Home /News /national-international /ઉત્તરાખંડમાં મોટી દુર્ઘટના: જાનૈયા ભરેલી બસ બેકાબૂ થતાં ખીણમાં ખાબકી, 25 લોકોના મોત

ઉત્તરાખંડમાં મોટી દુર્ઘટના: જાનૈયા ભરેલી બસ બેકાબૂ થતાં ખીણમાં ખાબકી, 25 લોકોના મોત

ઉત્તરાખંડમાં મોટી દુર્ઘટના (ANI )

Bironkhal Bus Accident: પૌડીમાં જાનૈયાઓ ભરેલી બસ બેકાબૂ થઈને ખીણમાં ખાબકી હતી. બસમાં લગભગ 50 જાનૈયાઓ સવાર હતા. દુર્ઘટના બાદ અત્યાર સુધીમાં 25 લોકોના મોત થઈ ચુક્યા છે.

    લેંસડાઉન (ઉત્તરાખંડ): ઉત્તરાખંડના પૌડીમાં મંગળવારે રાતે મોટી દુર્ઘટના સર્જાઈ ગઈ. ડીજીપી અશોક કુમારે જણાવ્યું હતું કે, ધૂમાકોટના બિરોખલ વિસ્તારમાં ગત રાતે પૌડી ગઢવાલ બસ દુર્ઘટનામાં 25 લોકોના મોત થઈ ચુક્યા છે. તો વળી સવારે 6 લોકોને જીવતા બચાવી લેવામાં આવ્યા છે. પોલીસ અને એસડીઆરએફે આખી રાત દરમિયાન 21 લોકોને બચાવ્યા છે. ઘાયલોને નજીકની હોસ્પિટલમાં ભરતી કરાવ્યા છે. આ દુર્ઘટના ત્યારે થઈ જ્યારે હરિદ્વારના અંતર્ગત લાલઢાંગથી કાડા તલ્લા જઈ રહેલી 50 જાનૈયાઓ ભરેલી બસ સિમડી ગામ નજીક બેકાબૂ થઈને 500 મીટર ઊંડી ખીણમાં ખાબકી હતી.

    આ પણ વાંચો:  ઉત્તરાખંડમાં પાણીમાં તણાયો યુવક, જીવના જોખમે રસ્તા પર સ્ટંટ કરતાં બની ઘટના

    હાલમાં ઘટના પર પોલીસ અને એસડીઆરએફની ટીમ રેસ્ક્યૂ ઓપરેશન ચલાવી રહી છે.સીએમ પુષ્કર સિંહ ધામીએ પણ કંટ્રોલ રૂમમાં પહોંચીને તાત્કાલિક રાહત પહોંચાડવાના નિર્દેશ આપ્યા છે. આપને જણાવી દઈએ કે, શ્રીનગર, કોટદ્વાર, સતપુલી અને રુદ્રપુરથી એસડીઆરએફની રેસ્ક્યૂ ટીમે ઘટનાસ્થળ પર રાહત અને બચાવ કાર્યમાં લાગેલી છે.


    રેસ્ક્યૂમાં લાગી એસડીઆરએફની ટીમ


    દુર્ઘટના બાદ મંગળવાર રાતે સીએમ પુષ્કર સિંહ ધામીએ કહ્યું કે, રેસ્ક્યૂ ઓપરેશન માટે એસડીઆરએફની ટીમ લાગી છે. તો વળી આ મામલામાં બ્લોક પ્રમુખ રાજેશ કંડારીએ જણાવ્યું છે કે, આ બસ લગભગ 500 મીટર નીચે ખીણમાં ખાબકી છે. તેની સાથે જ બીરોખાલ સ્વાસ્થ્ય કેન્દ્રથી પાંચ ડોક્ટર્સની ટીમ મોકલવામાં આવી છે.
    Published by:Pravin Makwana
    First published:

    Tags: Road accident, Uttrakhand

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन