ, આ અટકળો ત્યારે વધુ તેજ થઈ જ્યારે રશિયાના રાષ્ટ્રપતિ પુતિન તાજેતરમાં યુક્રેનના કબજા હેઠળના મેરીયુપોલની મુલાકાતે ગયા હતા. દાવો કરવામાં આવી રહ્યો છે કે, આ ટૂર પર પુતિન નહીં પરંતુ તેના જેવો દેખાતો હમશકલ હતો. જોકે, આ ફૂટેજ કોણે અને કેવી રીતે બનાવ્યા તે હજુ સ્પષ્ટ થયું નથી. એવું માનવામાં આવે છે કે, આ વીડિયો દ્વારા રશિયાના લોકોને સંદેશ આપવાનો પ્રયાસ કરવામાં આવ્યો છે, જેઓ સમાચાર માટે સરકારી મીડિયા પર વિશ્વાસ કરે છે.

વાયરલ વીડિયોમાં પુતિનનો ચહેરો અને તેમાં આવનારા બદલાવનો ખુલાસો કરવામાં આવ્યો છે. ક્લિપમાં દાવો કરવામાં આવ્યો છે કે પુતિનના કાનની પાછળ એક ડાઘ છે જે બદલાઈ રહ્યો છે. વીડિયોમાં તેના ચહેરા પર કરચલીઓ વિશે ઘણા દાવા કરવામાં આવ્યા છે, અને કહેવામાં આવ્યું છે કે, આ અશક્ય છે. રિપોર્ટમાં કહેવામાં આવ્યું છે કે, પુતિન સતત તેમના ચહેરા પર પ્લાસ્ટિક સર્જરી કરાવી રહ્યા છે.

આ પણ વાંચો : મધ્યપ્રદેશ, મહારાષ્ટ્ર અને ગુજરાતમાં NIAના દરોડા, 'ગઝવા-એ-હિંદ'ના સંચાલકોના ઘરો પર દરોડા પડાયાં

પુતિનની મુલાકાત વિશે અફવાઓ

ડેઈલી મેલના અહેવાલ મુજબ અફવા ફેલાઈ છે કે, પુતિને સતત પ્લાસ્ટિક સર્જરી કરાવી છે. 1999 દરમિયાન, જ્યારે તેઓ કાર્યકારી રાષ્ટ્રપતિ બન્યા, તે સમયે તેઓ ઘણા વૃદ્ધ દેખાતા હતા. વાઈરલ વીડિયોમાં દાવો કરવામાં આવ્યો છે કે, પુતિન જેવા નબળા દેખાવને મેરીયુપોલની મુલાકાતે મોકલવામાં આવ્યો હતો. તે પોતાનું કૃત્રિમ જડબું પહેરવાનું ભૂલી ગયો હતો. અફવા એવી છે કે, પુતિને તેના એક વફાદાર પર પ્લાસ્ટિક સર્જરી કરાવી છે, તેથી તે તેના જેવો જ દેખાય છે. ત્યારે આ વ્યક્તિને પુતિનની જગ્યાએ પ્રવાસ પર મોકલવામાં આવી રહ્યો છે. એવું માનવામાં આવે છે કે, રશિયાના રાષ્ટ્રપતિ કથિત રીતે કેટલીક બીમારીઓથી પીડિત છે. જેના કારણે બોડી ડબલનો ઉપયોગ કરવામાં આવી રહ્યો છે.

યુક્રેને મજાક ઉડાવી

આ વાયરલ વીડિયોમાં સવાલ ઉઠ્યો છે કે, આ બોડી ડબલના નકલી દાંત છે. એટલું જ નહીં, 'કેટલા પુતિન છે?' જણાવી દઈએ કે, આ પહેલા યુક્રેને પુતિનની મજાક ઉડાવી હતી. યુક્રેને દાવો કર્યો હતો કે, પુતિનના દેખાવને મેરીયુપોલ મોકલવામાં આવ્યો હતો. આટલું જ નહીં કિવના એક અધિકારીએ પુતિનની ચિનની કેટલીક તસવીરો શેર કરીને તેમની મજાક ઉડાવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Duplicate, Vladimir putin