Home /News /national-international /Uttrakhand glacier burst: સાત લોકોના મોત, 170થી વધુ ગાયબ, મૃતકોના પરિવારને ચાર લાખનું વળતર

Uttrakhand glacier burst: સાત લોકોના મોત, 170થી વધુ ગાયબ, મૃતકોના પરિવારને ચાર લાખનું વળતર

ઘટના સ્થળની તસવીર

ઉત્તરાખંડના સીએમ ત્રિવેન્દ્ર સિંહ રાવતે આપદામાં જીવ ગુમાવનારા પરિવારના લોકોને 4-4 લાખ રૂપિયાનું વળતર આપવાની જાહેરાત કરી હતી.

    ચમોલીઃ ઉત્તરાખંડના ચમોલી જિલ્લામાં હિમખંડ ટૂટવાના (Glacier Burst in Uttrakhand) કારણે નદીઓમાં પૂર આવવાના કારણે ક્ષતિગ્રસ્ત એનટીપીસીના નિર્માણાધીન 480 મેગાવોટ તપોવન -વિષ્ણુગાડ પનબિજલી પરિયોજનાની એક સુરંગમાં હજી 170થી વધારે લોકો ફસાયા હોવાની આશંકા છે. જ્યારે અત્યાર સુધી 16 લોકોને રેસ્ક્યૂ કરવામાં આવ્યા છે. આ ઉપરાંત સાત લોકોની લાશો મળી આવી છે. ઉત્તરાખંડના સીએમ ત્રિવેન્દ્ર સિંહ રાવતે (CM Trivendra Singh Rawat) આપદામાં જીવ ગુમાવનારા પરિવારના લોકોને 4-4 લાખ રૂપિયાનું વળતર આપવાની જાહેરાત કરી હતી.

    આ ઉપરાંત સીએમ રાવતે કહ્યું કે અમારી સેનાના લોકો પહોંચી ગયા છે. એનડીઆરએફની એક ટીમ દિલ્હીથી પહોંચી છે. મેડિકલ સુવિધાની દ્રષ્ટીથી ત્યાંથી સેના, પેરામિલિટ્રી ફોર્સેઝ અને અમારા રાજ્યના ડોક્ટ્ર કેમ્પ કરેલા છે. જ્યારે અમે ત્યાંનું હવાઈ સર્વે કર્યો છે. ત્યારબાદ રેણી ગાંવ જ્યાં સુધી જઈ શકાય ત્યાં સુધી રોડથી જઈને નિરિક્ષણ કર્યું છે. એટલા માટે પહેલા રાવતે જણાવ્યું કે આઈટીબીપીના જવના દોરડાથી સુરંગની અંદર જઈને 150 મિટર સુધી પહોંચ્યા છે. જોકે, આ સુરંગ લગભગ 250 મિટર લાંબી છે.

    મુખ્યમંત્રી ત્રિવેન્દ્ર સિંહ રાવતે જણાવ્યું કે 13 મેગાવોટના ઋષિગંગા પાવર પ્રોજેક્ટમાં 35 લોકો કામ કરતા હતા જે તમામ લાપતા છે. આ ઉપરાંત ઉત્તરાખંડ પોલીસના બે જવાનો પણ લાપતા છે. તપોવન પાવર પ્રોજેક્ટમાં 176 શ્રમિક કામ કરી રહ્યા હતા. આ ક્ષેત્રમાં એક મોટા અને ચાર નાના પુલોને નુકસાન પહોંચ્યું છે. પોતાના 180 ઘેટાં-બકરા સાથે પાંચ સ્થાનિક ગોવાળો પણ પુરમાં તણાઈ ગયા છે. અમે માની રહ્યા છીએ કે લગભગ 125 લોકો ગાયબ છે. આ સંખ્યા વધી શકે છે.

    આ પણ વાંચોઃ-

    રાજ્ય ડિઝાસ્ટર મેનેજમેન્ટ કેન્દ્ર પ્રમાણે આજે ઉત્તરાખંડમાં ગ્લેશિયર તૂટવાની ઘટનામાં 7 લોકોના મોત થયા છે, 6 લોકો ઘાયલ અને લગભગ 170 લોકો લાપતા છે. આ વચ્ચે એનટીપીસીના મહાપ્રબંધક આરપી અહીરવાલે જણાવ્યું કે નિર્માણઆધીન પરિયોજનાને પુરથી ખૂબ જ નુકસાન પહોંચ્યું છે. વાસ્તવિક આકલન કરવા માટે હજી સમય લાગશે.

    આ પણ વાંચોઃ-

    પીએમ મોદીએ વ્યક્ત કર્યું દુઃખ
    ચમોલીમાં આવેલી આપદા ઉપર વડાપ્રધાન નરેન્દ્ર મોદીએ દુઃખ વ્યક્ત કર્યું હતું. આ સાથે જ દુર્ઘટનામાં જીવ ગુમાવનારા લોકોના પરિવારજનોને 2 લાખ રૂપિયા અને ગંભીર રૂપથી ઘાયલ લોકોને 50 હજાર રૂપિયા વળતર આપવાની જાહેરાત કરી છે.
    " isDesktop="true" id="1070271" >



    વડાપ્રધાન નરેન્દ્ર મોદીએ કહ્યું કે, 'હું ઉત્તરાખંડની દુર્ભાગ્યપૂર્ણ સ્થિતિ ઉપર સતત નજર રાખી રહ્યો છું. ભારત દેશ ઉત્તરાખંડ સાથે ઊભો છે. રાષ્ટ્ર અત્યારે સુરક્ષા માટે પ્રાર્થના કરે છે. વરિષ્ઠ અધિકારીઓ સાથે સતત વાત કરી રહ્યો છું. એનડીઆરએફની તૈનાતી, બચાવ અને રાહત કાર્યો ઉપર સતત અપડેટ લઈ રહ્યો છું.'
    Published by:ankit patel
    First published:

    Tags: Uttrakhand

    विज्ञापन

    विज्ञापन
    विज्ञापन
    विज्ञापन