અતીક અહેમદને લઈને અમદાવાદથી પ્રયાગરાજ જતા કાફલા સાથે હાઈવે પર આ શું અથડાયું?

અતીક અહેમદનો કાફલો લઈ જવામાં આવી રહ્યો હતો ત્યારે શિવપુરીની સીમામાં એન્ટ્રી વખતે કાફલા સાથે પ્રાણી અથડાવાની ઘટના બની છે. અતીક અહેમદને હાલ અમદાવાદની સાબરમતી જેલમાંથી ઉત્તરપ્રદેશના પ્રયાગરાજ સુધી રોડ માર્ગે લઈ જવામાં આવી રહ્યો છે. હત્યા અને ખંડણીના આરોપો અતીક અહેમત તથા તેના ભાઈ અશરફ સામે મૂકાયા છે. બન્નેને કોર્ટમાં રજૂ કરવા માટે લઈ જવામાં આવી રહ્યા છે. ઉમેશ પાલ કેસમાં અતીકને પ્રયાગરાજ લઈ જવામાં આવી રહ્યો છે જ્યારે તેના ભાઈ અશરફને પણ પ્રયાગરાજ લઈ જવામાં આવ્યો છે. અતીકને કોર્ટના આદેશ બાદ અમદાવાદની સાબરમતી જેલમાં બંધ કરવામાં આવ્યો હતો.

અતીકનો કાફલો રવિવારે સાંજે 5.40 વાગ્યે પ્રયાગરાજ પોલીસનો કાફલો અતીક અહેમદને લઈને સાબરમતી જેલથી રવાના થયો હતો, ગુજરાતથી નીકળીને મધ્યપ્રદેશ થઈને અતીકને લઈ જતો કાફલો ઝાંસીથી આગળ વધી રહ્યો છે. જ્યારે અતીકને લઈ જતો પોલીસ કાફલો ઉત્તરપ્રદેશમાં દાખલ થઈ રહ્યો હતો ત્યારે શિવપુરીની સીમામાં પ્રાણી કાફલાના એક વાહન સાથે ટકરાઈ ગયું હતું.

આ પણ વાંચોઃ કેમ હાઈવે પર કાફલો રોકીને અતીકને પોલીસે નીચે ઉતાર્યો?

શ્વાન જેવું દેખાતું પ્રાણી પોલીસના વાહન સાથે ટકરાયું હતું. સુરક્ષા વ્યવસ્થાને ધ્યાનમાં રાખીને એક જ ગતિમાં અતીકનો કાફલો સતત આગળ વધી રહ્યો છે. આજે સાંજ સુધીમાં યુપી પોલીસનો કાફલો અતીકને લઈને પ્રયાગરાજ પહોંચશે તેવી શક્યતાઓ વ્યક્ત કરવામાં આવી રહી છે.

ઈંધણ સહિતની બાબતો માટે લગભગ 8 જેટલીવાર યુપી પહોંચતા પહેલા પોલીસ કાફલો રોકવામાં આવ્યો છે. જેમાં એક વખત પેશાબ માટે અતીકને પોલીસના વાહનમાંથી નીચે પણ ઉતારવામાં આવ્યો હતો. અતીકને સડક માર્ગે પ્રયાગરાજ લઈ જવામાં આવી રહ્યો છે.

મધ્ય પ્રદેશમાં અતીકના કાફલા સાથે પશુ ટકરાયું
ખરઈ ચેક પોસ્ટ નજીક વાહન સાથે અથડાયું
શિવપુરીની સીમામાં એન્ટ્રી વખતે બની ઘટના#MadhyaPradesh #AtiqueAhmed #News18GujaratiNo1 pic.twitter.com/uK4kIEyp6Y

— News18Gujarati (@News18Guj) March 27, 2023

અતીક અહેમદ સામે શું છે ગુનો?

2006માં ઉમેશ પાલનું અપહરણ થયું હતું, રાજુ પાલ હત્યા કેસનો મુખ્ય ગવાહ ઉમેશ પાલ હતો રાજુ પાલ BSPના ધારાસભ્ય હતા. 2007માં ઉમેશ પાલે અપહરણનો કેસ નોંધાવ્યો હતો. જેમાં અતીક અને તેના ભાઈ અસરફ સામે કેસ નોંધાયો હતો. કેસ થયા બાદ ઉમેશ પાલની હત્યા થઈ ગઈ હતી. હવે આ કેસમાં વધુ તપાસ કરવા માટે વારંવાર યુપી પોલીસ અમદાવાદ આવી રહી હતી અને કોર્ટના આદેશ પર તેને ફરી એકવાર યુપી લઈ જવામાં આવી રહ્યો છે. અતીક અહેમદ પણ સમાજવાદી પાર્ટીનો પૂર્વ સાંસદ અને ધારાસભ્ય રહી ચૂક્યો છે.

અતીક અહેમત અલ્હાબાદ પશ્ચિમથી સતત 5 વખત ધારાસભ્ય તરીકે ચૂંટાયો હતો. 14મી લોકસભામાં 2004-2009 દરમિયાન તે સમાજવાદી પાર્ટીની ટિકિટ પરથી યુપીની ફુલપુર બેઠક પરથી જીત્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Prayagraj, Up police