Vaishno Devi Stampede: 'પથ્થર પડવાની અફવા ફેલાતા મંદીરમાં નાસભાગ થઈ', પ્રત્યક્ષદર્શીની જુબાની

નવી દિલ્હી. જમ્મુ-કાશ્મીર (Jammu Kashmir)માં કટરાના માતા વૈષ્ણોદેવી મંદિર (Vaishno Devi Temple)માં ભક્તોની ભારે ભીડને કારણે થયેલી ભાગદોડ (Vaishno Devi Bhawan Stampede)માં ઓછામાં ઓછા 12 લોકોના મોત થયા છે અને 20 લોકો ઘાયલ થયા છે. મંદિરના ગર્ભગૃહની બહાર ગેટ નંબર ત્રણ નજીક નાસભાગ મચી ગઈ હતી.જમ્મુ-કાશ્મીરના ડીજીપી દિલબાગ સિંહે જણાવ્યું હતું કે શુક્રવારે-શનિવારે રાત્રે લગભગ 2.45 વાગ્યાની આસપાસ નાસભાગ મચી ગઈ હતી. તેમણે કહ્યું કે પ્રાથમિક અહેવાલો અનુસાર, કેટલીક દલીલો બાદ એકબીજા સાથે ઘક્કા-મુક્કી બાદ નાસભાગ મચી ગઈ હતી. પરંતુ ત્યાંના હાજર લોકોનું કંઈક બીજું કહેવાનું છે. એક પ્રત્યક્ષદર્શી કહે છે કે પથ્થર પડવાની અફવાઓ ફેલાયા પછી નાસભાગ થઈ હતી.

આ ઘટના દરમિયાન હાજર એક પ્રત્યક્ષદર્શીએ કહ્યું કે માતા વૈષ્ણોદેવી ભવન માર્ગ પર ખૂબ ભીડ હતી. આ ભીડને જોઈને જ ધભરામણ થતી હતી. લોકોએ કહ્યું છે કે, ભીડ હતી ત્યારે લોકોને કેમ રોકવામાં આવ્યા નહીં તે વહીવટીતંત્રની ભૂલ છે. લોકો ચાલી જ રહ્યા હતા. તે દરમિયાન લુધિયાણાનો એક ભક્ત પણ ઘટના સ્થળે હાજર હતો. તેમણે કહ્યું કે દર્શન માટે આટલી બધી સ્લિપ કેમ કાપવામાં આવી. વધુ સ્લિપ કાપવામાં આવી હતી, જેના કારણે નાસભાગ મચી ગઈ છે. તેમણે કહ્યું કે તેણે થાંભલા પર ચઢીને પોતાનો જીવ બચાવ્યો છે.

આ પણ વાંચો: Vaishno Devi Bhawan Stampede: વૈષ્ણોદેવી મંદિર પરિસરમાં ભાગદોડમાં જીવ ગુમાવનારા શ્રદ્ધાળુઓની થઈ ઓળખ, જાણો યાદી

અકસ્માત બાદ વહીવટીતંત્ર દ્વારા વૈષ્ણોદેવી યાત્રા બંધ કરવામાં આવી હતી. ત્યારબાદ પરિસ્થિતિ સામાન્ય થઈ ત્યારે મુસાફરી ફરી શરૂ કરાઈ હતી. કટરામાં પેસેન્જર સ્લિપ પણ બનવા લાગી છે. જમ્મુ-કાશ્મીરના લેફ્ટનન્ટ ગવર્નર મનોજ સિંહાએ માહિતી આપી છે કે માતા વૈષ્ણોદેવી ભવનમાં થયેલી ભાગદોડમાં માર્યા ગયેલા લોકોના નજીકના સંબંધીઓને દરેકને રૂ.10 લાખ અને ઇજાગ્રસ્તો માટે 2-2 લાખ રૂપિયાનું વળતર આપવામાં આવશે.

12 pilgrims lost their lives & 15 pilgrims got injured in the incident. Govt has ordered a high-level probe into the incident by a three-member team headed by the Principal Secretary Home, ADGP Jammu Zone & Divisional Commissioner Jammu: Shri Mata Vaishno Devi Shrine Board

— ANI (@ANI) January 1, 2022

પીએમ મોદીએ પણ આ ઘટના પર શોક વ્યક્ત કર્યો છે. પ્રધાનમંત્રીએ શોકગ્રસ્ત પરિવારો પ્રત્યે સંવેદના વ્યક્ત કરી હતી અને કહ્યું હતું કે, તેમણે જમ્મુ-કાશ્મીરના ઉપરાજ્યપાલ મનોજ સિંહા અને કેન્દ્રીય મંત્રી જિતેન્દ્ર સિંહ અને નિત્યાનંદ રાય સાથે પરિસ્થિતિનો તાગ મેળવવા વાત કરી છે.

આ પણ વાંચો: ફ્લાઈટમાં મુસાફરી દરમ્યાન મહિલા થઈ કોરોના પોઝિટિવ, બાથરૂમમાં 5 કલાક આઇસોલેટ થવું પડ્યું

પીએમ મોદીએ ટ્વીટ કર્યું હતું કે, "માતા વૈષ્ણોદેવી ભવનમાં થયેલી ભાગદોડને કારણે જાનહાનિથી ખૂબ જ દુઃખ થયું છે. શોકગ્રસ્ત પરિવારો પ્રત્યે સંવેદના. હું ઇજાગ્રસ્તોની ઝડપથી સ્વસ્થતા માટે પ્રાર્થના કરું છું. જમ્મુ-કાશ્મીરના ઉપરાજ્યપાલ મનોજ સિંહાજી, મંત્રીઓ જિતેન્દ્રસિંહજી, નિત્યાનંદ રાયજી સાથે વાત કરી હતી અને પરિસ્થિતિનો તાગ મેળવ્યો હતો.'

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Latest updates, Vaishno devi, દેશ વિદેશ