Ramnagar Accident: વરસાદના કારણે વહેતી નદીમાં તણાઈ કાર, 9 લોકોનાં મોત, ફસાયેલી કાર ટ્રેક્ટરથી બહાર કાઢવામાં આવી

રામનગર. ઉત્તરાખંડ (Uttarakhand)ના નૈનીતાલ (Nainital) જિલ્લામાંથી એક મોટી દુર્ઘટના (Car falls in river)ના સામે આવી છે. આજે સવારે સાડા પાંચ વાગ્યે રામનગરમાં ધેલા નદીના વહેણમાં એક અર્ટિગા કાર ધોવાઈ જતાં નવ લોકોના મોત થયા છે, જ્યારે એકને જીવિત બચાવી લેવામાં આવ્યો છે, જેને તાકીદે તબીબી સહાય પૂરી પાડવામાં આવી રહી છે. નદીમાં ડૂબી ગયેલી કારમાંથી સાત મૃતદેહો બહાર કાઢવામાં આવ્યા છે, જ્યારે વધુ બે મૃતદેહોને બહાર કાઢવાના પ્રયાસો ચાલુ છે. તમામ મૃતકો પંજાબ (Punjab)ના જણાવવામાં આવી રહ્યા છે.

ભારે વરસાદના કારણે અનેક જગ્યાએ નદીઓના જળસ્તાર વધી ગયા છે. અને વરસાદ વચ્ચે અનેક અકસ્માતના બનાવો સામે આવી રહ્યા છે ત્યારે આવી જ એક ઘટના રામનગરથી સામે આવી છે. સ્થાનિક લોકોના જણાવ્યા મુજબ, રાત્રે લગભગ 2 વાગ્યાથી ધેલા નદીના વિસ્તારમાં વરસાદ પડી રહ્યો હતો, જેના કારણે નદીના નાળા ઉભરાઈ ગયા હતા.

એક પ્રત્યક્ષદર્શીએ જણાવ્યું કે તેણે કારનું વહેણ ઝડપી થઈ રહ્યું હોવાના વિશે જણાવવા માટે હાથના ઈશારાથી કારને રોકવાનો પ્રયાસ પણ કર્યો હતો, પરંતુ કાર અટકી ન હતી અને જોરદાર ઝડપથી વહેતા વહેણની ચપેટમાં આવી. આ કારમાં કુલ 10 લોકો સવાર હતા જેમાંથી એક બાળકી બચી ગઈ છે. કહેવામાં આવી રહ્યું છે કે કારમાં હજુ પણ બે મૃતદેહો ફસાયેલા છે.

આ પણ વાંચો: સુત્રાપાડામાં અનારાધાર વરસાદથી બ્રિજ ધોવાયો, દ્રશ્યો કેમેરામાં કેદ

Uttarakhand | 9 died, 1 girl rescued alive and about 5 trapped after a car washed away in Dhela river of Ramanagar amid heavy flow of water induced by rains early this morning, confirms Anand Bharan, DIG, Kumaon Range pic.twitter.com/Fl3CLowGCK

— ANI UP/Uttarakhand (@ANINewsUP) July 8, 2022

આ તમામ મૃતકો પંજાબના જણાવવામાં આવી રહ્યા છે જેઓ ધેલા થઈને રામનગર જઈ રહ્યા હતા. હાલ સ્થાનિક લોકોની મોટી ભીડ સ્થળ પર એકઠી થઈ ગઈ છે અને કારને બહાર કાઢવા માટે મદદ પણ કરવામાં આવી રહી છે. સ્થાનિક લોકો એ મદદ માટે હાથ લંબાવ્યા છે.

આ પણ વાંચો: ગુજરાતની બસને મહારાષ્ટ્રમાં અકસ્માત, એક પથ્થરને કારણે બચ્યા 28 જીવ!

ટ્રેક્ટરની મદદથી કારને પાણીમાંથી બહાર કાઢવાના પ્રયાસો કરવામાં આવી રહ્યા છે, પરંતુ કાર પત્થરો વચ્ચે ખરાબ રીતે ફસાઈ ગઈ છે. જાણવા મળ્યું છે કે કારના દરવાજા કાપવામાં આવી રહ્યાં છે. સ્થાનિક લોકો, પોલીસ અને સ્થાનિક પ્રશાસન બચાવ કાર્ય કરી રહ્યા હતા, પરંતુ હાલાકી જોવા મળી રહી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Horrific road accident, Uttarakhand news, Uttarakhand Rains